கடவுளை நம்பினோர்...
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

18 ஜூலை
2021
00:00

தெய்வீக நுால்கள் பலவும் பலவிதமான பாடங்களை, கதை வடிவில் சொல்லிக் கொடுத்திருக்கின்றன.
அனைத்திலும் பார்த்தால், நல்லவர்கள் கஷ்டப்பட்டிருக்கின்றனர்; ஓர் இடத்தில் தங்காமல், இடம்விட்டு இடம் பெயர்ந்து அவர்கள் பட்ட துயர் பல. காரணம், நல்லவர்களின் தவமும், தீயவர்களின் தீமையும் தான் என்கின்றன, ஞான நுால்கள். அந்த அடிப்படை உண்மையை, மகாபாரத கதையின் வாயிலாக அறியலாம்.
பஞ்ச பாண்டவர்களையும், அவர்களின் தாயான குந்தியையும் அரக்கு மாளிகையில் தீயிட்டுக் கொளுத்த ஏற்பாடு செய்தான், துரியோதனன். அது, பலிக்கவில்லை; பாண்டவர்கள் தப்பிப் பிழைத்தனர். அதன்பின், வேறு ஊரில் ஒரு வீட்டில் தங்கியிருந்தனர்.
அங்கிருந்து சற்று தொலைவிலிருந்த காட்டில், பகாசுரன் எனும் அசுரன் இருந்தான். அவனுக்கு, ஊரில் உள்ளவர்கள், தினமும் ஒவ்வொரு வீட்டிலிருந்தும், இரு மாடுகள் பூட்டிய வண்டி நிறைய உணவு, அதை ஓட்டிச்செல்ல ஓர் ஆள் அனுப்ப வேண்டும். உணவுடன் இரு மாடுகளையும், வண்டியை ஓட்டிச்செல்லும் ஆளையும் சேர்த்தே உண்பான், பகாசுரன்.
பாண்டவர்கள் தங்கியிருந்த வீட்டுக்காரர்கள், உணவு அனுப்ப வேண்டிய முறை வந்தது. அவர்கள் வீட்டில் நான்கு பேர் இருந்தனர்; ஒவ்வொருவரும், 'பகாசுரனுக்கு நான் உணவாகப் போகிறேன்...' என்றனர்.
அந்த நேரத்தில் குந்திதேவி தலையிட்டு, பீமனை அனுப்புவதாக சொல்லி வாதிட்டு, வெற்றியும் பெற்றாள். தாயின் உத்தரவை ஏற்று, வண்டி நிறைய உணவுடன், அசுரனை நாடிச் சென்றான், பீமன்.
அசுரனின் இருப்பிடத்தை அடைந்ததும், முதலில், வண்டியில் இருந்த உணவை காலி செய்தான்; பின், அசுரனையும் காலி செய்தான், பீமன்.
அசுரன் கொடுமையில் இருந்து மீண்ட ஊரே, பீமனை வாழ்த்தியது.
தெய்வீக அவதாரங்களும், சக்தி படைத்தவர்களுமான பாண்டவர்களுக்கு, துயரங்கள் வந்தன என்றால், அவைகளுக்குக் காரணமான துரியோதனன் முதலானோரின் முடிவு மட்டுமே காரணமல்ல; இடிம்பாசுரன், பகாசுரன் முதலான தீயவர்களிடமிருந்து நல்லவர்களைக் காப்பாற்றுவதற்காகவும், துயர் அனுபவித்தனர், பாண்டவர்கள்.
ஸ்ரீராமர் வந்தது, ராவண சம்ஹாரத்திற்காக என்றாலும், அதற்காக மட்டும் வரவில்லை. வனத்தில் வாழும் முனிவர்கள், சுக்ரீவன், விபீஷணன் முதலானோருக்கு அருள் புரியவும் வந்தார். அதற்காகத்தான் வனவாசமும் மேற்கொண்டார்.
ஆகையால், நல்லவர்களுக்கும் கஷ்டங்கள் வருகின்றன என்று, நம்பிக்கையை இழக்க வேண்டாம். தெய்வம் ஒருபோதும் நம்மை கை விடாது. காப்பாற்றும் என்ற எண்ணம் அழுத்தமாக இருந்தால் போதும்; அல்லல்கள் விலகி ஓடும்.

பி. என். பரசுராமன்

ஆன்மிக தகவல்கள்!
பூஜை செய்யும் போது, கடவுள் உருவங்களின் பாதங்கள் மற்றும் முகத்தை, பூக்களால் மறைத்து விடக் கூடாது. முகமும், பாதமும் திறந்த நிலையில் இருக்க வேண்டும்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X