குறட்டையை குறைப்பதற்கு தேன் உதவும்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

29 நவ
2020
00:00

குறட்டை விட்டு துாங்குவது நிம்மதியான, ஆழ்ந்த துாக்கம் கிடையாது.
துாக்கத்தில் ஏற்படக் கூடிய சுவாசக் கோளாறு இது. இந்தப் பிரச்னையை சரி செய்யாமல் விட்டால், உயர் ரத்த அழுத்தம், நீரிழிவு கோளாறு, இதயம் தொடர்பான பாதிப்புகள், பக்கவாதம் போன்ற பல நோய்களுக்கு வழிவகுக்கும்.
உறங்கும் நேரத்தில் தொண்டையின் தசைகள் தளர்ந்து ஓய்வெடுக்கும்; இதனால், சுவாசப் பாதையின் அளவு குறுகிடும். குறுகியிருக்கும் சுவாசப் பாதையில் காற்று போகும் போது, குறட்டை சத்தம் வெளிவரும்.

காரணங்கள்
உடல் பருமன், 'சைனஸ்' சம்பந்தப்பட்ட பிரச்னைகள், உள்நாக்கு அழற்சி, தைராய்டு கோளாறு, மூக்கடைப்பு, மூக்கின் தடுப்புச் சுவர் சற்று விலகி இருப்பது, மது, புகை பழக்கம், மரபியல் காரணிகள், சில பெண்களுக்கு மாதவிடாய் நிற்கும் காலக்கட்டத்தில் கூட குறட்டை ஏற்படலாம்.

தீர்வு
துாங்கும் போது மல்லாந்து படுப்பதை தவிர்க்கவும்; இடது பக்கம் ஒருக்களித்து படுப்பது நல்லது.
அதிக உயரமாக தலையணை வைத்துக் கொள்வது கூடாது.

உணவு முறை
உணவில் மஞ்சள், பூண்டு, சின்ன வெங்காயம், அன்னாசி பழம், மாதுளை, தக்காளி போன்றவற்றை சேர்க்க வேண்டியது அவசியம். தொற்று கிருமிகளை அழிக்கும் திறன், தேனுக்கு உள்ளது. இதனால், சுவாசக் குழாய், தொண்டையில் கிருமிகளால் ஏற்படும் கோளாறை சரி செய்து, குறட்டையை குறைக்க உதவும்.
சாப்பிட்ட உணவு செரிமானம் ஆவதற்கு முன் துாங்கினால், குறட்டை சத்தம் வரும். இரவு நேரத்தில் அசைவ உணவுகளை தவிர்ப்பது நல்லது. இரவு உணவிற்கு பின், இரண்டு மணி நேரம் கழித்து துாங்கச் செல்லலாம்.
உடல் எடையை சீராக வைத்திருக்க வேண்டியது மிகவும் அவசியம்.
ஒரு பல் பூண்டு, ஒரு சின்ன வெங்காயம் சேர்த்து இடித்து, கல்யாண முருங்கை இலை சாறு, துளசி சாறு, வெள்ளை மிளகு பொடி சேர்த்து நன்றாக கலந்து, உறங்குவதற்கு அரை மணி நேரம் முன் சாப்பிட்டு, வெந்நீர் குடித்து விட வேண்டும். தினமும் இது போல செய்தால், நாளடைவில் குறட்டை சத்தம் குறையும்.
கற்பூரவல்லி தைலம் மூன்று சொட்டுகள் எடுத்து, இதோடு சிறிது பச்சை கற்பூரம் கலந்து, சுவாசித்தால், நாளடைவில் குறட்டை சத்தம் குறையும்.

டாக்டர் ஆர்.மைதிலி,
ஆயுர்வேத மருத்துவர், சென்னை.
drmythiliayur@gmail.com

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manian - Chennai,ஈரான்
02-டிச-202007:20:58 IST Report Abuse
Manian நல்ல யோசனைகள். இதில் பலவற்றை வேலை இல்லாதவர்கள், வீட்டு பெண்கள் வியாபாரமாக செய்யலாமே(தகுந்த ஆலோசனையுடன்)- "ஒரு பல் பூண்டு, ஒரு சின்ன வெங்காயம் சேர்த்து இடித்து, கல்யாண முருங்கை இலை சாறு, துளசி சாறு, வெள்ளை மிளகு பொடி தேனோடு சேர்த்து - லேகியகமாக விற்கலாமே சூரிய அவன் மூலம் சூரணமாக்கி விற்கலாமே ஒரு நவீன சித்தா/ இயற்கை மருந்தாகுமே நகரவாசிகளுக்கு வரப்பிரசாதம் ஆகுமே அத்தோடு குறட்டை ஒலி குறைக்கும் மூக்கு பட்டையும் (Nose Clip) பலன் தரும். அத்தோடு மூளைக் கோளாரும் - தொண்டை தசைகளை கட்டுப் படுத்த முடியாமை - ஒரு காரணமாக இருக்கும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X