இது உங்கள் இடம்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

01 ஆக
2021
00:00

நுாதன திருட்டு!
சமீபத்தில், காய்கறி சந்தைக்கு சென்றிருந்தேன். அங்கு, கை குழந்தையுடன் நின்றிருந்த தம்பதியர், 'காய்கறி வாங்க வந்த இடத்தில், 'டூ வீலரின்' சாவி தொலைந்து விட்டது. வேறு சாவியும் இல்லை. வண்டியை, 'மெக்கானிக் ஷாப்'பிற்கு எடுத்துச் செல்ல வேண்டும். ஆட்டோவில் ஏற்ற, கொஞ்சம் உதவ முடியுமா...' என்றனர்.
அவர்கள் மீது இரக்கப்பட்டு, 'டூ - வீலரை' ஆட்டோவில் ஏற்றி விட்டேன். பிறகு, சந்தையில் காய்கறி வாங்கி திரும்புகையில், 'டூ - வீலர்' ஒன்று திருட்டு போய் விட்டதாக, சிலர் பேசியதை கேட்டு அதிர்ச்சியடைந்தேன்.
'டூ - வீலரை' திருட்டு கொடுத்து நின்றிருந்தவரிடம், அதன் பதிவு எண் மற்றும் மற்ற விபரங்களை கேட்டேன். அவர் கூறியதை கேட்டதும், துாக்கிவாரிப் போட்டது. கை குழந்தையுடன் வந்த தம்பதி, திருட்டு கும்பல் என, தெரிய வந்தது.
உடனே, அவரிடம் விஷயத்தை கூறி, அருகில் இருந்த ஆட்டோ ஸ்டாண்டுக்கு அழைத்துச் சென்று, அவர்களிடம் விபரத்தை கூறினேன். சக ஆட்டோக்காரர்களை தொடர்பு கொண்ட அவர்கள், 'டூ - வீலரை' ஏற்றிச் சென்றவரை கண்டுபிடித்து, தகவல் தந்தனர். அந்த ஆட்டோக்காரர் கூறிய, 'மெக்கானிக் ஷாப்' முகவரிக்கு விரைந்தோம்.
மெக்கானிக்கிடம் விஷயத்தை கூறி, ரகசியமாக போலீசை வரவழைத்து, அந்த தம்பதியரை போலீசிடம் பிடித்து கொடுத்தோம். மற்றவர்களின் மனதில் இரக்கத்தை ஏற்படுத்தும் வகையில், கை குழந்தையுடன் நுாதன திருட்டில் ஈடுபடுவதை அறிந்து, அதிர்ச்சி அடைந்தோம்.
இதுபோன்ற திருடர்களால், உதவி செய்யக்கூட பயமாக இருக்கிறது. நண்பர்களே, சுதாரிப்புடன் இருந்து கொள்ளுங்கள்.
- எ. மகேஷ், கோவை.

மாற்று யோசனை வாழ்வை உயர்த்தும்!
எங்கள் பகுதியில், முதுகலை கணிதம் முடித்த, 25 வயது மதிக்கத்தக்க இளைஞர், வீடு வீடாக சென்று பேப்பர் போடுகிறார். இதில், அவருக்கு கிடைப்பது சொற்ப வருமானம் தான். கூடுதல் வருமானம் பெற, பேப்பர் போடும் வீடுகளிலுள்ள பள்ளி, கல்லுாரி மாணவ - மாணவியருக்கு, 'ஆன்லைன்' வழியாக, கணித பாடத்திற்கு, 'டியூஷன்' எடுக்க துவங்கினார்.
நட்பான அணுகுமுறையும், எளிமையான கற்பித்தல் முறையும், அவருக்கு நற்பெயரை ஈட்டித் தர, பேப்பர் போடாத வீடுகளிலிருந்தும், 'ஆன்லைன் டியூஷனு'க்கு, மாணவர்கள் சேரத் துவங்கினர். அவருக்கும் கூடுதல் வருமானம் கிடைத்து, நம்பிக்கையோடு வாழ்வில் உயரத் துவங்கினார்.
