சோலார் முறையில் விவசாயம் சோடை போகாத லாபம்
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

08 டிச
2021
00:00

ஆற்றுப் பாசனத்தில் ஒருபோக சாகுபடியில் அப்பப்போ லாபம் கிடைச்சது. கிணற்று பாசனத்தில் சோலார் முறைக்கு மாறிய பின் இருபோக சாகுபடி பொய்க்காமல் நடக்கிறது என்கிறார் மதுரை குலமங்கலத்தைச் சேர்ந்த விவசாயி கிருஷ்ணன்.

அவர் கூறியது: வாடிப்பட்டி தாலுகா தண்டலை கிராமத்தில் இரண்டரை ஏக்கரில் நெல் சாகுபடி செய்கிறேன். ஆற்றுப்பாசனத்தில் தண்ணீரை நம்பி சாகுபடி செய்யமுடியாது. எனவே ஜூலையில் ஒரு போக சாகுபடி மட்டுமே செய்து வந்தேன். கிணற்றில் வற்றாமல் தண்ணீர் இருக்கிறது. ஆனால் டீசல் இன்ஜின் மூலம் இறைப்பதால் டீசல் செலவு அதிகமானது. நீர் பாய்ச்சுவதற்கு ஒரு ஏக்கருக்கு 4 மாத பயிருக்கு ஒன்றரை மூடை நெல் கூலியாக தர வேண்டியிருந்தது. எல்லாவிதத்திலும் செலவு அதிகமானது.

அப்போது தான் வேளாண்மை பொறியியல் துறை மூலம் சோலார் பம்ப் செட் அமைப்பது குறித்த தகவல் கிடைத்தது. முதலில் 20 பேர் தேர்வு செய்தனர். அதில் நானும் ஒருவன். சோலார் பம்ப்செட் அமைக்க ரூ.5 லட்சம் செலவானது. அதில் 80 சதவீதம் மானியமாக கிடைத்தது.

சோலார் பம்ப் செட் அமைக்கும் போதே கிணற்றை ஒட்டிய ஒரு ஏக்கருக்கு நேரடியாக கிணற்றில் இருந்து தண்ணீர் பாய்வது போல அமைத்து விட்டேன். அடுத்த ஒன்றரை ஏக்கர் நிலத்திற்கு பூமிக்கடியில் 3 அடி ஆழத்தில் பைப் அமைத்து இரண்டு இடங்களில் தண்ணீர் பாய்வது போல செய்து விட்டேன். ஜூன் மற்றும் நவம்பரில் இருபோக நெல் சாகுபடி செய்வதால் சில நேரங்களில் மோட்டாரை அணைக்காமல் விட்டாலும் தண்ணீர் பாய்வதால் நஷ்டமில்லை.

வெளியூர் சென்றாலும் தானாக தண்ணீர் பாய்ந்து விடும். இதற்கென தனி ஆள் நின்று கவனிக்க வேண்டியதில்லை. கிணற்றில் தண்ணீர் இருப்பதால் எவ்வளவு நேரம் தண்ணீர் பாய்ந்தாலும் மின்கட்டணம் செலுத்த வேண்டியதில்லை. சின்ன சின்ன பழுது ஏற்பட்டால் நானே சரி செய்கிறேன். அடுத்த 20 ஆண்டுகளுக்கு பராமரிப்பு செலவும் குறைவாக தான் இருக்கும்.

பிப். முதல் வாரத்தில் இரண்டாம் போக அறுவடை முடிந்தபின் ஒரு ஏக்கரில் வெள்ளரி, ஒன்றரை ஏக்கரில் உளுந்து பயிர் சாகுபடி செய்கிறேன். பயறு வகை பயிர்களை சாகுபடி செய்வதால் வேர் முடிச்சுகள் அதிகம் உருவாகி மண் பொலபொலப்பாகிறது. கோடை உழவு செய்யும் போது புழு, பூச்சிகள் வெளியே வருவதை பறவைகள் தின்பதால் நிலம் சுத்தமாகிறது.

குலமங்கலத்தில் உள்ள 50 சென்ட் நிலத்தில் தென்னை, நெல், மீன்வளர்ப்பு செய்கிறேன். ஒருங்கிணைந்த பண்ணையம் செய்வதால் ஒன்றையொன்று சார்ந்து நிலம் வளமாகிறது என்றார்.
இவரிடம் பேச: 89737 37379.

- எம்.எம்.ஜெயலெட்சுமி மதுரை

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sathish -  ( Posted via: Dinamalar Android App )
08-டிச-202113:39:42 IST Report Abuse
Sathish vazhthukkal ayya
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X