இதப்படிங்க முதல்ல...
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

12 செப்
2021
00:00

பழைய பாதைக்கு திரும்பும், விக்ரம்!
சேது, பிதாமகன், காசி என, வித்தியாசமான, 'கெட் - அப்'புகளில் நடித்து, 'சூப்பர் ஹிட்' படங்களை கொடுத்து வந்த, விக்ரம், 'மாஸ் ஹீரோ' நிலைக்கு வந்தபோது, 'நார்மல் ஹிட்' படம் கொடுப்பதற்கே அல்லாடுகிறார். இதனால், மீண்டும் தன் ஆரம்ப கால படங்களைப் போன்று, மாறுபட்ட கதைக்களம் மற்றும் 'கெட் - அப்'புகளில் நடிக்க தயாராகி விட்டார். அதோடு, மாற்றுத்திறனாளி வேடங்களில் நடிப்பதற்கும், டபுள் ஓ.கே., சொல்லி வரும் விக்ரம், தன் புதிய படமொன்றில், மீண்டும், பிதாமகன் போன்ற, 'கெட் - அப்'பில் திறமை காட்டியிருக்கிறார்.
சினிமா பொன்னையா

ஐஸ் வைத்த, கீர்த்தி சுரேஷ்!
தமிழில் உள்ள, 'ஹீரோ'கள் அனைவருமே, கீர்த்தி சுரேஷை கழட்டிவிட்டுள்ள நிலையில், தெலுங்கில், மகேஷ்பாபு மட்டுமே கை கொடுத்துள்ளார். அதனால், அவரை குஷிபடுத்த வேண்டும் என்பதற்காக, தான் அளிக்கும் பேட்டிகளில், மகேஷ்பாபுவின் நடிப்பு குறித்து, 'ஆகா ஓஹோ'வென்று புகழ்ந்து தள்ளி வருகிறார். 'நான், இதுவரை நடித்த, 'ஹீரோ'களில் இப்படியொரு பக்கா ஜென்டில்மேன் நடிகரை பார்த்ததில்லை. அந்த அளவுக்கு பெருமைக்குரிய ஒரு மனிதராக இருக்கிறார்...' என்று கூறியுள்ள, கீர்த்தி சுரேஷ், மகேஷ்பாபுவின் மனைவி நர்மதாவிடத்தில், 'மகேஷ்பாபுவிற்கு நிறைய திருஷ்டி விழுந்திருக்கிறது. அதனால், தினமும் துாங்குவதற்கு முன், சுத்தி போடுங்கள் மேடம்...' என்றும், அன்பான கோரிக்கை வைத்திருக்கிறார். காரணம் இன்றி காரியம் இல்லை!
— எலீசா

வில்லங்க வேடம் கேட்கும், ஐஸ்வர்யா லட்சுமி!
பெரும்பாலும் நடிகையர், தங்களை கவர்ச்சிகரமாக வெளிப்படுத்தி தான், 'போட்டோ ஷூட்' நடத்துவர். ஆனால், தனுஷ், விஷால் படங்களில் நடித்துள்ள, மலையாள நடிகை ஐஸ்வர்யா லட்சுமியோ, தான் சிகரெட் பிடிப்பது போன்று, 'போட்டோ ஷூட்' நடத்தி, அந்த புகைப்படங்களை வெளியிட்டுள்ளார். அது குறித்து, அதிர்ச்சியுடன் தன்னிடம் விசாரித்த திரையுலகினரிடம், 'நடித்த படங்கள் வெற்றி பெறாததால், இனிமேல் குடும்ப குத்துவிளக்கு, 'இமேஜ்' தேவையில்லை என்று முடிவெடுத்து விட்டேன். அதனால் தான், அடுத்தபடியாக விவகாரமான, வில்லங்கமான வேடங்களில் நடிக்கவும் நான் தயாராக இருப்பதையே, இப்படி வெளிப்படுத்தி உள்ளேன்...' என்று தெரிவித்துள்ளார். அன்று கண்டதை அடுப்பில் போட்டு, ஆக்கின பானையைத் தோளில் போட்டு திரிந்தது போல!
— எலீசா

64 வயதில்
'ரிஸ்க்' எடுத்த, பிரபு!
நடிகர் பிரபுவைப் பொறுத்தவரை, சினிமாவில் நடிக்கத் துவங்கியதில் இருந்தே, 'வெயிட்' போட்டு தான் இருக்கிறார். சில நடிகர்களைப் போன்று, கதாபாத்திரங்களுக்காக அவர் ஒருபோதும் தன் உடல் எடையை குறைத்து, 'ஸ்லிம்' ஆனதில்லை. ஆனால், முதல் முறையாக, மணிரத்னத்தின், பொன்னியின் செல்வன் படத்திற்காக, சுமார், 20 கிலோ வரை, எடை குறைத்து, 'ஸ்லிம்'மான தோற்றத்திற்கு மாறியிருக்கிறார், பிரபு. தற்போது, 'சோஷியல் மீடியா'வில் வைரலாகி வரும் அவரது புதிய புகைப்படங்களைப் பார்த்து, அனைவருமே வியக்கின்றனர். 'இளவட்டமாக இருக்கும்போதெல்லாம் எடுக்காத, 'ரிஸ்க்'கை தன், 64 வயதில் எடுத்திருக்கிறாரே...' என்கின்றனர்.
சினிமா பொன்னையா

கறுப்புப்பூனை!

