டிசம்பர் | வருடமலர் | Varudamalar | tamil weekly supplements
டிசம்பர்
Advertisement
 
 
 
Advertisement
Advertisement
dinamalar advertisement tariff
 
Advertisement
 

பதிவு செய்த நாள்

01 ஜன
2022
00:00

தமிழகம்
டிச. 3: அரசு பணிக்கான போட்டி தேர்வில் தமிழ் தகுதித் தாளில் தேர்ச்சி கட்டாயம் என அரசாணை வெளியீடு.
இரட்டை தலைமை: டிச. 6: அ.தி.மு.க., ஒருங்கிணைப்பாளராக பன்னீர்செல்வம், இணை ஒருங்கிணைப்பாளராக பழனிசாமி மீண்டும் தேர்வு.
டிச. 10: சென்னை போயஸ் கார்டனில் ஜெயலலிதா வசித்த வேதா இல்ல சாவி, அவரது வாரிசுகளான தீபா, தீபக்கிடம் சென்னை உயர்நீதிமன்ற உத்தரவுப்படி ஒப்படைப்பு.
டிச. 14: டிஎன்பிஎஸ்சி குரூப் 4 தேர்வு முறைகேடு வழக்கை சிபிஐக்கு மாற்றி உயர்நீதிமன்ற மதுரைக்கிளை உத்தரவு.

டிச. 15: நைஜீரியாவில் இருந்து சென்னை வந்த ஒருவருக்கு ஒமைக்ரான் பாதிப்பு.
டிச. 15: குன்னுார் ஹெலிகாப்டர் விபத்தில் தீக்காயமடைந்த குரூப் கேப்டன் வருண் சிங் 39, பெங்களூரு ராணுவ மருத்துவமனையில் உயிரிழந்தார்.
டிச. 17: தமிழ்த்தாய் வாழ்த்து பாடலின் போது எழுந்து நிற்பது கட்டாயம் என அரசாணை.
டிச. 17: திருநெல்வேலியில் சாப்டர் சி.எஸ்.ஐ., பள்ளி கழிப்பறை சுவர் இடிந்து விழுந்ததில் மூன்று மாணவர் உயிரிழப்பு.
டிச. 18: விபத்தில் காயம் அடைந்தவருக்கு முதல் 48 மணி நேர இலவச சிகிச்சை அளிக்கும் 'இன்னுயிர் காப்போம்' மருத்துவ திட்டத்தை தமிழக அரசு துவங்கியது.
டிச. 19: இலங்கை கடற் படையால் தமிழக மீனவர்கள் 55 பேர் சிறைபிடிப்பு.
டிச. 21: முதல்வரின் மருத்துவ காப்பீடு திட்டத்தில் சேர ஆண்டு வருமான வரம்பு ரூ.1.20 லட்சமாக உயர்வு.
டிச. 23: மீண்டும் மஞ்சப்பை விழிப்புணர்வு இயக்கம் துவக்கம்.

இந்தியா
டிச. 2: பெங்களூருவில் இருவருக்கு 'ஒமைக்ரான்' வகை கொரோனா பாதிப்பு.
இரட்டை பதவி: டிச. 3: பன்னாட்டு நிதியத்தின் (IMF) தலைமை பொருளாதார நிபுணரான கீதா கோபிநாத், அதன் துணை நிர்வாக இயக்குனராகவும் நியமனம்.
தப்ப முடியாது: டிச. 5: உள்நாட்டில் தயாரான முதல் கண்காணிப்பு கப்பல் 'சந்தாயக்' இந்திய கடற்படையில் சேர்ப்பு. பிற கப்பல்கள் செல்லும் வழித்தடத்தின் ஆழத்தை அளவிடும்.
டிச. 5: நாகலாந்தில் பயங்கரவாதி என சந்தேகித்து அசாம் ரைபிள் படையினர் சுட்டதில் சுரங்க தொழிலாளர், கிராம மக்கள் 13 பேர் பலி. விசாரணைக்கு உத்தரவு.
டிச. 6: டில்லியில் பிரதமர் மோடி - ரஷ்ய அதிபர் புடின் சந்திப்பு.
டிச. 7: கோவா முன்னாள் முதல்வர் ரவி நாயக்(காங்.,), பா.ஜ., வில் சேர்ந்தார்.
டிச. 8: 'போர்ப்ஸ்' பத்திரிகையின் உலகின் சக்தி வாய்ந்த 100 பெண்கள் பட்டியலில் மத்திய நிதி அமைச்சர் நிர்மலா சீதாராமனுக்கு 37வது இடம். அமெரிக்க நாவலாசிரியர் மெக்கென்சி ஸ்காட் முதலிடம்.
விவசாயி மகிழ்ச்சி: டிச. 9: மூன்று வேளாண் சட்டம் ரத்தானதால், டில்லி எல்லையில் ஓராண்டாக விவசாயிகள் நடத்திய போராட்டம் முடிவுக்கு வந்தது. அவர்கள் சொந்த ஊர் திரும்பினர்.
டிச. 11: ஹெலிகாப்டரில் இருந்து ஏவப்படும் 'சான்ட்' பீரங்கி எதிர்ப்பு ஏவுகணையை இந்திய விமானப்படை சோதித்தது.
டிச. 18: ஒடிசாவின் பாலசோர் கடற்கரையில், அணு ஆயுதம் சுமந்து சென்று 2 ஆயிரம் கி.மீ., தொலைவில் உள்ள இலக்குகளை தாக்கும் அக்னி பிரைம் ஏவுகணை சோதனை.
டிச. 21: வாக்காளர் அடையாள அட்டை-யில் ஆதார் எண் இணைக்கும் தேர்தல் சட்ட சீர்திருத்த மசோதா பார்லிமென்டில் நிறைவேறியது.
டிச. 21: ரஷ்யாவின் 'எஸ்-400' ஏவுகணை தடுப்பு இயந்திரம் பாக்., - இந்தியாவின் பஞ்சாப் எல்லையில் நிறுவப்பட்டது. 400 கி.மீ., துாரம் வரை எதிரி ஏவுகணை, விமானத்தை வழிமறித்து அழிக்கும்.