வருமானம் குறைவு என்று வருந்துவதோடு நில்லாமல், மாற்றி யோசித்தால் வெற்றி பெறலாம் என்பதற்கு, அந்த இளைஞரே உதாரணம்!
எஸ். அலமேலு, கள்ளக்குறிச்சி.

'கொரோனா' ஊசி எச்சரிக்கை!
உறவினர் பெண்ணின் மொபைல் போனிற்கு அழைப்பு விடுத்த ஒருவர், 'கொரோனா' தடுப்பூசி சேவை மையத்திலிருந்து பேசுவதாக கூறியுள்ளார்.
'ஊசி போடுவதற்கு, முன்பதிவு செய்ய வேண்டும். ஆதார் கார்டு எண் மற்றும் 'இ - மெயில்' முகவரி வேண்டும். ஆதார் எண்ணை, வங்கி கணக்குடன் இணைத்துள்ளீர்களா...' என, கேட்டுள்ளார்.
'ஆதார் கார்டை எடுத்து விட்டு, போன் செய்கிறேன்...' எனக் கூறி, இணைப்பை துண்டித்திருக்கிறாள், உறவினர் பெண். அந்நேரம் உறவினரின் மகன் அங்கு வர, விபரம் கேட்டு, சம்பந்தப்பட்ட நபருக்கு போன் செய்திருக்கிறான்.
உறவினர் மகன் கேட்ட கேள்விக்கு சரியாக பதில் அளிக்காமல் தடுமாறவே, சந்தேகம் அடைந்த அவன், போலீசுக்கு போன் செய்வதாக மிரட்ட, இணைப்பை துண்டித்துள்ளார். பின்னர், உறவினர் பெண்ணிடம், 'வேறு என்னென்ன தகவல்கள் கேட்டார்...' என்றான்.
'போனிற்கு வரும், ஓ.டி.பி., எண்ணை சொல்ல வேண்டும்; அப்போது தான் பெயர் பதிவு செய்யப்படும்...' என கூறியதை கேட்டு, அதிர்ச்சி அடைந்தான், உறவினர் மகன்.
'கொஞ்சம் தாமதாக வந்திருந்தால், உங்கள் வங்கி கணக்கில் இருக்கும் பணத்தை, அந்த நபர், 'ஆட்டையை' போட்டிருப்பான். அவன் ஏமாற்று பேர்வழி. இனியாவது எச்சரிக்கையோடு இருங்கள்...' என்றான்.
விபரம் கேட்டு, மிகவும் அதிர்ச்சியடைந்தேன். திருடுவதற்கு எப்படியெல்லாம் சந்தர்ப்பத்தையும் பயன்படுத்திக் கொள்கின்றனர், இந்த வீணர்கள். நண்பர்களே... யாரேனும் தொலைபேசியில் ஆதார் எண், வங்கி கணக்கு எண் மற்றும் முகவரி என, எதைக் கேட்டாலும், தயவுசெய்து கொடுக்க வேண்டாம். கவனமுடன் இருங்கள்.
- எம். புனிதா, கோவை.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (10)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manian - Chennai,ஈரான்
06-ஆக-202109:25:27 IST Report Abuse
Manian தம்பி ஆனந்து, பகுத்தறிவாளிகள், பெரியார் எனம் கண்ட காட்டுமிராண்டிக திராவிட நாடு பூராவிலுமே ஓட்டை விக்கிறுவனுகளுக்கு மட்டும் ஏமாத்தமே கெடையாதா?ஒரு நப்பாசை என்னான, ஒருவேளை 0.0000001% நல்லது நடக்காதான்னு ஒரு நம்பிக்கைதான் அது மனக்கொளப்பத்தாலேயா வருகுது. ஓசி பிரியாணி, குவார்டரு தமிள் நாகரீகத்தால்லே வருகுது கண்ணனூர் புலிமாறன்.