தளபதியின் நான்கெழுத்து படத்தில் நடித்த, கேரளத்து மாள்ஸ் நடிகை, இப்போது தான் நடிக்கும் படத்தில் அதிகப்படியான சூடு காட்டி வருகிறார். அந்த வகையில், இயக்குனர் எள் என்று சொன்னால் அம்மணி எண்ணெயாக நிற்கிறார். அதைப்பார்த்து இதுவரை அம்மணியை ஏறெடுத்தே பார்க்காமல் இருந்து வந்த சில, 'கமர்ஷியல்' பட இயக்குனர்கள், மாள்ஸ் நடிகையை மடக்கிப்போட தயாராகினர். விளைவு, இதுதான் நமக்கான நேரம் என்பதை புரிந்து கொண்ட நடிகை, 'பிகினி, டூ - பீஸ்' என எல்லாவற்றுக்கும் தயார் என்று சொல்லி, 'அடவான்ஸ்'களை வாரி சுருட்டி வருகிறார். ஹீரோயினாக நடித்தவரே, இப்படி தாறுமாறாக இறங்கியடிக்க தயாராகி விட்டதால், கவர்ச்சியை வைத்து காலம் தள்ளி வரும் சில கோலிவுட் நடிகையர், 'இந்த மாள்ஸ் நடிகை நம்முடைய மார்க்கெட்டை சாய்த்து விடுவாரோ...' என்று, பீதியடைந்துள்ளனர்.
நட்சத்திர ஹோட்டலில் நடைபெறும் திருமண வரவேற்பில் கலந்துகொள்ள வந்த, தோழியர் இருவர் பேசிக் கொண்டது...
'ஹோட்டல் ரிசப்ஷனில் அரைகுறை டிரஸ்சில் அமர்ந்திருக்கும் பெண், மாளவிகா தானே... 'டிவி' சேனல் ஒன்றில் நடந்த நடன போட்டியில் பரிசு வாங்கினாளே!'
'அவளேதான். இப்ப இந்த ஹோட்டலில் வேலை செய்கிறாள்; எக்கச்சக்க சம்பளம். இங்கு தங்க வரும், 'டூரிஸ்ட்'களுக்கு, ஊரை சுற்றிக்காட்ட இவள்தான் போவாளாம்.
'வெவ்வேறு சுற்றுலா தலங்களில், 'டூ - பீஸ், பிகினி' போன்ற கவர்ச்சி உடைகளை அணிந்து எடுத்த புகைப்படங்களை முகநுாலில் போட்டிருக்கிறாள்; பார்த்திருக்கிறேன். இவளது இந்த அதிரடி நடவடிக்கைகளால் பாதிக்கப்பட்டோர், தொழில் ரீதியான, 'கைடு'கள் தான்.
'என் உறவினர் பையன், இங்கு சூப்பர்வைசராக வேலை செய்கிறான். அவன் சொன்னது தான் இது...' என்றாள், தோழி.

சினி துளிகள்!
* விஜயின், மாஸ்டர் படத்தில் நடித்த, மாளவிகா மோகனன், தற்போது, தனுஷுடன், மாறன் படத்தில் நடித்து வருகிறார்.

அவ்ளோதான்!

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
M Selvaraaj Prabu - Gaborone,போஸ்ட்வானா
17-செப்-202120:01:46 IST Report Abuse
M Selvaraaj Prabu //. இப்ப இந்த ஹோட்டலில் வேலை செய்கிறாள் எக்கச்சக்க சம்பளம். இங்கு தங்க வரும், 'டூரிஸ்ட்'களுக்கு, ஊரை சுற்றிக்காட்ட இவள்தான் போவாளாம்// தவறு. ". இப்ப இந்த ஹோட்டலில் வேலை செய்கிறாள் இங்கு தங்க வரும், 'டூரிஸ்ட்'களுக்கு, ஊரை சுற்றிக்காட்ட இவள்தான் போவாளாம். எக்கச்சக்க சம்பளம்." என்று போட்டிருக்கலாம்.
Rate this:
Cancel
kannagasabai - stur,இந்தியா
14-செப்-202111:59:12 IST Report Abuse
kannagasabai செத்த எலியை கூட வைத்து பணக்காரனாகலாம்' என ஒரு சொலவடை உண்டு
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X