போரிட்டது யார்?
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

20 ஜூன்
2021
00:00

குலபூடண பாண்டியர் என்பவர், மதுரையை அரசாண்டு வந்த சமயம், சுந்தர சாமந்தன் என்பவர், படைத்தலைவராகப் பணிபுரிந்து வந்தார். தினமும், மதுரை சோமசுந்தர கடவுளைத் தரிசித்து, தன் பணியைத் துவங்குவதையே வழக்கமாகக் கொண்டிருந்தார், படைத்தலைவர்.
ஏற்கனவே பாண்டிய நாட்டின் மீது படையெடுத்து தோற்றுப்போய் ஓடிய, சேதிராயன் என்பவன், மறுபடியும் படையெடுக்கத் தீர்மானித்தான்.
ஒற்றர்கள் மூலம் அதையறிந்த பாண்டிய மன்னர், சுந்தர சாமந்தனை அழைத்து, 'பொக்கிஷ அறையில் இருந்து தேவையான பொருளை எடுத்து, படைபலத்தை அதிகரிக்கச் செய்...' என்றார்.
மன்னர் உத்தரவுப்படி, பொக்கிஷ அறையில் இருந்த அவ்வளவு பொருட்களையும் எடுத்து சென்று, அடியார்களுக்கும், ஏழை -எளியவர்களுக்கும் உணவிடுவதற்காக செலவு செய்தார், படைத் தலைவர்.
இத்தகவல், ஒற்றர் மூலம் மன்னருக்கு தெரிந்தது.
உடனே, படைத் தலைவரை அழைத்து, 'படைகளை அதிகரிப்பதற்காகப் பொருள் எடுத்துச் சென்று, நாட்களாகி விட்டன. நாளை காலையில் படைகள் தயாராக இருக்க வேண்டும்...' என, உத்தரவிட்டார்.
இதையடுத்து கோவிலுக்கு சென்ற சுந்தர சாமந்தன், 'சோமசுந்தரக் கடவுளே... அரசர் அளித்த பொருட்களை எல்லாம், அடியார்களுக்கும், ஏழை- எளியவர்களுக்கும் உணவிடுவதில் செலவழித்து விட்டேன். அடியேனை காப்பாற்றி, அருளுங்கள்...' என, வேண்டினார்.
மறுநாள் காலையில், தம் பூதகணங்களைப் படை வீரர்களாக்கி, அவர்களின் தலைவராக குதிரைமேல் ஏறி வந்து, ஒரு பெரும் அணிவகுப்பையே நடத்திக் காட்டினார், சிவபெருமான்.
அதை கண்டு மகிழ்ந்தார், மன்னர்; தெய்வம், தன்னைக் காப்பாற்றியதை எண்ணி உள்ளம் உருகினார், சுந்தர சாமந்தன்.
அதே சமயம், மன்னரை நெருங்கி ஏதோ ரகசியமாகச் சொன்னார், ஒற்றர் தலைவர்.
'தோற்று ஓடிய சேதிராயனை எதிர்கொள்ளவே படைத்திறனை அதிகரிக்கச் சொன்னேன். ஆனால், முறைகேடாக நம் மீது படையெடுக்க எண்ணிய சேதிராயன், எதிர்பாராமல் இறந்துபோய் விட்டதாக, ஒற்றர் தலைவர் இப்போது சொன்னார். படையெடுக்க வேண்டிய தேவையில்லாமல் போய் விட்டது...' என அறிவித்தார், மன்னர்.
அதே விநாடியில், படைகளோடு அங்கிருந்து மறைந்தார், சிவபெருமான்.
படைகளுடன் வந்தது பரம்பொருள் என, உணர்ந்தார், மன்னர்.
தோற்று ஓடிப்போன சேதிராயன், மறுபடியும் சேதம் விளைவிக்க வந்ததைப் போல, அடங்கிக் கிடந்த கொடிய வியாதி, மறுபடியும் சேதம் விளைவிக்க படர்ந்து வருகிறது.
உத்தம அடியாரான சுந்தர சாமந்தனுக்காக, தெய்வம், பகை ஒழித்து அருள் செய்ததைப் போல, வாசக அன்பர்கள் வேண்டுவோம்; வாட்டும் நோய் விலகும்.

பி. என். பரசுராமன்

ஆன்மிக தகவல்கள்!

வீட்டுக்குள் வரும் சுமங்கலி பெண்களுக்கு, குங்குமமும், தண்ணீரும் வழங்க வேண்டும். அவர்களுக்கு மஞ்சள் கொடுப்பதால் பாவங்கள் விலகி பாக்கியங்கள் பெருகும்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X