அன்புடன் அந்தரங்கம்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

10 ஜன
2021
00:00

அன்பு சகோதரிக்கு —
எனக்கு வயது 57; இல்லத்தரசி. அரசு பணியிலிருந்து ஓய்வு பெற்று, ஓய்வூதியம் பெறுகிறார், கணவர். எங்களுக்கு ஒரு மகன், ஒரு மகள். இருவருக்குமே திருமணமாகி, அவரவர் துணையுடன் வெளியூர்களில் வசிக்கின்றனர். நானும், கணவரும் தனிக்குடித்தன வாழ்க்கை வாழ்கிறோம்.
எங்களின் பக்கத்து வீட்டில், தம்பதி ஒருவர் குடியிருக்கின்றனர். கணவர், அரசுக் கல்லுாரி விரிவுரையாளர்; மனைவி, இல்லத்தரசி. கணவனுக்கு, 38 வயது; மனைவிக்கு, 33 வயது இருக்கலாம்.
நாங்கள் குடியிருக்கும் நகரில், மொத்தமே ஐந்து வீடுகள் தான் இருந்தன. அதனால், நானும், மகள் வயதுள்ள பக்கத்து வீட்டு பெண்ணும், தினமும் ஒரு மணி நேரமாவது ஊர் கதை, உலகத்து கதை பேசுவோம்.
பக்கத்து வீட்டு தம்பதிக்கு திருமணமாகி, எட்டு ஆண்டுகளாகியும் குழந்தை இல்லை. குழந்தை பிறக்க, எனக்கு தெரிந்த யோசனைகளை, அந்த பெண்ணுக்கு கூறுவேன்.
குழந்தையின்மை பிரச்னையை போக்க இருவரும், கருத்தரிப்பு மையத்துக்கு சென்று வந்தனர். இருவரில் யாருக்கு குறை என, பக்கத்து வீட்டு பெண் கூறியதில்லை.
ஆனால், அவளுக்கு தான் குறை என, யூகித்தேன்.
ஒருநாள், பக்கத்து வீட்டு பெண், தனியாக அமர்ந்து, அழுது கொண்டிருந்தாள். அவளுக்கு ஆறுதல் கூறும் போது, ஒரு உண்மையை போட்டு உடைத்தாள்.
'என் கணவருக்கு, பல பெண்களுடன் பழக்கம் உள்ளது. கடந்த எட்டு ஆண்டுகளில், நான்குக்கும் மேற்பட்ட பெண்களுடன், தொடர்பு வைத்திருக்கிறார். மூன்று ஆண்டுகளுக்கு முன் அவருக்கும், ஒரு மாணவிக்கும் தொடர்பு ஏற்பட்டது. விஷயம் தெரிந்து கண்டித்தேன்.
'அந்த மாணவி, என் கணவர் தவிர, இரண்டு, மூன்று விரிவுரையாளர்களுடன் தொடர்பு வைத்திருந்திருக்கிறாள். கர்ப்பமாகி விட்டாள், மாணவி. கர்ப்பத்துக்கு காரணம் இன்னொரு விரிவுரையாளர் என, கை காட்டியிருக்கிறாள். பிரச்னை பெரிதாகி, வேலையிலிருந்து நீக்கப்பட்டார், அந்த விரிவுரையாளர்.
'கர்ப்பத்தை கலைத்து சொந்த ஊருக்கு போய் விட்டாள், மாணவி. அந்த பிரச்னை, அதோடு ஓய்ந்தது அம்மா...' என்றவள், தொடர்ந்தாள்...
'அடுத்து, எங்களுக்கு நெருக்கமான குடும்பத்தைச் சேர்ந்த கணவர், வெளிநாட்டில் பணிபுரிகிறார். இரு குழந்தைகளுடன், எங்கள் பக்கத்து ஊரில் இருக்கிறாள், மனைவி. எங்கள் வீட்டிற்கு அவள், அடிக்கடி வந்து போவாள். ஒரு கட்டத்தில் அவளுக்கும், என் கணவருக்கும் தொடர்பு ஏற்பட்டிருக்கிறது.
'தினமும், 10 - 15 முறை, அந்த பெண்ணுடன், மொபைல்போனில் என் கணவர் பேசுவதாக தெரிவித்தான், எங்கள் கார் டிரைவர். அத்துடன், தெரிந்த ஒருவர், என் கணவரிடம், 'உங்களுக்கு எத்தனை குழந்தைகள்...' என கேட்டிருக்கிறார். அதற்கு, 'இரண்டு குழந்தைகள்...' என்றிருக்கிறார், கணவர்.
