வீம்பின் பலன்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

26 செப்
2021
00:00

இமயமலையில் மிகப்பெரிய இலவ மரம் ஒன்று இருந்தது. அந்த மரத்தின் சுற்றளவு, ஏறத்தாழ, 600 அடிகள்; பறவைகள், விலங்குகள், வழிப்போக்கர்கள், காட்டில் தவம் செய்வோர் என அனைவரும், அந்த மரத்தைச் சுற்றி தங்கி, ஓய்வெடுத்து-, உறங்கி பலனை அனுபவித்துக் கொண்டிருந்தனர்.
அந்த இலவ மரத்தைப் பார்த்தார், நாரதர்.
மன மகிழ்ச்சியோடு அதை நெருங்கி, 'இலவ மரமே... அழகோ அழகு நீ... எத்தனை பேருக்கு நீ உதவுகிறாய்... அற்புதம்! என் மனதை இழுத்து விட்டாய். அது சரி, உன்னுடைய பெரும் கிளைகளையும், காய்களையும் காற்று முறிக்கவில்லையே; அது ஏன், வாயு பகவான் உனக்கு நண்பனா?' என, கேட்டார்.
இலவ மரத்திற்கு பெருமை தாங்கவில்லை.
'நாரதரே நம்மை பாராட்டி விட்டார். நாம் பெரீய்ய ஆள்தான்...' என எண்ணி, 'நாரதரே... வாயு பகவான் எனக்கு நண்பனில்லை. சொல்லப் போனால், அந்த வாயு பகவானுக்குத்தான் என்னைக் கண்டால் பயம். அவனால் என்னை ஒன்றும் செய்ய முடியாது.
'என் சக்தியில், 18ல், ஒரு பங்கு கூட, வாயு பகவானுக்கு கிடையாது. காற்றை என் சக்தியால் அடக்கி வைத்திருக்கிறேன். ஆகையால் காற்றின் கோபம், என்னை ஒன்றும் செய்ய முடியாது. நான் பயப்பட மாட்டேன்...' என்று, அகங்காரமாய் பதிலளித்தது.
'இலவ மரமே, அகங்காரம் உன் கண்ணை மறைத்து விட்டது. அதனால் தான் வாயு பகவானை, நீ இழிவாகப் பேசி விட்டாய். வாயு பகவான் இல்லையென்றால், எந்த ஜீவராசியும் உயிருடன் வாழ முடியாது. உன்னை விட உயர்ந்த பலமுள்ள மரங்கள் கூட, உன்னைப் போல் அகம்பாவமாகப் பேசியதில்லை. இப்போதே போய், வாயு பகவானிடம் சொல்கிறேன்...' என்றார், நாரதர்.
இலவ மரம், தன் வீம்பை விடவில்லை.
'சொல்லுங்கள்... வாயு பகவானால் என்னை ஒன்றும் செய்ய முடியாது...' என்றது.
வாயு பகவானிடம் நடந்ததை கூறினார், நாரதர். அதைக்கேட்ட வாயு பகவான், உடனே இலவ மரத்திடம் வந்து, 'வீம்பு பிடித்த மரமே... சிருஷ்டியின் போது, பிரம்மதேவர், ஒருமுறை உன் அடியில் அமர்ந்தார். அந்த மரியாதைக்காகவே உன்னை விட்டு வைத்திருக்கிறேன்...' என்று, அறிவுரை சொன்னார்.
அப்போதும், எகத்தாளமாக பேசியது, இலவ மரம்.
'என் சக்தியை நாளை காட்டுகிறேன்...' என்று சொல்லிச் சென்றார், வாயு பகவான்.
அவர் போனதும், 'என்ன இருந்தாலும், நாரதரிடம் நான் அப்படிப் பேசியிருக்கக் கூடாது. வாயுவின் பலம் எங்கே, என் பலம் எங்கே? வாயு பகவான் வருவதற்குள் எதையாவது செய்து, சமாளிக்கப் பார்க்கிறேன்...' என்று சொல்லி, இலை, கிளைகளை தானாகவே கீழே தள்ளிவிட்டு, மொட்டை மரமாக நின்றது.
மறுநாள் காலை, சீற்றத்தோடு இலவ மரத்தை நெருங்கி, 'நான் உனக்கு செய்ய வேண்டிய சேதத்தை, நீயாகவே செய்து கொண்டு விட்டாய்...' என்றார், வாயு பகவான்.
இலவ மரம் வாயடங்கி இருந்தது. அகம்பாவமும், வீம்பும் என்ன செய்யும் என்பதை விளக்கும் இக்கதையை பாண்டவர்களுக்குச் சொன்னார், பீஷ்மர்.

பி. என். பரசுராமன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X