நாயாக வந்தது ஏன்?
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

12 செப்
2021
00:00

'அரிது அரிது, மானிடராய் பிறத்தல் அரிது...' -என்றார், அவ்வையார்; 'ஜந்துானாம் நர ஜன்மம் துர்லபம்...'- என்றார், ஆதிசங்கரர்.
விலங்கு, பூச்சி என, ஏதாவது ஒரு ஜீவராசியாகப் பிறக்க வைக்காமல், மனிதப்பிறவி அளித்த தெய்வத்தின் அருளை என்னவென்று சொல்வது. மிகவும் உயர்வான மனிதப்பிறவி கிடைத்தும், செய்யக் கூடாத செயல்களைச் செய்தால் விளையும் பயன்களை, பத்ம புராணம் சொல்கிறது.
மகாபாரத யுத்தம் நடந்த குருக்ஷேத்திரத்தில், பத்திராத்மன் என்பவர் இருந்தார். ஞான நுால்களில் கரை கண்டவர். அந்த ஞான நுால்களில் உள்ளபடியே, அறம் தவறாமல் வாழ்க்கையை நடத்தியவர்.
ஒருநாள்... நதியில் நீராடி வீடு திரும்பினார், பத்திராத்மன். வீட்டிற்குள் நுழையும் முன், வாசலில் கால்களை கழுவி உள்ளே சென்றார். அப்போது, வெயில் கொடுமை தாங்காத ஒரு நாய், பத்திராத்மன் கால்களைக் கழுவிய தண்ணீரில் தன் உடம்பை நன்றாக நனைத்து, படுத்திருந்தது.
அதைப் பார்த்த வேலைக்காரர், அந்த நாயை கல்லால் அடித்தார். கல், நாயின் உயிர் நிலையில் பட, ஓலமிட்டபடியே இறந்து விட்டது. அதே விநாடி, நாயின் உடம்பில் இருந்து, ஒளிமயமான தேவ புருஷன் ஒருவன் வெளிப்பட்டான்.
அதைக்கண்ட பத்திராத்மன் வியந்து, 'யார் நீங்கள்...' என, கேட்டார்.
'முற்பிறவியில் நான், சத்தியகேதன் எனும் மன்னனாக இருந்தேன். ஒருநாள் இரவு நேரத்தில், நகர சோதனைக்காக சென்றிருந்த வேளையில், ஒரு பெண்ணை கண்டு பலாத்காரம் செய்தேன். அந்த பாவத்தின் விளைவாக, நாட்டை இழந்து, காட்டில் திரிந்து, பசியும் பட்டினியுமாக உயிரை விட்டேன்.
'யம துாதர்கள் அழைத்துப்போய் கடுமையாக தண்டித்தனர். பிறகு, இந்த நாய் பிறவி வாய்த்தது. ஏராளமான உயிர்களைக் கொன்று, பாவங்கள் செய்தேன்.
'இன்று, வெயில் கொடுமை தாங்க முடியாமல் துடித்தேன். உங்கள் பாதங்களைக் கழுவிய தண்ணீரில் என் உடம்பை நனைத்துக் கொண்டிருந்தேன். என்னை, உங்கள் வீட்டு வேலைக்காரன், கல்லால் அடித்துக் கொன்று விட்டான்.
'உங்கள் பாதங்களை கழுவிய நீரின் மகிமையால், என் பாவங்களும், நாய் பிறவியும் நீங்கி, திவ்வியமான தேவ வடிவம் பெற்றேன். வைகுண்டம் செல்கிறேன்...' என்று கூறி, வைகுண்டத்தை அடைந்தான், தேவ புருஷன்.
மன்னனாக இருந்தும், மனம்போன போக்கில் போய், பெண்ணிடம் முறைகேடாக நடந்தவன்; நாயாக பிறந்து, அல்லல் பட்டிருக்கிறான் என்றால்...
பெண்களிடம் முறைகேடாக நடப்பவர் யாராக இருந்தாலும், தப்ப முடியாது என்பதை விளக்கும் கதையிது.

பி. என். பரசுராமன்

ஆன்மிக தகவல்கள்!
ஆனி, ஆடி, புரட்டாசி, மார்கழி மற்றும் பங்குனி மாதங்களில், வீடு கட்டும் பணியை துவங்கவோ, குடிபுகவோ கூடாது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X