அலட்சியம்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

13 மார்
2021
00:00

''எழுந்திருப்பா வாசு... மணி ஆயிடுச்சு; வீட்டு பாடம் கூட செய்யல, இப்படி அலட்சியமா இருந்த எப்படி...''
மகனை கடிந்து கொண்டாள் தாய் ரமணி.
''போம்மா... இன்னும் கொஞ்ச நேரம் துாங்குறேன்...'' என்றவாறு புரண்டு படுத்தான்.
மகன் சோம்பலாக இருப்பது, ரமணிக்கு சுத்தமாக பிடிக்கவில்லை. அவன் தாமதமாக எழுவதால், பள்ளி பேருந்தை தவற விட்டு, அரசு பேருந்தில் செல்லும் நிலைமை ஏற்பட்டுள்ளது. பல நாட்களாக தொடர்கிறது.
எவ்வளவு புத்திமதி சொல்லியும் எடுபடவில்லை. வாசுவின் செயலில், எவ்வித மாற்றமும் உண்டாகவில்லை. எதையும், நேரத்திற்கு செய்யாமல் காலம் கடந்த பின் அவசரப்படுவான். இதுவே வாடிக்கையாகி போனதை கண்டு வருந்தினாள் ரமணி.
வேறு வழி தெரியாமல், 'அவனாக திருந்தினால் தான் உண்டு' என, சமாதானம் செய்து கொண்டாள்.
ஒரு நாள் பள்ளி விட்டு, வீடு திரும்பினான் வாசு.
வீட்டில் பெரியவர் ஒருவர் அமர்ந்திருப்பதை கண்டான். அவர் அருகில், இரண்டு ஊன்று கோல் கட்டைகள் இருந்தன.
பெரியவருக்கு தேநீர் தந்தாள் ரமணி. பின் வாசுவிடம், ''இவரு எங்க பெரியப்பா... உனக்கு தாத்தா முறை...'' என, அறிமுகம் செய்தாள்.
முதலில் முகம் சுளித்தாலும், பின், அவருடன் சகஜமாக பேசினான் வாசு.
''தாத்தா... உங்க காலுக்கு என்ன ஆச்சு...'' என வினவினான்.
''என்னோட அலட்சியத்துக்கு கிடைத்த பரிசு; ஒரு சமயம், காலில் இரும்பு துண்டு குத்திடுச்சு... அதை கண்டுக்காம பிடுங்கி போட்டுட்டேன்; துருப்பிடுச்ச இரும்பு துண்டு, காலுக்குள் உள்ளேயே தங்கி, புரையோடி போச்சு...
''உடனே மருத்துவம் பார்க்காமல், அலட்சியமா இருந்துட்டேன்; சரியான நேரத்துல சிகிச்சை எடுக்காமல் போனதால், ஒரு காலையே, எடுக்க வேண்டியதாகி போச்சு...'' என, வருத்தத்துடன் கூறினார் பெரியவர்.
வாசுவின் தலைக்குள், 'பளீர்...' என, மின்னல் வெட்டியது.
'எந்த விஷயத்தையும், அலட்சியப்படுத்துவது எவ்வளவு பெரிய தவறு; எதிலும் அலட்சியமாக இருக்க கூடாது' என திடமான எண்ணம் வந்தது.
அன்று முதல், நேரம் தவறாமையை கடை பிடித்தான்; எதிலும் கவனமுடன் செயல்பட்டான் வாசு.
குழந்தைகளே... எந்த செயலையும் அலட்சியப்படுத்தி தள்ளிப்போடாமல், உரிய நேரத்தில் முடிக்க பழகுங்கள்.

ஜி.சுந்தரராஜன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X