காற்று மாசும், கரு வளர்ச்சியும்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

23 நவ
2020
00:00

தலைநகர் டில்லியில், காற்று மாசு எந்த அளவு ஏற்பட்டு உள்ளது என்ற செய்தியை அவ்வப்போது படிக்கிறோம். டில்லி மட்டுமல்ல; சென்னை, மும்பை, கோவை, மதுரை, பெங்களூரூ போன்ற பெருநகரங்கள் அனைத்திலும் பிரச்னை உள்ளது.

பாதிப்புகள்

கர்ப்பிணியருக்கு...
கரு உருவானதில் இருந்து, முதல் மூன்று மாதங்களில், இதயம், சிறுநீரகங்கள், கல்லீரல் போன்ற பிரதான உறுப்புகளின் அமைப்பு, வளர்ச்சி இருக்கும். மாசு அதிகம் உள்ள சுற்றுச்சூழலில் கர்ப்பிணி வசித்தால், பிறவி கோளாறுகள், எடை குறைவாகவோ, குறை பிரசவத்திலோ குழந்தை பிறக்கலாம்.
பிறவி இதயக் கோளாறுகளுடன் குழந்தை பிறப்பதற்கு, பல காரணிகள் இருந்தாலும், காற்று மாசு பிரதான பங்கு வகிப்பதாக, ஆய்வுகளில் உறுதி செய்யப்பட்டு உள்ளது.
குறை பிரசவத்தில், எடை குறைவான குழந்தை பிறந்தாலும், எந்த வாரத்தில் பிறக்கிறதோ, அந்த வாரத்திற்கான குறைந்தபட்ச உடல் எடையுடன் இருக்க வேண்டும். 28 வாரத்தில், குறை பிரசவமாக குழந்தை பிறந்தால், 1 கிலோ எடை இருக்க வேண்டும். 34 வாரத்தில் பிறந்தால், 2 கிலோ இருக்க வேண்டும்.
இதற்கு மாறாக, 34 வாரத்தில், 1 கிலோ தான் இருக்கிறது, 28 வாரங்களில், 800, 900, 1,000 கிராம் எடை என்றால், அந்த வயதிற்கான வளர்ச்சி இருக்காது. காற்று மாசால், 'பிளசென்டா' எனப்படும், தாய் - சேய் இணைப்புத் திசுவின் வளர்ச்சி அசாதாரணமாகி, கர்ப்பிணிக்கு, உயர் ரத்த அழுத்தம் ஏற்படலாம்.
பிளசென்டா மூலமே, கருவிற்கு வேண்டிய ஆக்சிஜன், ஊட்டச்சத்துகள் கிடைக்கின்றன. இதன் வளர்ச்சி சரியாக இல்லாத பட்சத்தில், கருவின் வளர்ச்சி பாதிக்கப்படும்.

பிறந்த குழந்தை
மாசு அதிகம் உள்ள சூழலில் கர்ப்பிணி இருந்தாலும், பல நேரங்களில் எந்த பிரச்னையும் இல்லாமல், குழந்தை பிறக்கும்; ஆனால், எதிர்பாராத விதமாக, பச்சிளங் குழந்தைகள் இறந்து விடுவர்.
பிறந்த குழந்தை, மாசு காற்றை சுவாசித்தால், மூளைக்கு போதுமான அளவு ஆக்சிஜன் கிடைக்காமல், உயிரிழப்பதற்கு வாய்ப்பு அதிகம்.

வளர்ந்த குழந்தைகள்
காற்று மாசு, அலர்ஜியை ஏற்படுத்தும். குறிப்பாக, நுரையீரல் பலவீனமாகி, மூச்சிரைப்பு, ஆஸ்துமா போன்றவை ஏற்படும். அடிக்கடி இது போன்று அலர்ஜி ஏற்பட்டால், நுரையீரல் பலவீனமாகி, நோய் எதிர்ப்பு சக்தி தேவையான அளவு இல்லாமல், நிமோனியா வரலாம்.
ஐந்து வயதிற்குட்பட்ட குழந்தைகளின் இறப்பிற்கு, நிமோனியா தான் முக்கிய காரணி.

டாக்டர் கார்த்திக் பாலசுப்ரமணியம்,
குழந்தைகள் நல சிறப்பு மருத்துவர்,
மகளிர் மையம், மதர்ஹூட் மருத்துவமனை,
99943 61431

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
chidambaram kanagasabai - Chennai,இந்தியா
24-நவ-202005:33:51 IST Report Abuse
chidambaram kanagasabai மர்ஹூட் மருத்துவமனை எந்த ஊரில் உள்ளது என்றும் போட்டிருந்தாள் நன்றாக இருந்திருக்கும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X