Dinamalar

• Follow Us :
• 
• 
• 
• 
• 

• 

• 

• 

Advertisement

 

 

 

Advertisement

Advertisement

புகைப்பட ஆல்பம்

•  
• 

  ---

  உலக ரமலான் தொழுகை கவரேஜ் !
• 

  ---

  உக்ரைன் - ரஷ்ய போர் கோரம் !

Dinamalar - World's No 1 Tamil News Website

அதிகம்
படித்தவை

அதிகம் விமர்சிக்க
பட்டவை

அதிகம் ஈ-மெயில்
செய்தவை

• இன்று
• கடந்த வாரம்
• கடந்த மாதம்

• இன்று
• கடந்த வாரம்
• கடந்த மாதம்

• என்ன சொல்லப் போகிறார் மோடி?; எதிர்பார்ப்பில் தி.மு.க., கூட்டணி! மே 26,2022
• லியோனியின் ஜாதி வெறி பேச்சு; கமிஷனர் அலுவலகத்தில் புகார் மே 25,2022
• நடராஜரை கொச்சைப்படுத்தி 'வீடியோ': நடவடிக்கை எடுக்காமல் தமிழக அரசு மவுனம் மே 26,2022
• ஹிந்து கடவுள்களை இழிவுப்படுத்தும் கூட்டம்: அரசு மீது பன்னீர்செல்வம் காட்டம் மே 25,2022
• ரஷ்யா - உக்ரைன் போர்; வெற்றி யாருக்கு? பிப்ரவரி 26,2022

• இன்று
• கடந்த வாரம்
• கடந்த மாதம்

 

Advertisement

 

Colors:

எழுத்தின் அளவு:

முன்கதை சுருக்கம்: ஆராதனாவிடம் தன் அத்தையை, ராமலிங்கம் ஏமாற்றிய கதையை கூறினான், விக்ரம்

