- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஆத்திரமூட்டும் விதமாக பேசுவதில் போட்டி மே 24,2022
- செங்கை மக்களின் புகார் மனு மே 24,2022
- சிறுவர்கள் விளையாட மைதானம்; பெருமாட்டு நல்லூரில் திறப்பு மே 24,2022
- மக்கள் குறைதீர் முகாமில் நலத்திட்ட உதவி வழங்கல் மே 24,2022
- ரஷ்யா - உக்ரைன் போர்; வெற்றி யாருக்கு? பிப்ரவரி 26,2022
- இன்று
- கடந்த வாரம்
- கடந்த மாதம்
பதிவு செய்த நாள்
22 ஆக2021
00:00
எஸ். முருகேசன், திருத்தங்கல்: அமெரிக்காவிலும் பிச்சைக்காரர்கள் இருக்கின்றனரா?
இருக்கின்றனர். அவர்கள், 'ஐயா... அம்மா...' என, பிச்சை எடுக்க மாட்டார்கள்... பிடுங்கிக் கொள்வர்!
ஆர்.வரதகிருஷ்ணன், நெல்லிக்குப்பம்: குற்றச்செயலில் ஈடுபடும் காவலர்களை, உடனே ஆயுதப்படைக்கு மாற்றி விடுகின்றனரே... குற்றமிழைப்போரின் புகலிடமா, கூடாரமா ஆயுதப்படை?
அவர்களுக்கான சிறை சாலை அது. அங்கு கை நீட்ட வாய்ப்பில்லை; குற்றச் செயல்களில் ஈடுபட அதிகாரமில்லை! அதனாலேயே ஆயுதப்படையில் தள்ளப்படுகின்றனர்!
ச.சுப்புலட்சுமி, சென்னை: அ.தி.மு.க., முன்னாள் அமைச்சர்கள் வீடுகளில், 'ரெய்டு' - பழிவாங்கும் படலமா?
இல்லை! ஊழலில் திளைத்தவர்களை உள்ளே தள்ளும் நல் நடவடிக்கைகள் தான்!
க. சுவாதி, கோவை: வாரமலர் அட்டைப் படத்தில் வர என்ன செய்ய வேண்டும்?
சினிமா நடிகையாக வேண்டும் அல்லது சிறுவர்மலர் இதழில், 'ஸ்கூல் கேம்பஸ்' பகுதிக்கு எழுதி, படம் அனுப்பினால், அட்டையில் வெளியாகும்!
* க. ராஜாராம், குஞ்சன்விளை, கன்னியாகுமரி: என் மனைவி, நான் எது சொன்னாலும் எதிர்த்து பேசுகிறாள்... அவளை ரெண்டு போடு போட்டால் என்னவென்று தோன்றுகிறதே...
தவறு! நெருப்பை நெருப்பால் அணைக்க முடியுமா? அன்பா, பொறுமையா, 'குளுகுளு'ன்னு பேசி சமாளியுங்க ராஜாராம்!
கோ. குப்புசாமி, சங்கராபுரம்: தினமும் காகத்திற்கு உணவு வைப்பதுண்டா சார்?
ஓ! தினமும் நாலு துண்டு ரொட்டியை தண்ணீரில் நனைத்து பிசைந்து போடுவேன்... காலை, 6:30 மணிக்கு! அவை துணைக்கு, 'கா கா' என, மற்ற காக்கைகளை கூப்பிடுமே தவிர, பகிர்ந்து உண்ணாது; சுயநலமே அதிகம்!
* ஆர். கேசவன், பொட்டல்புதுார், தென்காசி: எனக்கு கசப்பான அனுபவம் எப்போதும் ஏற்படுகிறதே... ஏன்?
நீங்கள் யாரிடமாவது கடன் வாங்கி இருக்கிறீர்களா அல்லது கடன் கொடுத்திருக்கிறீர்களா... அப்போது, பெரும்பாலும் கசப்பான அனுபவம் தான் ஏற்படும்!
வே. குணசேகரன், கோவில்பட்டி: கிளியுடன் பெண்களை ஒப்பிட்டு வர்ணிக்கின்றனரே... ஏன்?
இருவரும் அழகாய் இருக்கின்றனரே... மேலும், இருவர் குரலும் இனிமை. இதற்கு மேலும் இருவரும் கூண்டில் தானே இருக்கின்றனர்!
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
- புதியவை
அந்துமணி என் தலைவன்♥️♥️♥️♥️
நான் ஆகஸ்ட் மாசம் 29 ஆம் நாள் 1962 சென்னையில் இருந்து அமெரிக்கா வந்தேன். பிச்சைக்காரர்கள் எங்கும் இல்லை. பிச்சைக்காரர்கள் இல்லாத நாடு என்று மிகவும் ஆனந்த அடைந்தேன். சுமார் பத்து வருடங்களுக்கு பிறகுதான் பிச்சைக்காரர்களை எல்லா இடத்துலயும் பார்க்க முடிந்தன. பிச்சை கேட்பார்கள் . பலவந்தமாக பிடுங்கி கொள்ளமாட்டார்கள்.
Copyright © 2022 Dinamalar - No.1 Tamil website in the world. Designed and Hosted by Web Division,Dinamalar. | Contact us