சகலகலாவல்லி பானுமதி! (12)
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

07 மார்
2021
00:00

சின்னப்பா - பானுமதி மோதல்!
'தமிழில் நடிக்க வந்தபோது, ஸ்வர்க்கசீமா படத்தை, நான் ஐந்து முறை பார்த்தேன், 10 முறை பார்த்தேன். சுஜாதா பாத்திரத்தில் நீங்க அபாரமாக நடித்திருந்தீர்கள்.
'அந்த படம் பார்த்து, உங்களுடன் நடிக்க வேண்டும் என்று ஆசைப்பட்டேன்...' என்று சொல்லி, தன்னுடன் நடித்த முன்னணி நடிகர்கள், எம்.ஜி.ஆர்., சிவாஜி, ஜெமினிகணேசன், என்.எஸ்.கே., தங்கவேலு மற்றும் பாலையா போன்றோர், தன்னுடைய நடிப்பை சிலாகித்து பேசியதாக, ஒரு நேர்காணலில் பதிவு செய்திருந்தார், பானுமதி.

தமிழுக்கு வந்த பானுமதியின் முதல் படம், ரத்னகுமார்.
அன்றைய, 'டாப் ஸ்டார்' பி.யு.சின்னப்பாவுக்கு ஜோடி. நட்சத்திர இயக்குனர்கள், கிருஷ்ணன் - பஞ்சு இயக்க, 'முருகன் டாக்கீஸ்' என்ற பெரிய நிறுவனம், பிரமாண்டமாக தயாரித்தது.
இதன் படப்பிடிப்பு தான் முதலில் துவங்கியது. ஆனால், இதற்கு பின்னால், தியாகராஜபாகவதருடன் ஜோடியாக நடித்த, 1947ல் ஆரம்பித்த, ராஜமுக்தி படம், 1948ல் வெளியானது; வெற்றி பெறவில்லை. ரத்னகுமார் படம், 1949ல் வெளியாகி, வெற்றி பெற்றது.
ரத்னகுமார் பட வேலைகள், நான்கு ஆண்டுகள் வரை இழுபறியானதற்கு முக்கிய காரணம், சின்னப்பா - பானுமதி இடையே ஏற்பட்ட முறைப்பு, முட்டல், மோதல்கள் தான்.
இன்றைக்கு நடிகர் ஒருவர், படப்பிடிப்பு தளத்திற்குள் நுழையும்போதே, அவருக்கு முன், 'பெர்பியூம்' நறுமணம் வந்து விடும். 'பாடி ஸ்பிரே' மற்றும் உடையின் மேல் நறுமணம் தெளித்து கொண்டு வருவார்.
'ஏசி' காரில் வந்து இறங்கி, 'ஏசி' கேரவனில் உட்கார்ந்து, 'மேக் - அப்' செய்து, 'ஷாட் ரெடி' என்றதும், கேமரா முன் தோன்றி, நடித்து விட்டு, உடனே கேரவனுக்குள் நுழைந்து விடுவார். அவருக்கு சாப்பாடு, ஓய்வு எல்லா வசதியும் அங்கேயே உண்டு.
காலையில் பூசி வந்த சந்தனம், எவ்வளவு நேரம் இருக்கும். வெயிலில், கேமரா முன் ஒளிவீசும் விளக்குகளில் நடிக்கும்போது, வியர்த்து கொட்டும். இந்த வியர்வை நாற்றமே, மோதலுக்கு அடிப்படை.
'ஹீரோ' சின்னப்பா, 'ஹீரோயின்' பானுமதி அருகில் வந்து, காதல் காட்சியில் நடிக்கும்போது, வியர்வை நாற்றம் வீசும். அவர் வாய் திறந்து, காதல் வசனம் பேசும்போது, பீடி நெடி அடிக்கும். இதனால் நெளிந்தார், பானுமதி.
வியர்வையும், பீடி நெடியும் அவரால் தாங்க முடியாமல், 'எனக்கு, தலைவலியாயிருக்கு...' என்று போய் விடுவார். அதோடு, 'ஷூட்டிங் பேக்கப்!'
