பிறவிக் கோளாறை உண்டாக்கும் ஸிகா!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

27 ஜூலை
2021
00:00

கொரோனா, டெங்கு பாதித்தால், கருவில் வளரும் குழந்தைக்கு எந்த பாதிப்பும் இருப்பதில்லை. ஆனால் ஸிகா வைரஸ் அப்படியல்ல. கர்ப்ப காலத்தில் முதல் இரண்டு மாதங்களில் ஸிகா வைரஸ் பாதித்தால் கருச்சிதைவு, ஏழு - எட்டு மாதங்களில் என்றால் குழந்தை இறந்தே பிறக்கும் வாய்ப்புகளும் அதிகம் உள்ளது.

ஸிகா வைரஸ் பாதித்த கர்ப்பிணியின் கரு முழு வளர்ச்சி பெற்றாலும், பிறக்கும் குழந்தையானது பிறவிக் குறைபாடுடன் பிறக்க வாய்ப்புகள் அதிகம். குழந்தையின் தலை வழக்கமான அளவில் இல்லாமல் சிறிதாக இருக்கும்.

'மைக்ரோசெபாலி' எனப்படும் மூளையின் அளவு போதுமான அளவு வளர்ச்சி அடையாமல், குறைபாடுடன் இருக்கும். நரம்பு மண்டல பாதிப்பு ஏற்படவும் வாய்ப்புகள் அதிகம். ஸிகா வைரஸ் பரவும் பகுதிகளுக்கு செல்வதை கர்ப்பிணியர் முழுதும் தவிர்க்க வேண்டியது அவசியம்.

கொசு கடிக்காமல் பார்த்துக் கொள்வது, திருமணமான பெண்களுக்கு ஸிகா பாதிப்பு ஏற்பட்டால், குணமான பின், அடுத்த மூன்று மாதங்கள் கர்ப்பம் தரிக்காமல் இருப்பது நல்லது. பாதிப்பு உள்ள பகுதியில் வசிப்பவர்கள், அடுத்த சில மாதங்களுக்கு கர்ப்பத் தடை மாத்திரைகளை பயன்படுத்தலாம்.

வைரஸ் பாதித்தவருடன், பாதுகாப்பற்ற உடலுறவு கொள்வதாலும் நோய் தொற்று அபாயம் அதிகம். தொற்று இருப்பவரிடம் இருந்து ரத்தம் தானமாக பெறுவதாலும் வரலாம். மலைப்பாங்கான, அதிக நீர் தேங்கும் இடம் என்பதால், கேரளாவில் ஏடிஸ் வகை கொசுக்கள் அதிகமாக உள்ளன. பொதுவாக இவை பகலில் கடிக்கும் தன்மை கொண்டவை.

'ஏடிஸ் ஏஜிப்டி' என்ற கொசுக்கள் தான் டெங்கு, ஸிகா என, இரண்டு தொற்றையும் பரப்புகின்றன. ஆனாலும், டெங்கு அளவிற்கு ரத்த உறைவை ஏற்படுத்தும் தீவிர பிரச்னைகள் ஸிகாவில் கிடையாது.

ஸிகா பாதித்தால், பொதுவாக அறிகுறிகள் வெளியில் தெரியாது. சில சமயங்களில் காய்ச்சல், தோலில் சிவந்த திட்டுகள், தலைவலி, கண்கள் சிவந்து போவது, தசைகளில், மூட்டுகளில் வலி இருக்கும்.

வைரஸ் உடலுக்குள் சென்று, அதன் பாதிப்பு வெளியில் தெரிவதற்கு மூன்று - 14 நாட்கள் ஆகலாம். அறிகுறிகள் தெரிந்த பின், பாதிப்பு இரண்டு வாரங்கள் இருக்கலாம். அறிகுறிகள் இருக்கும் போதே பரிசோதனை செய்தால் மட்டுமே பாதிப்பை உறுதி செய்ய முடியும்.
ஸிகா வைரஸ் பாதிப்புக்கு பிரத்யேக மருந்துகளோ, சிகிச்சையோ, தடுப்பு ஊசியோ இதுவரை கிடையாது. 'சப்போர்டிவ் மெடிசின்' என்று சொல்லப்படும் ஆதரவு சிகிச்சை தான் தரப்படுகிறது. உடலில் நீர்ச்சத்து குறையாமல் பார்த்துக் கொள்வது மிகவும் முக்கியம். திரவ ஆகாரங்கள், தண்ணீர் நிறைய குடிக்க வேண்டும். முழுமையாக ஓய்வில் இருப்பதும், நம் உடல் பழைய நிலைக்கு திரும்ப உதவும்.

டாக்டர் கவிதா கவுதம்,
இயக்குனர்,
புளூம் கருத்தரிப்பு மையம், சென்னை
drkavithagautham@gmail.com

Advertisement

 

மேலும் நலம் செய்திகள்:



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X