'வெறியாகி, அந்த பெண்ணை சந்தித்து, சரமாரியாக திட்டினேன். வாக்குவாதத்தின் உச்சத்தில் அந்த பெண், 'என்னுடைய இரண்டாவது பெண் குழந்தைக்கு அப்பா, உன் கணவர் தான்...' என்றாள். கணவரிடம் கேட்டதற்கு, 'இல்லவே இல்லை...' என, சத்தியம் செய்கிறார்.
'அந்த பெண், மீண்டும் மீண்டும் எனக்கு போன் செய்து, 'இனி உன் புருஷன் தான், எனக்கும் புருஷன்; உன் வீட்டுக்கு வந்து நிரந்தரமாய் தங்க போகிறேன்...' என, மிரட்டுகிறாள். அவளது, இரண்டாவது பெண் குழந்தை, கணவர் சாயலாய் இருப்பதாக தான் தோன்றுகிறது.
'அதை ஊர்ஜிதப்படுத்த, நீங்களும், நானும் அந்த பெண் வீட்டிற்கு போவோம். அந்த பெண்ணிடம் நான், சமாதானமாக பேசி கொண்டிருக்கிறேன். நீங்கள் நைச்சியமாக குழந்தையின் தலைமுடியை வெட்டி எடுத்துக்கங்க. டி.என்.ஏ., பரிசோதனை செய்து, அந்த குழந்தை என் கணவனுக்கு பிறந்ததா என, உறுதிப்படுத்திக்கலாம்...' என்கிறாள்.
பக்கத்து வீட்டு பெண்ணுக்கு உதவ போய், எதாவது பிரச்னையில் சிக்கிக் கொள்வேனோ என, பயமாய் இருக்கிறது. என்ன செய்யலாம் சகோதரி?
இப்படிக்கு,
உங்கள் சகோதரி.


அன்பு சகோதரிக்கு —
குழந்தையை ஏமாற்றி முடியை வெட்டி எடுக்கும் போது, நீ மாட்டி கொண்டால் என்ன செய்வாய்...
அப்படி நீ பிடிபட்டால், கள்ள உறவில் ஈடுபட்ட பெண், உன்னை நேரடியாகவோ அல்லது ஆள் வைத்தோ தாக்குவாள். வீட்டிற்குள் வேறு எதையோ திருட வந்ததாக, குற்றம் சாட்டவும் கூடும்.
பிரச்னை இல்லாது நீயும், கணவரும் வாழ்ந்து வருவது, உனக்கு பிடிக்கவில்லையா... பக்கத்து வீட்டு பெண், பிரச்னையில் நீ ஏன், மூக்கை நீட்டுகிறாய்?
டி.என்.ஏ., பரிசோதனை மூலம், அந்த குழந்தை, கணவருக்கு பிறந்ததாக உறுதியானால், பக்கத்து வீட்டுக்காரி என்ன செய்வாள்?
கள்ள உறவை அங்கீகரித்து, அந்த பெண்ணை தன் வீட்டோடு கூட்டி
வைத்து கொள்வாளா அல்லது பஞ்சாயத்து பேசி, அதை, தன் குழந்தையாக
தத்தெடுத்துக் கொள்வாளா?
கள்ள உறவு பெண் கேட்கும் பணத்தை நஷ்டஈடாய் கொடுத்து, அவளை தன் வாழ்க்கையிலிருந்து ஒதுங்கிக் கொள்ள சொல்வாளா... நம்பிக்கை துரோகம் செய்த கணவனை, இரவோடு இரவாக கொல்வாளா?
கள்ள உறவு பெண்ணின், அப்பாவி கணவன், வெளிநாட்டில் வேலை செய்கிறானே... அவனுக்கு என்ன பதில் கூறுவாள்?
இனி, பக்கத்து வீட்டுக்கார பெண், என்ன செய்ய வேண்டும் தெரியுமா...
அவள், தன் கணவனை கெஞ்சியோ, மிரட்டியோ தன் கட்டுபாட்டுக்குள் வைத்துக் கொள்ள வேண்டும். கணவனின் கைபேசி எண்ணை மாற்ற வேண்டும். வெளியூரில் இருக்கும் கல்லுாரிக்கு, அவள் கணவன் பணிமாற்றம் பெற வேண்டும்.