'ஹீரோயின்' நல்ல, 'மூட்' இல்லாமல், காதல் காட்சி எப்படி எடுக்க முடியும்?
மதுவிலக்கு இல்லாத கால கட்டம் அது. ஒருநாள், மது அருந்தி வந்து விட்டார், சின்னப்பா.
பானுமதி அருகில் சென்று பேசும்போது, மது வாடை அடிக்க, அவருக்கு அதிர்ச்சி.
'எனக்கு தலை வலிக்கிறது...' என்று சொல்லி, கோபமாக, 'மேக் - அப்' அறைக்கு போனவர், அங்கிருந்து காரில் வீட்டுக்கு போய் விட்டார்.
சிறிது நேரத்திற்கு பிறகே, பானுமதி வீட்டுக்கு போய் விட்டது, இயக்குனர்களுக்கு தெரிய வந்தது.
இயக்குனர்களிடம், சற்று கோபமாக, 'நான் குடித்திருப்பது தவறு என்றால், என்னிடமே நேரில் சொல்லி இருக்கலாமே... யாரிடமும் சொல்லாமல் இப்படி போகலாமா...' என்றார், சின்னப்பா.
இயக்குனர்கள், கிருஷ்ணன் - பஞ்சு இருவரும், உடனே, பானுமதியின் கணவர் ராமகிருஷ்ணாவை சந்தித்து, நிலைமையை விளக்கினர்; 'இனிமேல், இதுபோல் நடக்காமல் பார்த்துக் கொள்கிறோம்...' என்று, உறுதியளித்தனர்.
சினிமா உலகில் உள்ள கஷ்ட நஷ்டங்களை புரிந்தவரான, ராமகிருஷ்ணா, 'சரி... நாளைக்கு பேசி அனுப்பி வைக்கிறேன்...' என்று, அவர்களை அனுப்பி வைத்தார்.
எப்போதும் மது அருந்தி வரும், சின்னப்பாவிடம், இயக்குனர்கள் கேட்டுக் கொண்டதால், குடித்து வருவதையும், புகைப்பதையும் விட்டு, வந்து நடித்துக் கொடுத்தார்.
இந்த நிகழ்ச்சி பற்றி ஒரு நேர்காணலில், தஞ்சாவூர் கவிராயரிடம், பானுமதி கூறியதாவது:
இயக்குனர்கள் கிருஷ்ணன் - பஞ்சு இருவரும், சின்னப்பாவிடம் ஒரு விஷயத்தை கண்டிப்பாக சொல்லி விட்டனர்.
'படப்பிடிப்புக்கு வரும்போது, நீங்கள் குடித்து விட்டு வரக்கூடாது. குறிப்பாக, பானுமதியுடன் நடிக்கும்போது, அப்படி ஒரு நிலை வரவே கூடாது. அவருக்கு கோபம் அதிகம். கோபம் வந்தால், ஓங்கி அறைந்து விடுவார்...' என்று சொன்னது, சின்னப்பாவுக்கு சுத்தமாக பிடிக்கவில்லை.
அவரால், குடிக்காமல் இருக்க முடியாது. என்னுடன் நடிக்க வேண்டிய பல, 'கால்ஷீட்'டுகளுக்கு, அவர் வருவதே இல்லை. அதனால், படம் இழு இழு என்று இழுத்துக் கொண்டிருந்தது என, கூறியிருந்தார்.

அஷ்டாவதானி பானுமதிக்கு, தமிழ், தெலுங்கு, கன்னடம், ஹிந்தி மற்றும் ஆங்கிலம் என்று, ஐந்து மொழிகளில் பேச, எழுத, படிக்க தெரியும். அண்ணாதுரை, கருணாநிதி, எம்.ஜி.ஆர்., - என்.டி.ஆர்., - வி.என்.ஜானகி ஆகிய ஐந்து முதல்வர்களுடன் நடித்தும், பணியாற்றியும் உள்ளார்.

