கேன்சரின் தீவிரம் நபருக்கு நபர் மாறுபடும்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

24 அக்
2021
00:00

மார்பக கேன்சர் பற்றிய விழிப்புணர்வு இருந்தாலும், 'மேமோகிராம்' செய்வதற்கு அனைவரிடமும் தயக்கம் இருக்கிறது. மகளிர் கல்லுாரிகளில் மார்பக கேன்சர் பற்றிய விழிப்புணர்வு குறித்து தொடர்ந்து பேசுகிறேன். அங்குள்ள பேராசிரியர்களே, 'மேமோகிராம் என்றால் என்ன; பரிசோதனையின் போது அதிக வலி இருக்குமா?' என்று கேட்கின்றனர்.

கேன்சர் வருவதற்கான சாத்தியக்கூறுகள் இருக்கிறதா என்று முன்கூட்டியே பரிசோதனை செய்து, கவனமாக இருக்க வேண்டும் என்பதை விட, பெரும்பாலும் நமக்கு வராது என்ற எண்ணம் தான் இருக்கிறது. கேன்சர் வந்தால் முறையாக சிகிச்சை எடுத்துக் கொள்ளலாம் என்றே நினைக்கின்றனர். அதிக செலவு, நேர விரயம், வலி இல்லாத 'எக்ஸ் - ரே' போன்றது தான் மேமோகிராம் பரிசோதனை.

மார்பக சுயபரிசோதனை செய்வது, கேன்சர் வரும் வாய்ப்பு உள்ளதா என்பதை அறிய, ஆரம்ப நிலையில் இருந்தால் கண்டறிய உதவுமே தவிர, மார்பக கேன்சர் வருவதைத் தடுக்காது. அரசு மருத்துவமனைகளில் இலவசமாக பரிசோதனை செய்தாலும், பரிசோதனை செய்து கொள்ள முன் வருவதில்லை.

டாக்டர்களே 40 வயதிற்கு மேற்பட்ட தங்கள் வீட்டுப் பெண்களை பரிசோதனை செய்ய அழைத்து வருவதில்லை. 10 ஆண்டுகளுக்கு முன், மார்பக கேன்சர் என்று வருபவர்கள் நோய் முற்றிய நிலையில் தான் வருவர். தற்போது நகர்ப்புறங்களில் ஆரம்ப நிலையில் வருவது அதிகரித்து உள்ளது. 'லாக் டவுன்' சமயத்தில் மருத்துவமனைக்கு செல்ல பயந்ததால், பிரச்னை முற்றிய நிலையில் வந்தனர்.

கேன்சர் தீவிரம், பரவும் விதம் நபருக்கு நபர் வேறுபடும். சிலருக்கு கேன்சர் செல் உருவான ஒரு மாதத்திலேயே நோய் முற்றி விடும்; சிலருக்கு முதல் நிலையிலேயே ஒரு ஆண்டு இருக்கலாம். டாக்டரிடம் சென்றால், கேன்சர் என்று மார்பகத்தை அகற்றி விடுவரோ என்ற பயத்திலேயே, பலர் வருவதில்லை. ஆரம்ப நிலையில் இருந்தால், மார்பகத்தை அகற்றத் தேவை இருக்காது; கட்டியை மட்டும் அகற்றி, தேவையான சிகிச்சை எடுத்துக் கொள்ளலாம்.

காரணிகள்
இது தான் காரணி என்று உறுதியாகச் சொல்ல முடிவதில்லை. மரபணு காரணிகளால் கேன்சர் வருவது 10 சதவீதம் தான். பத்து வயதிற்கு முன், பருவம் அடையும் பெண்கள், 50 வயதிற்கு பின் தாமதமாக 'மெனோபாஸ்' அடைபவர்களுக்கு, 'ஈஸ்ட்ரோஜன்' ஹார்மோன் சுரப்பு அதிகமாக இருக்கும்.
உடல் பருமன் இருந்தால், உடலில் உள்ள அதிகப்படியான கொழுப்பு ஈஸ்ட்ரோஜென்னாக மாறும். இந்த ஹார்மோன் தாக்கம் நீண்ட காலத்திற்கு இருக்கும். எனவே, இவர்களுக்கு மார்பக கேன்சர் வரும் வாய்ப்பு அதிகம்.
குழந்தை பெற்ற அடுத்த ஆறு மாதங்களுக்கு மாதவிடாய் வராது. குறைந்தபட்சம் இரண்டு ஆண்டுகளுக்கு தாய்ப்பால் கொடுப்பது, மார்பக கேன்சர் வருவதை தடுக்கும் விஷயங்கள்.

டாக்டர் கே.அன்பரசி,
புற்று நோய் சிறப்பு மருத்துவ ஆலோசகர்,
சென்னை.
74027 23404

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X