கள்ள உறவுக்காரியின் கணவனை தொடர்பு கொண்டு, விஷயத்தை நாசுக்காக கூறி, எச்சரிக்கைப்படுத்த வேண்டும்.
பக்கத்து வீட்டுக்காரியின் கணவன், குழந்தை இல்லாத ஏக்கத்தால், கள்ள உறவுகளில் ஈடுபடுகிறானோ என்னவோ?
கருத்தரிப்பு மையம் மூலம், குழந்தை பெறும் வாய்ப்பு மிகக் குறைவாக இருந்தால், பக்கத்து வீட்டுக்காரியை, எதாவது ஒரு குழந்தையை தத்தெடுக்க சொல்.
'உன் குழந்தை, உனக்கும், கணவனுக்கும் பிறந்தது. வீணாக பொய் கூறி, உன் வாழ்க்கையையும், என் வாழ்க்கையையும் சீரழிக்க முயலாதே. வெளிநாட்டிலிருந்து திரும்பும் உன் கணவனின் தலை மீது, இடியை போடாதே.
'என் கணவனுடன் பழகியதற்கு நஷ்டஈடாய், தேவையான பணம் தருகிறேன். கண்ணியமாக விலகிக்கொள். இனி, அவரவர் பாதையில் போவோம்...' எனக் கூறி, கள்ள உறவு பெண்ணிடம் சமாதானம் பேச சொல்.
பக்கத்து வீட்டுக்காரியுடன் பேச்சை குறைத்து, மாதம் ஒருமுறை, மகன் அல்லது மகள் வீட்டுக்கு சென்று வா சகோதரி!
என்றென்றும் பாசத்துடன்
சகுந்தலா கோபிநாத்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (10)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
parentsin@gmail.com - chennai,ஆஸ்திரேலியா
12-ஜன-202112:41:28 IST Report Abuse
parentsin@gmail.com வாசகர்கள் தீர்வுகளே சிறப்பாக இருக்கின்றன.
Rate this:
Cancel
Muhi - Thanjavur,இந்தியா
11-ஜன-202108:29:34 IST Report Abuse
Muhi பக்கத்துவீட்டு பெண்ணின் எந்த சந்தேகத்திற்கு சரியான ஆதாரம் இல்லயே.. டிரைவர் கூறினார், அந்த பெண் கூறினாள் என்றே அவள் கூறுகிறாள்...இந்த பெண் கூட பொய் கூறவில்லை என்று என்ன நிச்சயம்.... இந்த பெண் அந்த பெண்ணை அசிங்கமாக பேசியதால் கூட இவளை வெருபெற்ற கூட இந்த மாதிரி பொய் கூறி இருக்கலாம்...எத்தனை குழந்தை என கேட்டவரிடம் இல்லை என கூறி பேச்சை வளர்க்காமல் 2 என பொய் கூறி இருக்கலாம்....இந்த கணவனை வேவு பார்ப்பதை நிறுத்திவிட்டு தங்கள் வாழ்க்கை இன்பமாக அமைய ஆவண செய்ய வேண்டுமே தவிர DNA test alla....இதில் அந்த குழந்தை யின் வாழ்க்கையும் இருக்கிறது....அந்த பெண் தனது medical report பட்டிறியே உண்மை சொல்லாதவள் இது மட்டும் உண்மையாக இருக்கும் என்று என்ன நிச்சயம்....
Rate this:
Manian - Chennai,ஈரான்
11-ஜன-202113:35:22 IST Report Abuse
Manianஇப்பிடி கேள்வி கேக்குறதுதான் நல்லது . இதெக்கெல்லாம் பதில் தெரியாம , சகுந்தலா என்ன மாதிரி ஆலோசனை சொல்ல முடியும்?...
Rate this:
Cancel
.Dr.A.Joseph - London,யுனைடெட் கிங்டம்
10-ஜன-202122:06:58 IST Report Abuse
.Dr.A.Joseph லட்சக் கணக்கில் சம்பளம் பெரும் கொழுப்பில் இப்படி ஊறல் எடுத்து அலையுறானுவ எந்த பண சலுகையும் கொடுக்காமல் நிரந்தரமாக பணிநீக்கம் செய்து வீட்டுக்கு அனுப்புவதே தீர்வு.
Rate this:
Manian - Chennai,ஈரான்
14-ஜன-202108:03:40 IST Report Abuse
Manianஅதை செய்ய வேண்டியங்களும் லட்சக் கணக்கில் சம்பளம்/ மாமூல் வாங்கி பெரும் செழிப்பில் இப்படி அலையுறானுவ...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X