தொடரும்
-சபீதா ஜோசப்

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manian - Chennai,ஈரான்
07-மார்ச்-202107:20:47 IST Report Abuse
Manian உடல் வேர்வை (அதுவும் அக்குளில்) உடல் சூட்டை குறைக்கவே பெருக்கெடுக்கும் ஆகவே, உடல் பயிர்ச்சி, நடை பயிர்ச்சி, உடல் வேல செய்பவர்களுக்கு வேர்வை அதிகம் சுரக்கும் அது பொதுவாக நாறாது இல்லை என்றால் ஜிம்மிலே நாய் ஜிம்மி கூட நிற்காதே ஆனால் மன பயம், அழுத்தம் போன்ற அதீத உணர்ச்சிகள் திடீரென்று ஏற்படும் போது- உதாரணமாக, முதலில் ஆண்-பெண்கள் நெருங்கி காதலை வெளிப் படுத்துதல், தங்கள் அபிமான நட்சத்திரங்கள், தலைவர்கள், இண்டர்வியூவுக்கு செல்பவர்கள், முதல் இரவு (பயழகி காதலர்களுக்கு இது பொருந்தாது), முதல் மேடை பேச்சு/கச்சேரி செய்பவர்களுக்கு - வியர்க்கும் போது, கார்டிசால் (Cortisol) என்ற மன அழுத்த ஹார்மோன் வியர்வையுடன் கலந்து,- காவேரியில் கலந்து வரும் சாயம், சாக்கடைகை போல்- மாறிவிடும் அதுவே நாற்றத்திற்கு காரணம் பியூ சின்னப்பாவின் தாழ்வு மனப்பான்மை(?) , குடி இரண்டுமே அவரின் உடல் நாற்றத்தின் காரணம். கிருஷ்ணன் - பஞ்சு இருவருக்கும் இது தெரிந்திருக்க வழி இல்லையே பானுமதிக்கும் பலன் தெரிந்ததே தவிர, காரணம் முழுவதும் தெரியவழி இல்லை தன்னுடன் இணைந்து நடிக்க பயப்படுகிறார்,ஆகவே மன பயத்தால் அதை மறைக்க குடிக்கிறார் என்பதை அப்போது அறியும் விஞ்ஞானம் வளரவில்லையே ஏங்க, ஒங்க அமெரிக்க நண்பர் கனகசபாபதி, தன் வாழ்க்கையில் எப்படி "புள்ளி விவர இயல் (Statistics)" செயல் படுகிறது என்று கேட்டதுக்கு நீங்க சொன்ன உதாரணம் தானே இது ஒவ்வொரு பயத்துக்கு பின்னாடியும்: - வியாதி பயம்: தடுப்பூசி தடுப்பு போடுதல் நரக பயம் : உண்டியல் காசு மூலம் கடவுளுக்கே லஞ்சம் தருதல்... அதிலே கடைசியிலே நீங்க சொன்னதுதாங்க சிரிக்க வச்சுது- பிரான்சிலே வீட்டிலே சுடு தண்ணீர், குளியலரை இல்லாத காலத்திலே உடல் நாத்தத்தை மறைக்க பூசிக்கிட "ஷேனல் 5" சென்டை இன்னைகும் மேலே தெளிச்சிக்கிற பயலுக, உள்ளாடைகளை தெனுமும் மாத்தாம வரும்போது தலைவலி வருமுன்னு ஐஐடி, ஐஐஎம், அண்ணா பல்கலை கழகம் எதுவுமே ஏன் சொல்லிக் கொடுக்கறதில்லை? கோதை "தொட்டில் பழக்கம் சுடு காட்டு வரைக்கு முன்னது" இதை்தான் லாவண்டர் - மெல்லிய வாசம் ஒண்ணுதான் - உற்சாகம் தரும்னு அமெரிக்க கம்பனிங்க ஏர்கண்டிஷன் மூலம் ஆபீசுகளிலே மிதக்க வுடுராங்கன்னு ஏங்க, நம்ம வீட்டிலேயும் அதே ஆனந்த வாசம் தானே அப்பா கிச்சன் காஃபி இப்பவே வரும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X