அன்புடன் அந்தரங்கம்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

16 ஆக
2020
00:00

அன்பு சகோதரிக்கு —
என் வயது: 48, கணவர் வயது: 52. கொத்தனாராக வேலை செய்கிறார். சம்பாதிப்பதை எல்லாம் மது குடித்தே அழிப்பார். வேலைக்கும் சரியாக போக மாட்டார். நான், காய்கறி - கீரை வியாபாரம் செய்கிறேன். மொத்த மார்க்கெட்டிலிருந்து வாங்கி வந்து, தள்ளு வண்டியில் வைத்து, வீடு வீடாக சென்று, விற்பனை செய்வேன்.
மார்க்கெட்டிலிருந்து காய்கறிகளை வாங்கி வர, கணவர் தான், இரு சக்கர வாகனத்தில் உடன் வருவார். இதற்காக, தினமும் அவருக்கு, 100 ரூபாய் கொடுத்து விடவேண்டும். இல்லாவிட்டால், திட்டு, அடி, உதை தான்.

எங்களுக்கு இரு பெண்கள் மற்றும் ஒரு மகன். காய்கறி வியாபாரம் மூலமாகவே மூவரையும் ஓரளவுக்கு படிக்க வைத்து, திருமணமும் செய்து வைத்தேன். மூவரும் தனித்தனியாக வசிக்கின்றனர்.
ஆரம்பத்தில், காய்கறி நிறைந்த கூடையை, தலையில் சுமந்து விற்றதில், கழுத்து வலியும், தலை வலியும் வந்து, இன்று வரை, பாடாய் படுத்துகிறது. உடல் வலுவிழந்து போனதால், இப்போதெல்லாம், தெருத் தெருவாக அலைய முடிவதில்லை.
கையில் காசில்லாமல், கணவருக்கு, தண்ணியடிக்க கொடுக்க முடியாதபோது, 'இது என் வீடு... வெளியே போ...' என்று பேசி, அடிப்பார்.
மகன், ஆட்டோ ஓட்டுகிறான். அவனுக்கும் போதிய வருமானம் இல்லாததால், எனக்கும் உதவ முடிவதில்லை. பொண்ணுங்க வாழ்வும், சிறப்பா இல்லை. நான் தான் அவ்வப்போது உதவி செய்து வருகிறேன். மீதமுள்ள காலத்தை எப்படி கடப்பேனோ என்று பயமாக உள்ளது.
என்னுடன் பிறந்தவர்கள் மொத்தம் எட்டு பேர். கஷ்ட ஜீவனத்திலும், விவசாய கூலியான என் அப்பா, 8ம் வகுப்பு வரை, என்னை படிக்க வைத்தார். தமிழ் நன்றாக படிக்கவும், எழுதவும் தெரியும்.
இனி, எவ்வளவு காலம் இருப்பேனோ தெரியாது. என் பிள்ளைகளுக்கு நிரந்தர வருமானத்துக்கு வழி செய்ய வேண்டும் என்று ஆசைப்படுகிறேன்.
நான் என்ன செய்யட்டும், அம்மா.
இப்படிக்கு,
உங்கள் சகோதரி.


அன்பு சகோதரிக்கு —
பெரும்பாலும் தினக்கூலி பணியாளர்கள், வலது கையில் மது கோப்பையும், இடது கையில் திருமண பந்தம் மீறிய உறவையும் துாக்கி பிடித்திருப்பர். அவர்களின் தீய செய்கைகளுக்கு கிரியா ஊக்கியாக அமைவது, அடித்தட்டு பெண்களின் கோழைத்தனமே.
விதிவிலக்காக சில பெண்கள், சேட்டை செய்யும் ஆண்களை நான்கு அறை அறைந்து, கால்களுக்கு கீழ் அடக்கி வைத்திருப்பதையும் பார்த்திருக்கிறேன்.
'இது என் வீடு வெளியே போ...' என, உன் கணவன், மொட்டை அதிகாரம் பண்ணும்போது, பத்திரக்காளியாக மாறி ரவுத்ரம் காட்டியிருக்க வேண்டும், நீ. ஓடினால் துரத்துவர்; திரும்பி நின்று உருமினால், தலைதெறிக்க ஓடுவர்.
அடுத்தடுத்து நீ செய்ய வேண்டிய அதிரடி நடவடிக்கைகளை வரிசைப்படுத்துகிறேன்...
1. 'உத்தியோகம் பார்த்து எனக்கு இரு மகள்களையும், ஒரு மகனையும் பெற்று தந்து விட்டாய். செய்த ஊழியத்துக்கு சம்பளமாக தினம், 100 ரூபாயும் பெற்றுக் கொண்டாய். இனி, ஒரு பைசா தரமாட்டேன். 100 ரூபாய் சம்பளம் கொடுக்கும் புதிய இடத்துக்கு ஓடி விடு. உன்னால் கழுத்து வலியும் தலைவலியும் வந்து, நான் அவதிப்பட்டது போதும். என் முகத்தில் விழிக்காதே போ...' என, முறம் வைத்து துரத்தி விரட்டு.
2. ஆட்டோ ஓட்டும் உன் மகனுக்கு, பிரமாதமாக நீ உதவ முடியும். அவன் யாருடைய ஆட்டோவையாவது தான் வாடகைக்கு ஓட்டிக்கொண்டு இருப்பான். அவனுக்கு, பிரதமரின், 'முத்ரா லோன்' மூலம், சொந்தமாக ஆட்டோ வாங்கிக் கொடு. அந்த கடனுக்கு சொத்து அடமானமோ, ஜாமினோ தேவையில்லை. 10 லட்சம் வரை பெறலாம்.
உன் மகனுக்கு ஆட்டோ வாங்க, 2.20 லட்சம் தான் தேவைப்படும். வட்டி, 8.05 சதவீதம் தான். வாங்கும் கடனை, 84 தவணைகளில் மாதம், 3,300 கட்டி அடைத்து விடலாம். காலை, 6:00 மணிக்கு ஆட்டோவை எடுத்தால், இடையே சிறிது நேர ஓய்வுக்கு பின், இரவு, 10:00 மணி வரை ஓட்டலாம். இரவு, 10:00 மணியிலிருந்து அதிகாலை, 6:00 மணி வரை ஓய்வு. தினம் குறைந்தபட்சம், 1,500 - 2,000 ரூபாய் சம்பாதிக்கலாம்.
3. அடுத்து, உன் இரு மகள்களை பார்ப்போம். அவர்களை ஏதாவது ஒரு சுய உதவி குழுவில் சேரச் சொல். சுய உதவிக்குழுவில் சேர்ந்த ஒரு ஆண்டில் பொருளாதார தன்னிறைவு பெற்று விடுவர்.
4. 'முத்ரா லோன்' மூலம், 80 ஆயிரம் பெற்று, பின்மேடை இணைக்கப்பட்ட, 'இ பைக்' வாங்கி நடமாடும் காய்கறி கடை நடத்தலாம். பைக் ஒட்டி காய்கறி வியாபாரம் செய்ய முடியாது என்றால், பிளாட்பார கடை போட்டு வியாபாரம் செய்.
'முத்ரா லோன்' மற்றும் சுய உதவிக்குழு மூலம், வாழ்க்கைத்தரத்தை உயர்த்தலாம். ஆனால், வரவுக்கேற்ற செலவு செய்ய வேண்டும். கூடா நட்பு கேடாக முடியும். மாதாந்திர தவணை தொகையை குறித்த தேதியில் வங்கியில் கட்ட வேண்டும்.
சொன்னபடி திட்டமிட்டு செயல்பட்டால், உன் வாழ்வும், மகன், மகள்கள் வாழ்வும் மேன்மையடையும். வாழ்த்துகள்!

