அளவான அறுவடை வீடுகளுக்கு நேரடி விற்பனை
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

13 ஜன
2021
00:00

மூன்றரை ஏக்கர் நிலத்தில் அளவெடுத்தாற்போல ஆங்காங்கே பிரித்து கத்தரி, வெண்டை, தக்காளி, பருப்பு கீரை பயிரிட்டு தேவைக்கேற்ப அறுவடை செய்து விற்பனை செய்கிறார் மதுரை கப்பலுாரைச் சேர்ந்த பொறியியல் பட்டதாரி சிவக்குமார்.
அவர் கூறியதாவது:
சென்னையில் உள்ள சாப்ட்வேர் நிறுவனத்தில் வேலைபார்த்தேன். ஐந்தாண்டுகளுக்கு முன் சொந்தஊருக்கு வந்து விவசாயத்தை ஆரம்பித்தேன். ஆர்கானிக் விவசாயம் தான் இலக்காக வைத்திருந்தேன். ஒவ்வொன்றாக மெல்ல கற்றுக் கொண்டேன். ஒன்றரை ஏக்கரில் குதிரைவாலி, சாமை, வரகு, தினை, காடைக்கன்னி என குறுந்தானியங்கள் ஏதாவது இரண்டை பயிரிடுகிறேன்.
அவற்றை விதையாகவும், அரிசியாக பிரித்தும் விற்பனை செய்கிறேன். குதிரைவாலி மதுரை 1 ரகத்தை, விவசாய கல்லுாரி பேராசிரியர்கள் அறிவுறுத்தியபடி பயிரிட்டு விளைச்சல் எடுத்தேன். வேளாண் பல்கலைகழகத்தின் 'சாம்பியன் பார்மர்' பாராட்டு கிடைத்தது.
75 சென்டில் பீர்க்கு, கொத்தவரை, அவரை, முள்ளங்கி, கடலை, தக்காளி, பாகற்காய் பயிரிட்டுள்ளேன். இதுவும் ஒரே முறையாக அறுவடை எடுக்காமல் குறிப்பிட்ட இடைவெளியில் மாற்றி மாற்றி பயிரிட்டுள்ளேன். இதனால் ஆண்டு முழுவதும் ஏதாவது ஒரு காய்கறியை அறுவடை செய்கிறேன்.
மீதியுள்ள நிலத்தில் கடலை, உளுந்து, பாசிப்பயறு, துவரை விளைகிறது. தேவைக்கேற்ப கொஞ்சம் கொஞ்சமாக பயிரிட்டு அறுவடை செய்து வீடுகளுக்கு நேரடியாக விற்பனை செய்கிறேன். பயிர்களுக்கு ரசாயன உரம் பயன்படுத்துவதில்லை. பயோ பெர்டிலைசர், நுண்ணுயிர்களை பயன்படுத்துகிறேன்.
வேப்பங்கொட்டையை அரைத்து ஊறவைத்து பயிர்களுக்கு தெளிக்கிறேன். மாட்டின் கோமியத்தை இலைவழி ஊட்டமாக தெளிக்கிறேன். தக்காளியில் பூச்சி அதிகம் வராது. அந்தந்த பயிர்களுக்கு தேவையான நுண்ணுாட்டத்தை பிரித்து தருவதால் விளைச்சலும் நன்றாக உள்ளது. நகர்ப்புற பகுதியில் கிடைக்கும் நகராட்சி குப்பை உரம், மாட்டுச்சாணம் இவற்றை அதிகம் பயன்படுத்துகிறேன்.
குறுகிய கால அறுவடையாக பருப்பு கீரை, பாலக் கீரை விற்பனை செய்கிறேன். அனைத்து காய்கறிகளும் குறைந்தது 5 கிலோ அளவில் ஆர்டர் செய்தால் டோர் டெலிவரி செய்கிறேன்.
இது ஆர்கானிக் விவசாயம் என்பதற்கான சான்றிதழ் பெற்றுள்ளேன். என்னிடம் இல்லாத காய்கறிகளை பக்கத்து ஆர்கானிக் தோட்டத்தில் நியாயமான நிலைக்கு வாங்கி விற்பனை செய்கிறேன். இதனால் எனக்கு லாபம் இல்லை என்றாலும் எனது காய்கறிகளோடு சேர்ந்து விற்பதால் மற்றவர்களுக்கும் லாபம் கிடைக்கும்.
நிலக்கடலையை எண்ணெய்யாக ஆட்டியும் விற்பனை செய்கிறேன். அதில் கிடைக்கும் புண்ணாக்கை செடிகளுக்கு உரமாகவும், மாடுகளுக்கு தீவனமாகவும் தருகிறேன். நாம் என்ன சாப்பிடுகிறோமோ அதையே மற்றவர்களுக்கும் தரவேண்டும் என்பதால் ஆர்கானிக் காய்கறிகளை தொடர்ந்து உற்பத்தி செய்கிறேன் என்றார்.
தொடர்புக்கு - 89397 10859
-எம்.எம்.ஜெயலெட்சுமி மதுரை

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (5)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vijay - coimbatore,இந்தியா
14-ஜன-202117:21:31 IST Report Abuse
vijay வாழ்த்துக்கள் நண்பா
Rate this:
Cancel
14-ஜன-202116:18:19 IST Report Abuse
ருத்ரா பூமித் தாயின் செல்லமகன். பொங்கல் வாழ்த்துக்கள் சகோதரா.
Rate this:
Cancel
SENTHIL NATHAN - DELHI,இந்தியா
14-ஜன-202115:59:00 IST Report Abuse
SENTHIL NATHAN நல்லது நல்லது
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X