நம்பிக்கை விதை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

19 செப்
2020
00:00

நெடுஞ்சோழிங்கபுரம் நாட்டை ஆட்சி செய்து வந்தார் மன்னர் சோழிங்கன்; நாடு செழிப்புற்றிருந்தது. மகிழ்ச்சியாக வாழ்ந்தனர் மக்கள்.
மன்னருக்கு வாரிசு இல்லை. மிகவும் கவலையடைந்தார். திடீர் என, நாட்டின் ஒரு பகுதியில் சலசலப்பு ஏற்பட்டது.
அன்று அரசவை கூடியது. அதில் பேசிய மந்திரி, 'நாட்டின், கிழக்கு திசையில், அடர்ந்த காடு உள்ளது; அதன் வழியாக சென்றுதான் அண்டை நாட்டில், வாணிபம் செய்கின்றனர்.
'அவ்வழியாக சென்ற வணிகர்கள் பலர், நாடு திரும்பவில்லை; காட்டில், கொடிய மிருகம், வியாபாரிகளைக் கொன்று குவிப்பதாக கூறுகின்றனர். தற்போது, யாரும் வாணிபத்துக்கு செல்வதில்லை; இதனால் வறுமையில் வாடுகின்றனர் மக்கள்...' என்றார்.
பதறியபடி ராஜரிஷியிடம் ஆலோசனை கேட்டார் மன்னர்.
சோழிகளை உருட்டி, 'வீரர்களை அனுப்பினால் நல்ல முடிவு கிடைக்கும்...' என்று கூறினார் ராஜரிஷி.
வீரர்களை அழைத்து, பணித்தார் மன்னர்.
பயத்தால் யாரும் முன்வரவில்லை.
பின், 'காட்டில் உலவும் கொடிய மிருகத்தை கொல்பவன், அரசனாக முடி சூட்டப்படுவான்...' என்ற அறிவிப்பை வெளியிட்டார் மன்னர்.
உயிர்பயத்தில் அமைதி காத்தனர் மக்கள்.
'ஒருவருக்கு கூடவா துணிச்சல் இல்லை...' என, வருந்தினார் மன்னர்.
சில நாட்களுக்கு பின், அரசவைக்கு வந்தான் அகிலவன். நாட்டின் ஒரு பகுதியில் வசித்த அவன், மரம் வெட்டும் தொழில் செய்தான்.
மிகுந்த பணிவுடன், 'மன்னர் விடுத்துள்ள சவாலை ஏற்க தயாராக உள்ளேன்...' என்று கூறினான்.
அவையோர் சிரித்தனர்.
'மரம் வெட்டுகிற நீ... மன்னராக வேண்டுமா...' என ஏளனம் செய்தனர் மந்திரிகள்.
எதையும் பொருட்படுத்தாமல், கொள்கையில் உறுதியாக நின்றான் அகிலவன். மன்னர் உத்தரவிட்டதும், ஆயுதங்களுடன் குதிரையில் புறப்பட்டான். வெகுதுாரம் பயணித்த களைப்பில், ஒரு மரநிழலில் ஓய்வெடுத்தான்.
அப்போது, முனகல் குரல் கேட்டது.
சத்தம் வந்த திசையை நோக்கி நடந்தான்.
முதியவர் மயங்கி கிடந்தார். அவர் முகத்தில் தண்ணீரை தெளித்தான் அகிலவன்.
கண் விழித்தவர் நன்றி தெரிவித்தார். கொடிய மிருகம் பற்றி அவரிடம் கேட்டான்.
'அப்படி எந்த மிருகமும் காட்டில் இல்லையப்பா...'
'அப்படியென்றால், காட்டு வழியாக சென்ற வணிகர்கள் எங்கே...'
'தம்பி... சில விஷச்செடிகள் பார்ப்பதற்கு, மிக அழகாகவும், பார்த்தவுடன் சாப்பிடவும் தோன்றும்; இதை புரிந்து கொள்ளாமல், சாப்பிட்ட வணிகர்கள் மயங்கிக் கிடந்தனர்; காப்பாற்றி உரிய சிகிச்சை அளித்து, பாதுகாப்பாக தங்க வைத்துள்ளேன்...' என்று விளக்கினார். பின், அவர்கள் இருந்த இடத்துக்கு அழைத்து சென்றார்.
வணிகர்களுடன் நாடு திரும்பியவன், விபரத்தை மன்னரிடம் கூறினான்.
அகிலவனின் தன்னம்பிக்கை, தைரியத்தை பாராட்டிய மன்னர், மிகுந்த மகிழ்ச்சி அடைந்தார். மன்னராக அனைத்து தகுதி, திறமைகள் இருப்பதாக, அவனுக்கு முடிசூட்டு விழா நடத்தினார்.
செல்லங்களே... எதையும் நம்பிக்கையுடன் செய்ய முற்பட வேண்டும். நம்பிக்கை என்பது செயலை எளிமையாக்கும். வெற்றிப் பாதையில் பயணிக்க வைக்கும்.

- பி.கவுரி

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X