என்றென்றும் பாசத்துடன்
சகுந்தலா கோபிநாத்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (8)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R PREMALATHAYOGESWARI - Coimbatore,இந்தியா
22-ஆக-202000:15:29 IST Report Abuse
R PREMALATHAYOGESWARI அறிவுரைகள் ஏராளமாக உள்ளன. சொன்ன வாசகர்களுக்காக பாராட்டுக்கள். செயல்படுத்திடத் தான் எல்லாம் தெரியும். எத்தனையோ பேர் இந்த சூழலில் உள்ளனர். அவர்களும் பயனடையும் விதத்தில் திருமதி சகுந்தலா கோபிநாத் சொன்ன கருத்துக்கள் ஏற்றம் பெறும் வகையில் இருந்தது
Rate this:
Cancel
bharadhan -  ( Posted via: Dinamalar Android App )
20-ஆக-202022:08:50 IST Report Abuse
bharadhan உங்களுக்கு சமையல் செய்ய தெரியும் எனில் விட்டு முறையில் நல்ல சுத்தமான, ஆரோக்கியமான உணவு மூன்று வேளை செய்து உங்களது மகன் மூலமாக உணவு வேண்டுபவர்களுக்கு விட்டிற்கே சென்று குடுக்கலாம் இதன் முலம் உங்களது உணவு தேவையும் நிறை வேறும், மற்றும் அதிக அளவில் வாடிக்கையாளர்கள் கிடைக்கும் போது நல்ல லாபமும் கிடைக்கும் நீங்கள் இன்னும் சிலருக்கு நீங்கள் வேலையும் தரலாம், எனக்கு தெரிந்த பலரிடம் நல்ல பொருளாதார வசதி இருந்தும் நல்ல சுவையான, ஆரோக்கியமான வீட்டு முறை உணவு வீட்டில் செய்து கொடுக்க ஆள் இல்லாமல் கஷ்ட படுகிறார்கள்.....
Rate this:
Manian - Chennai,இந்தியா
21-ஆக-202009:11:38 IST Report Abuse
Manianஅருமையான யோசனைதான். அதில் வரும் துன்பங்களையும் நினைத்து பார்க்க வேண்டும். இட்டிலி,இடியாப்பம் என்றால் ஒருவாறு சமாளிக்கலாம். முழு உணவு என்றால் பல்லி விழுதல், மறந்து கையால் தொட்ட பருப்பு சாம்பார்,தேங்காய் கூட்டு ஊசிப்போதல், இதுவரை கண்டு கொள்ளாத சுகாதாரப் பிரிவின் தூக்கம் கலைந்து கல்லாகட்ட வருவார்களே ஓசி உணவு தா என்ற போலீசு கூட்டம், ரவுடி ரங்கன் குழு, பெரிய பாத்திரம் அடுப்பு... பலவித தொல்லைகள் வருமே. அதை அனுபவத்தில் கண்டதாலேயே அது பற்றி எழுதவில்லை. ஆள் கட்டு, மூலதனம் அதிகம் இல்லாத மதிப்புக் கூட்டிய பொருள் விற்பனையே மேல்...
Rate this:
Cancel
Manian - Chennai,இந்தியா
20-ஆக-202007:42:04 IST Report Abuse
Manian இந்தவார, கண்ணம்மா பகுதியில் வெளி வந்துள்ள திருமதி விவசாயி கட்டுறையை பின் பற்றி 'பல்வேறு மதிப்பு கூட்டுப் பொருட்களை தயாரிக்கிறார் சிவகங்கையைச் சேர்ந்த உஷா' என்பவருடன் தொடர்பு கொள்வது நல்ல வருமானம் தரும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X