கனவு!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

17 அக்
2020
00:00

அரசு பள்ளியில், 7ம் வகுப்பு படித்து வந்தான் சேகர். அப்துல் கலாம் நினைவு தினம், பள்ளியில் அனுசரிக்கப்பட்டது. அவரது அறிவு நுட்பம், நாட்டுச் சேவை, எதிர்கால இந்தியாவை உருவாக்க, கனவுடன் உழைக்க வேண்டிய அவசியம் பற்றி எல்லாம் உரையாற்றினர், ஆசிரியர்கள்.
மாலை வீடு திரும்பி, சிற்றுண்டி முடித்தவுடன் படுக்கையில் விழுந்தான் சேகர்.
வழக்கத்துக்கு மாறான செயலால் பயந்து, ''என்னப்பா உடம்புக்கு முடியலையா...'' என பதறினாள் அம்மா.
கண்ணை திறக்காமல், ''சும்மா இருங்கம்மா... அப்துல் கலாம் ஐயா கனவு காண சொல்லியிருக்கார்... தொந்தரவு செய்யாதீங்க...'' என்றான்.
அம்மாவுக்கு, எதுவும் புரியவில்லை.
''என்னப்பா, பகலில் எப்படி கனவு வரும்...''
பரிதாபமாக கேட்டாள் அம்மா.
உரையாடலை கவனித்துக் கொண்டிருந்த பாட்டி, ''கலாம் எவ்வளவு பெரிய விஞ்ஞானி; எது சொல்லி இருந்தாலும், உண்மையாகத்தான் இருக்கும்; அவனை தொந்தரவு செய்யாதே...'' என தடுத்தார்.
பாடங்களை படிக்காமல், கால்களை ஆட்டியபடி கண்மூடி படுத்திருப்பதை வாடிக்கையாக கொண்டான் சேகர்.
வீட்டில் படிக்க வைக்க முயன்ற போதெல்லாம் தடுத்தார் பாட்டி.
''அவன் போக்குல விடு... கலாம் ஐயா கூறியபடி கனவு காணட்டும்...'' என பரிந்து பேசினார்.
அம்மாவிற்கு என்ன சொல்வதென்று புரியவில்லை.
ஒரு வாரத்துக்கு பின் பொறுமை இழந்து, ''ஏம்பா... கனவு வந்துச்சா...'' என, நச்சரித்தார்.
''இல்லை பாட்டி... தொந்தரவு செய்யாதீங்க...''
சற்று அதட்டலாக பேசினான் சேகர்.
அன்று வீட்டிற்கு வந்திருந்தார் மாமா.
மாலையில் பாடங்களைப் படிக்காமல், கண் மூடியபடி, கட்டிலில் கிடந்த சேகரைக் கண்டதும், ''என்ன... உடம்பு சரியில்லையா...'' என விசாரித்தார்.
''உடம்புக்கு ஒன்றுமில்லை; கலாம் ஐயா கூறியபடி கனவு கண்டுட்டு இருக்கான்... அவனை தொந்தரவு செய்யாக்கூடாதாம்...'' என்றார் சற்று கவலையுடன் பாட்டி.
ஒன்றும் புரியாமல், ''என்ன இது...'' என விசாரித்தார் மாமா.
''அதை ஏன் கேக்குற... இரண்டு வாரமா, இதே கூத்து தான்... பாடம் எதையும் படிக்காமல், கனவு காண்கிறேன் என, கண்ணை மூடிக்கிடக்கிறான்...''
மாமவிடம் வருந்தினாள் அம்மா.
உண்மை புரிந்தது. சேகரை எழுப்பி, ''எதிர்காலத்தில் சிறப்பான இந்தியாவை உருவாக்கும் தலைவராக, மருத்துவராக, பொறியியலாளராக, விஞ்ஞானியாக உருவாக வேண்டியதன் அவசியத்தை தான், 'கனவு காணுங்கள்' என்று வலியுறுத்தினார் கலாம்...
''லட்சியத்தில் உறுதியுடன், முன்னேற்றக் கனவை அடையும் வரை விடா முயற்சியுடன் படித்து முன்னேற வேண்டியதன் அவசியத்தை தான், கலாம் ஐயா வலியுறுத்தி இருக்கிறார்... கண்மூடி துாங்குவதற்கு அல்ல...'' என்று அறிவுரைத்தார் மாமா.
''ஓ... அப்படியா... நான் தப்பா புரிஞ்சுகிட்டேன்; துாக்கத்துல வர்ற கனவுன்னு நினைச்சுட்டேன். இப்ப தான் புரியுது... லட்சியத்தை அடையும் வரை படிப்பில் கவனம் செலுத்துவேன்...''
உறுதியுடன் சொன்னான் சேகர்.
பாராட்டியதுடன், ''இதைத் தான் ஒவ்வொரு மாணவனிடமும் எதிர்பார்த்தார் கலாம்...'' என, தட்டிக் கொடுத்தபடி விடை பெற்றார் மாமா.
செல்லங்களே... எந்த அறிவுரையையும், பொருள் உணர்ந்து சரியாக புரிந்து நடக்க பழகுங்கள். அது தான் வாழ்வில் முன்னேற துணை புரியும்.

வே.சுந்தரம்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X