உலகம்
டிச. 1: 'டுவிட்டர்' தலைமை செயல் அதிகாரியாக இந்தியரான பராக் அகர்வால் நியமனம்.
டிச. 5: இந்தோனேஷியாவில் உள்ள 'செமேரு' எரிமலை வெடித்ததில் 13 பேர் பலி.
டிச. 8: ஜெர்மனி பிரதமராக ஓலப் ஸ்கோல்ஸ் 63, தேர்வு.
டிச. 10: மெக்சிகோவில் அகதிகளை ஏற்றி வந்த லாரி விபத்துக்குள்ளானதில் 53 பேர் பலி.
டிச. 10: பிரிட்டனில் சிறந்த கட்டட வடிவமைப்பாளராக இந்தியாவின் பாலகிருஷ்ண தோஷி தேர்வு.
டிச. 11: அமெரிக்க அதிபரின் வெள்ளை மாளிகை அலுவலக இயக்குனராக, இந்தியாவில் பிறந்த கவுதம் ராகவன் நியமனம்.
டிச. 13: 'டைம்' இதழின் சிறந்த நபராக (2021) அமெரிக்காவின் ஸ்பேஸ் எக்ஸ் நிறுவனர் எலான் மஸ்க் தேர்வு.
காளி வழிபாடு: டிச. 17: வங்கதேசத்தின் தாகாவில் 1971 போரில் பாக்., ராணுவம் தகர்த்த காளி கோயில் புனரமைக்கப்பட்டது. இதனை இந்திய ஜனாதிபதி ராம்நாத் கோவிந்த் திறந்து வைத்தார்.
டிச. 18: சீனாவின் வயதான பெண் அலிமிஹான் செயிட்டி 135, காலமானார்.
டிச. 15: லண்டனின் யுகோவ் இணையதள ஆய்வு நிறுவனம் வெளியிட்ட உலகின் போற்றுதலுக்கு உரியோர் பட்டியலில்(2021) பிரதமர் மோடிக்கு 8வது இடம். அமெரிக்க முன்னாள் அதிபர் ஒபாமாவுக்கு முதலிடம்.
டிச. 17 : மியான்மரின் 'நகடக் பெல் ஜி கோர்லோ' விருதுக்கு பிரதமர் மோடி தேர்வு.
டிச. 17: அமெரிக்காவின் போர்ட்டோரிகோவில் நடந்த மிஸ் வேர்ல்டு' அழகி போட்டியில் பங்கேற்ற இந்தியாவின் மனாசா உட்பட 17 பேருக்கு கொரோனா பாதிப்பு. பைனல் 90 நாளுக்கு தள்ளிவைப்பு.

உயரும் கொரோனா

2020 டிச. 31
தமிழக பாதிப்பு - 8.18 லட்சம் - பலி - 12,122
இந்தியா பாதிப்பு - 1.02 கோடி - பலி 1.48 லட்சம்

2021 டிச. 30
தமிழக பாதிப்பு - 27.46 லட்சம் - பலி - 36,765
இந்தியா பாதிப்பு - 3.48 கோடி - பலி - 4.81 லட்சம்

டாப் - 4
டிச. 12: நியூயார்க் உட்பட 5 மாகாணத்தில் புயலால் 110 பேர் பலி.
டிச. 13: உலகில் 100% டிஜிட்டல் மயமான முதல் அரசானது துபாய்.
டிச. 15: ஐ.நா., உலக பாரம்பரிய நிகழ்ச்சி பட்டியலில் கோல்கட்டா துர்கா பூஜை சேர்ப்பு.
டிச. 23: தமிழகத்தில் மீண்டும் பிளாஸ்டிக்கிற்கு எதிரான மஞ்சப்பை விழிப்புணர்வு இயக்கம் துவக்கம்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X