Rate this:
Cancel
Kannan -  ( Posted via: Dinamalar Android App )
01-ஆக-202121:55:19 IST Report Abuse
Kannan No2 letters very irritating,paper podravar online tuition edukkuraaram, Online tuition mobile la epdi eduppar, athuvum last 2 years ah no school and college,intha corona drama ellame online coaching center ah famous aakka thana,
Rate this:
Cancel
Girija - Chennai,இந்தியா
31-ஜூலை-202123:04:20 IST Report Abuse
Girija எம். புனிதா, கோவை. கோவையில் பெண்கள் ஐ க்யு இவ்வளவு மோசமா ?
Rate this:
Manian - Chennai,ஈரான்
02-ஆக-202102:24:55 IST Report Abuse
Manianகோவையில் மனப் பாடம் செய்து போலி பட்டம் வாங்கியவர்கள் அதிகம் என்ற செய்தி எப்போதாவது படித்துண்டா? அத்தோட நைனாவின் சொல்வன்மை போல "பொய்யுடை சொல்வன்மையால் மெய் போலும் மெய்போலும்மே"ன்னு சங்கப்பாடலை மறக்கலாமா? ஏமாந்தவங்க சங்கம் எங்கேயாவது இருக்கா?...
Rate this:
Anand G - Chennai,இந்தியா
02-ஆக-202109:10:02 IST Report Abuse
Anand Gசென்னையிலும் இதைவிட மோசமாக ஏமாறும் பெண்கள் மற்றும் ஆண்கள் உள்ளனர், மனக்குழப்பம் & வேற சிந்தனையில் இருக்கும் போது இப்படி கோட்டை விடுபவர் அநேகர், நன்றி...
Rate this:
Manian - Chennai,ஈரான்
03-ஆக-202106:41:39 IST Report Abuse
Manianஇவர்கள் போலி கற்கிறார்கள், கற்பிக்கப்படுவதால் விளம்பரம், ஓசி ஆசையில் ஏமாறுகிறார்கள். இதல் செய்திகளில் வந்த போலீசு அதிகாரி, ஜட்சு, பேங்க மேனேஜர் உண்டே தீர விசாரிக்க புத்திக் கூர்மை, பணிவு வேண்டும் ஏமாறுபவர்கள்-ஏமாற்றுபவர்கள் அதிகம்...
Rate this:
Girija - Chennai,இந்தியா
03-ஆக-202119:09:04 IST Report Abuse
Girijaகோவையில் பெண்கள் பண விஷயத்தில் படு உஷரானவர்கள் அவர்களுக்கு ஐ கியூ அதிகம். எல்லாம் பேராசை , பெண்ணாசை காரணமாகத்தான் விவரங்களை கொடுத்து பணத்தை இழக்கின்றனர். ஆனால் போலீசில் சொல்வது வேறு காரணம். கடந்த இரண்டு நாட்களாக ஒரு வால் போஸ்டர் பெசன்ட் நகர் பகுதியில் ஒட்டட்டுள்ளது. உங்கள் டெபிட் க்ரெடிட் கார்டை ஸ்வைப் செய்யுங்கள் , நிமிடத்தில் 1 - 2 லட்சம் கடன் வசதி குறைந்த வட்டியில் என்று மொபையில் நம்பருடன் உள்ளது . காவல் துறை கவனிக்குமா ?...
Rate this:
Manian - Chennai,ஈரான்
04-ஆக-202104:47:24 IST Report Abuse
Manianஅட நீங்க ஒண்ணு திருடர் களகப் பயலுக போலி , போலீசுன்னு சொல்லித்தானே ஏமாத்துறானுக 25 % உண்மையான போலீசுக்காரன் என்ன செய்ய முடியயும்? நம்பர்345, ஸ்டேஷன் பெயரை சொல்ல விரும்பாத, பணி மூப்பு குள்ளசாமி(பெயர் மாற்றம்)...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X