அசோக சுந்தரி!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

07 மார்
2021
00:00

அசோக சுந்தரி... யார் இவள்?
சிவன் குடும்பத்தில் ஒரு உறுப்பினர். அதாவது, சிவனின் மகள். சிவனுக்கு விநாயகர், முருகன் மற்றும் சாஸ்தா ஆகிய மகன்கள் இருப்பது தெரியும்.
அவருக்கு மூன்று மகள்கள் இருப்பதாக பத்மபுராணம் சொல்கிறது. அதில் மூத்தவளே, அசோக சுந்தரி. அவளது வரலாறு இது தான்:
தங்கள் பிள்ளைகளை வெளியூர் பணிக்கு அனுப்பி விட்டு, அவர்கள் எப்போது வருவரோ என, காத்துக் கொண்டிருப்பர், அம்மாக்கள். இதே நிலைமை பார்வதிதேவிக்கும் ஏற்பட்டது.

சிவனும், அவரது பிள்ளைகளும் அசுர வதத்துக்காக அடிக்கடி எங்காவது கிளம்பி விடுவர். இந்நேரத்தில் பார்வதி பொழுது போகாமல் தவிப்பாள். வீட்டோடு இருப்பர், பெண் பிள்ளைகள். தனக்கும் ஒரு மகள் இருந்தால், நன்றாக இருக்குமே என யோசித்தாள், பார்வதி.
தங்கள் நந்தவனத்திலுள்ள, கேட்டதைத் தரும் கற்பக விருட்ச மரத்திடம், ஒரு பெண் குழந்தை வேண்டுமென கேட்டாள். உடனேயே அவள் கையில், ஒரு பெண் குழந்தை வந்து அமர்ந்தது. அவளுக்கு என்ன பெயர் வைக்கலாமென யோசித்தாள்.
தமிழில், 'அ' என்னும் முதலெழுத்துக்கு மிகவும் முக்கியத்துவம். திருப்தி -நேர்மறையான சொல். அதன் முன், 'அ' போட்டால், எதிர்மறையாகி விடும்.
இதுபோல், சோகம் முன், 'அ' சேர்த்தால், அசோகம் ஆகி விடும். அதாவது, சோகம் தீர்தல். தன் சோகத்தை தீர்த்த மகள் அழகாக இருந்ததால், சுந்தரி- - அழகானவள் என்பதையும் சேர்த்து, அசோக சுந்தரி என, பெயர் சூட்டினாள்.
அசோக சுந்தரி வளர்ந்ததும், நந்தவனத்துக்கு தோழியருடன் சென்றாள். அவளைப் பார்த்த, குந்தன் என்னும் அசுரன், அவள் மேல் காதல் கொண்டான்; மறுத்தாள், சுந்தரி.
'எனக்கும், இந்திரனுக்கு சமமான நகுசன் என்பவனுக்கும் திருமணம் நடக்கவுள்ளது...' என, கூறினாள். ஆனால், அவளைக் கடத்தி விட்டான், குந்தன்.
'நீ நகுசனால் கொல்லப்படுவாய்...' என சாபமிட்ட, சுந்தரி, அங்கிருந்து தப்பி விட்டாள். பின் நகுசனுக்கும், அவளுக்கும் திருமணம் நடந்தது; குந்தன் கொல்லப்பட்டான்.
இவளது மகனே யயாதி. புராணங்களில் பிரபலமாக பேசப்படுபவன்.
அசோக சுந்தரி வழிபாடு, குஜராத்தில் பிரபலமாக இருந்தது. காலப்போக்கில் இந்த பெயர் மறைந்து, 'பாலா' என, பெயர் வந்தது. தமிழகத்தில் இவளை திரிபுர சுந்தரி, லாவண்யா என்றெல்லாம் அழைப்பர்.
பாலாவுக்கு, நெமிலி (காஞ்சிபுரத்திலிருந்து திருமால்பூர் வழியாக, 20 கி.மீ.,) கிராமத்திலும்; திரிபுர சுந்தரிக்கு, திருநெல்வேலி, பேட்டை போலீஸ் ஸ்டேஷன் பேருந்து நிறுத்தம் அருகிலும் கோவில்கள் உள்ளன.
மார்ச் 11, சிவராத்திரி அன்று, சிவனுடன், அவரது மகளையும் வணங்கி, நல்லருள் பெறலாம்.

தி. செல்லப்பா

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X