ஒலிம்பிக் கோலாகலம்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

25 ஜூலை
2021
00:00

ஜப்பான் தலைநகர், டோக்கியோ நகரில், ஜூலை 23ல் ஆரம்பித்து, ஆகஸ்ட் 8ம் தேதி வரை, 32வது ஒலிம்பிக் போட்டி நடக்க உள்ளது. இந்த ஒலிம்பிக் சின்னம்: மிரய்டோர்.
'மிரய்' என்றால், எதிர்காலம்; 'டோர்' என்றால், முதலும் முடிவும் அற்ற காலம் என, பொருள். 'பாரம்பரியத்தை மதிப்போம்; புதிய கண்டுபிடிப்புகளை உருவாக்குவோம்' என்ற அடிப்படையில் இது எழுந்ததாம்.
* இந்த ஒலிம்பிக்கில், 206 நாடுகள் இடம்பெற்றுள்ளன. 11 ஆயிரத்து 91 வீரர்கள் கலந்து கொள்கின்றனர்
* தற்போதைய மார்டன் ஒலிம்பிக்ஸ், 1896ல் துவங்கியது
* 1900ம் ஆண்டு, உயிருடன் புறாவை சுட்டு வீழத்தும் போட்டி இருந்தது. ஆனால், அந்த ஒலிம்பிக்குடன் அது விலக்கிக் கொள்ளப்பட்டது
* கடந்த 1912 - 1948ம் ஆண்டு வரை, ஒலிம்பிக் போட்டிகளில் கலைஞர்களும் பங்கு பெற்றனர். பெயின்டர்கள், சிற்பிகள், கட்டட கலைஞர்கள், எழுத்தாளர்கள் மற்றும் பாடகர்கள் என, பலர் போட்டிகளில் கலந்து, பதக்கங்களும் பெற்றுள்ளனர்
* டார்ஜான் - 12 படங்களில் டார்ஜானாக நடித்தவர், ஜானி வெயிஸ் சுமூர். சிறந்த நீச்சல் வீரரான இவர், 1920 ஒலிம்பிக்கில், ஐந்து தங்கப் பதக்கங்களை வென்றார்
* கடந்த, 1936ல் ஜெர்மனியின் பெர்லின் நகரில் நடந்த ஒலிம்பிக் போட்டியில், போல்வால்ட் போட்டியில், இரண்டு ஜப்பானிய வீரர்கள், இரண்டாவது இடத்தில் சரிசமமாக இருந்தனர். மீண்டும் போட்டி நடத்தாமல், வெள்ளி மற்றும் வெண்கல பதக்கங்களை வெட்டி, பாதி வெள்ளி + பாதி வெண்கலம் என இணைத்து, 'வெல்ட்' செய்து கொடுத்தனர்
* ஒலிம்பிக் சின்னத்தில், ஐந்து வண்ணங்கள் இருக்கும். அதிலுள்ள ஒரு வண்ணம், நிச்சயம் கலந்துகொள்ளும் நாடுகளின் கொடிகளில் இடம்பெற்றிருக்கும்.

மேலும் சில தகவல்கள்:
* விளையாட்டு போட்டிகளின் தாயகம், கிரீஸ்
* ஒலிம்பியா என்ற நகரில் போட்டிகள் நடத்தப்பட்டு வந்ததால், ஒலிம்பிக் என, பெயர் வந்ததாக கூறுவர்
* உலகப் போரால், மூன்று முறை கோடை கால ஒலிம்பிக் போட்டிகளும், இரண்டு குளிர்கால போட்டிகளும் ரத்தாகின
* லண்டனில், இதுவரை, 1908, 1948, 2012 என, மூன்று முறை ஒலிம்பிக் போட்டிகள் நடந்துள்ளன
* கடந்த, 1972ல், ஜெர்மனியின் மூனிச் நகரில் நடந்த ஒலிம்பிக்கில் தான், அதற்கென, சின்னம் அறிமுகப்படுத்தப்பட்டது. 'வால்டி' என்ற ஒரு பிரபலமான நாய் தான், முதல் சின்னம்
* லண்டனில், 2012ல் நடந்த ஒலிம்பிக்கிற்கு தனி பெருமை உண்டு. எல்லா நாடுகளும், தங்கள் குழுவில் பெண் வீராங்கனைகளையும் சேர்த்து அனுப்பியிருந்தன.
* கடந்த, 2016ம் ஆண்டு, ரியோ ஒலிம்பிக் போட்டிதான், தென் அமெரிக்காவில் நடந்த முதல் ஒலிம்பிக் போட்டி.

ஒலிம்பிக்கில் சில காமெடிகளும் நடந்ததுண்டு...
* லண்டன் ஒலிம்பிக்கின் போது, பின்லாந்து வீரர்கள், ரஷ்ய கொடியின் பின்னால் அணிவகுப்பில் வர மறுத்து விட்டனர்
* அமெரிக்க வீரர்கள், இதே அணிவகுப்பில் ராணி அமர்ந்திருந்த ராயல் பாக்சை கடக்கும்போது, தங்கள் நட்சத்திர பதாகையை தாழ்த்த வேண்டும் என்ற உத்தரவுக்கு எதிர்ப்பு தெரிவித்தனர்
* அமெரிக்கா மற்றும் 64 நாடுகள், அரசியல் காரணங்களுக்காக, 1980ல் மாஸ்கோவில் நடந்த ஒலிம்பிக்கில் பங்கு கொள்ளவில்லை
இதையடுத்து, 1984ல், லாஸ் ஏஞ்சல்சில் நடந்த ஒலிம்பிக் போட்டியில், ரஷ்யா மற்றும் பல கீழை நாடுகள் பங்கு கொள்ளவில்லை.
* எதிர்பாராத விதமாக ஒலிம்பிக் தீபம் அணைந்தால், உடனே, அதை ஏற்ற அனுமதியில்லை. எரிந்து கொண்டிருக்கும் மற்றொரு தீபத்தை எடுத்து வந்து, நிஜ ஒலிம்பிக் தீபத்தை ஏற்றுவர்
* வரும் 2022ல், குளிர்கால ஒலிம்பிக்ஸ், பிரான்சில் நடக்கப் போகிறது; 2024ல் கோடை
கால ஒலிம்பிக்ஸ், ஜூன் 26ல் துவங்க உள்ளது.

ராஜி ராதா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X