போனமகன் திரும்பி வந்தான்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

03 ஏப்
2021
00:00

பையனுார் கிராமத்தில் வசித்து வந்தாள் மலர்கொடி. கணவனை இழந்தவள்; ஒரே மகன் மீது, உயிரையே வைத்திருந்தாள்.
ஒரு நாள், ''பக்கத்து நாட்டில், பொருளீட்ட எண்ணம் கொண்டுள்ளேன். திரும்பி வர, ஒரு ஆண்டு ஆகும். எனக்கு அனுமதி தாருங்கள்...'' என்றான் மகன்.
மலர்கொடி திகைத்தாள்.
''மகனே... உன்னைப் பிரிந்து எப்படி இருப்பேன்... நமக்கு தான் பொருள் வசதி இருக்கிறதே. வெளியூர் செல்லும் எண்ணத்தை கைவிடு...'' என்றாள்.
அதை ஏற்காமல் மீண்டும் வற்புறுத்தினான்.
வேறு வழியின்றி, ''செல்லும் இடங்களில், புளிய மர நிழலிலேயே தங்க வேண்டும். வரும் போது, வேப்ப மர நிழலில் தங்க வேண்டும்; இப்படி தங்குவதாக உறுதி தந்தால், வெளியூருக்கு அனுப்பி வைக்கிறேன்...'' என்று கூறினாள்.
அப்படியே உறுதி கூறி புறப்பட்டான்.
தாய் கூறியபடியே, செல்லும் வழி எல்லாம், புளிய மர நிழலிலேயே தங்கினான்.
இரு வாரத்தில், அவன் உடல் நலம் கெட துவங்கியது. நாளுக்கு நாள் நிலை மோசமாகியது.
'இந்த உடல் நிலையுடன், பயணம் மேற்கொள்வதை விட, ஊர் திரும்புவதே நல்லது' என்று நினைத்தான். அதன்படி திரும்பியபோது, வேப்ப மர நிழலில் தங்கி வந்தான். ஊரை அடைவதற்குள், அவன் உடல் ஆரோக்கியம் அடைந்தது.
வீடு திரும்பிய மகனை அன்புடன் வரவேற்றாள் தாய்.
உடனே திரும்பி வந்தது குறித்து, தாய் வியப்பு காட்டாதது கண்டு, ''அம்மா... நான், ஒரு மாதத்திற்குள் திரும்பி விடுவேன் என்பது முன்பே தெரியுமா...'' என்று கேட்டான்.
''ஆமாம்...'' என்றாள்.
வியப்பை அடக்க முடியாமல், ''எப்படியம்மா...'' என்று வினவினான்.
''நான் கூறியபடி, செல்லும் வழி எல்லாம், புளிய மர நிழலில் தங்கினாய். அந்த நிழல், உடலுக்கு மிகுந்த வெப்பத்தை தந்திருக்கும். அதனால், உடல் நலம், 10 நாட்களுக்குள் கெட்டிருக்கும். பயணத்தை தொடர முடியாது...
''திரும்பி வரும் போது, வேப்ப மர நிழலில் தங்க சொன்னேன்... வேப்ப மர நிழல், உடல் நலத்தை காக்க கூடியது; அதனால், திரும்பிய போது, உடல் நலம் சீரானது...
''உன்னை, பிரிந்திருக்க இயலாது; அதனால் தான், இந்த சூழ்ச்சியை செய்து வரவழைத்தேன்...'' என்று விளக்கினாள்.
தாயின் அன்புள்ளத்தையும், அறிவுக் கூர்மையையும் வியந்து, வெளியூர் செல்லும் எண்ணத்தை கைவிட்டான் மகன்.
செல்லங்களே... எதையும் ஆராய்ந்து அறிந்து முடிவு செய்யுங்கள்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X