சீக்கிரம் பொழுது விடிய வேண்டும் என நினைத்து, அடிக்கடி கடிகாரத்தைப் பார்த்தாள், சுகந்தி. வேண்டுமென்றே நேரம் மெதுவாக நகருவது மாதிரி தோன்றியது. துாக்கம் வரவில்லை.
நிறைய ஸ்வீட், பழங்கள் எல்லாம் வாங்கி, இருவரும், 'டிவிஎஸ் 50ல்' ராமலிங்கத்தை பார்க்க சென்றனர். என்ன வேலை, எவ்வளவு சம்பளம் என்ற சம்பிரதாயப் பேச்சு முடிந்தது.
'உங்களை கட்டிக்கலன்னா இவ உயிரையே விட்டுடுவான்னு நினைக்கிறேன். இவ்வளவு அழுத்தமான காதல நான் பார்த்ததில்லை...' என்று சிரித்தபடி சொன்னான், முத்துராமன்.
வெட்கத்தில் தலை குனிந்தாள், சுகந்தி.
பட்டும் படாமலும் உட்கார்ந்திருந்தான், ராமலிங்கம்.
'ராமலிங்கம்... எப்ப கல்யாணத்த வச்சிக்கலாம்?'
'காபி சாப்பிட்டுட்டு பேசுவோம்...' என்றவன், 'காபி ரெடியா?' உள்ளே குரல் கொடுத்தான்.
ஒரு இளம்பெண், ட்ரேயில் மூன்று டம்ளர் காபி எடுத்து வந்து கொடுத்தாள். முத்துராமனும், சுகந்தியும் புரியாமல் பார்த்து கொண்டனர்.
'இவ சுமதி. என் சம்சாரம்...' என்று, அவன் சொன்ன மாத்திரத்தில், முத்துராமன் கையில் இருந்த காபி டம்ளர் கீழே விழுந்தது.
அதிர்ச்சியில் கண்கள் அகலமாகி உடம்பு நடுங்க ராமலிங்கத்தை பார்த்தாள், சுகந்தி.
'என்ன மன்னிச்சிடு சுகந்தி. அம்மா, உடம்பு சரியில்லைன்னு என்னை ஊருக்கு வரவழைச்சது, சுமதியை கல்யாணம் பண்ணி வைக்கதான்னு, அப்புறம் தான் தெரிஞ்சது...' அவன் வருத்தப்பட்டு சொன்ன மாதிரி தெரியவில்லை.
'அடப்பாவி... உன்ன கல்யாணம் பண்ணிக்கிறதுக்காக, நான் ஏற்பாடு பண்ணின பையனை வேண்டாம்ன்னு சொன்னாளே. அவ எங்க, நீ எங்க... உனக்கெல்லாம் எதுக்குடா காதல்... இந்த ஊர்ல இருக்கிற வரைக்கும் நீ பொழுது போக்க ஒரு பொண்ணு வேணும். அதுக்கு என் தங்கச்சிய ஏமாத்தி இருக்க.
'உன் மனசுல உண்மையான காதல் இருந்திருந்தா இவளை ஏமாத்தியிருப்பியா? வசதியான வீட்டுப் பொண்ணு கிடைச்சதும், 'மெஸ்' நடத்துற சாதாரண பெண்ணை துாக்கி எறிஞ்சிட்டேல்ல, படுபாவி. எந்த ஆம்பளையும் ஏறெடுத்துப் பார்க்காம வாழ்ந்துகிட்டு இருந்தவ மனச கெடுத்து, இப்படி அந்தரத்தில் விட்டுட்டியே. நீ உருப்படுவியா?' கோபத்தில் கத்தினான், முத்துராமன்.
வருத்தமாக கையெடுத்துக் கும்பிட்டு, 'ஐயா... எனக்கு இதெல்லாம் எதுவுமே தெரியாது... இந்த ஊருக்கு இவர் வர்றதுக்கு முன்னாலேயே எனக்கும் இவருக்கும் கல்யாணம் ஆயிடுச்சு...' என்றாள், சுமதி.
இடி விழுந்தது போல், முத்துராமனும், சுகந்தியும் அதிர்ந்தனர்.
'பொய் சொல்லி, உங்க தங்கச்சிய அவர் ஏமாத்தினது மன்னிக்கவே முடியாத தப்பு. வலுக்கட்டாயமா நான், இவரு கூட கிளம்பி வந்ததுனால, எல்லாமே வெட்ட வெளிச்சத்துக்கு வந்தது.
'உயிரை கொல்றது மட்டும் கொலை இல்லைங்க. உணர்ச்சியை கொல்றதும் கொலை தான். அந்த பொண்ணோட மனசு படற வேதனை உங்களுக்கு புரியுதா?
'அம்மா உடம்பு சரியில்லைன்னு என்னை ஊருக்கு வரவழைத்தது சுமதியை கல்யாணம் பண்ணி வைக்கதான்னு என் முன்னாடியே கூசாம சொல்றீங்களே. எவ்வளவு பெரிய பொய்... உங்களையே நினைச்சுக்கிட்டுருக்கற அந்த பொண்ணுக்கு என்ன வழி?' என்றாள், சுமதி.
'முத்துராமன் ஐயா... நீங்க தப்பா எடுத்துக்காதீங்க. சுமதி கொஞ்சம் வெகுளி. அவளுக்கு எங்கே என்ன பேசுறதுன்னே தெரியாது. நாம் வேற விஷயம் பேசிக்கிட்டிருக்கோம். இவ தேவையில்லாம எங்க கல்யாண விஷயத்தை பத்தி பேசறா...' என்றான், ராமலிங்கம்.
'உனக்கு ஏற்கனவே கல்யாணம் ஆயிடுச்சுங்கற விஷயத்தை மறைச்சது தேவை இல்லாத விஷயமா?'
'ஆத்திரப்படாம கேளுங்க... உங்க தங்கச்சியை நான் காதலிச்சது வாஸ்தவம். ஊரெல்லாம் சுத்தினோம். இல்லைன்னு சொல்லல. ஆனா, எப்பவாவது வரம்பு மீறி நடந்திருக்கேனா? தவிர, உங்களுக்கு கல்யாணம் ஆயிடுச்சான்னு உங்க தங்கச்சியும் கேக்கல. அதனால, நான் சொல்லல. இதுல எப்படி என் பேர்ல தப்பு?'
சுகந்தியின் கண்களை கண்ணீர் திரையிட்டு மறைக்க, இரண்டு கைகளாலும் அதிர்ச்சியுடன் வாயை மூடிக்கொண்டாள்.
'கொஞ்சம் கூட குற்ற உணர்ச்சி இல்லாம, பழியை இன்னொருத்தர் மேல துாக்கி போடறியே... உன்னை நானா காதலிச்சேன்; உன் கூடவா சுத்தினேன். முன்னெல்லாம் அன்பா பேசின நீயா, இப்போ ஆணவமா பேசுற? உன் குணத்தை முதல்லேயே தெரிஞ்சுக்காம போயிட்டேனே...'- மனதுக்குள் குமுறினாள், சுகந்தி.
'சுமதி... அந்த பொண்ணுக்கு என்ன வழின்னு கேக்கற... அப்படின்னா, அவளை கல்யாணம் பண்ணிக்க சொல்றியா?'
சுமதி புரியாமல் பார்க்க, முத்துராமனிடம், 'ஐயா... உங்க தங்கச்சி ரெண்டாவது பொண்டாட்டியா போறது உங்களுக்கு ஓ.கே.,யா?' என்ற ராமலிங்கம், 'சுகந்தி... நான் வேலை விஷயமா எத்தனையோ ஊருக்கு போறேன். நிறைய பேரோட பழகுறேன். எல்லாரையும் கல்யாணம் பண்ணிக்க முடியுமா?
'ஒருத்தரை காதலிச்சிட்டு இன்னொருத்தரை கல்யாணம் செஞ்சுக்கறது உலகத்துல நடக்கறது தான். நடந்ததை மறந்திடு. நானே வேணும்னா உனக்கு ஒரு நல்ல பையனா பார்க்கறேன். இல்லை... என்னை விட அழகா, உன், 'மெஸ்'சுக்கு யாராவது வராமலா போயிடுவாங்க?'
பைத்தியம் பிடித்தது போல் அழுதபடி அங்கிருந்து ஓடினாள், சுகந்தி.
'சுகந்தி...' என்று கத்தியபடி முத்துராமனும் பின்னாலேயே ஓடினான்.
'அப்பா, அத்தைக்கு என்னப்பா...' கேட்டான், விக்ரம்.
'ஒண்ணும் இல்லப்பா...'
'அப்படின்னா ஏன் என் கூட விளையாட மாட்டேங்கிறாங்க, துாங்க மாட்டேங்கிறாங்க. தனியா எங்கேயோ பார்த்துகிட்டு உட்கார்ந்து இருக்காங்க, சொல்லுப்பா...' என்றான்.
'என்னை ஏமாத்திட்டாண்ணா... என்னை ஏமாத்திட்டாண்ணா...' என்று நடு ராத்திரியில் எழுந்து கத்துவாள், சுகந்தி.
எதையாவது துாக்கி போட்டு உடைப்பாள். சாப்பிடாமல், ஒழுங்காக தலை வாராமல், சரியாக உடுத்தாமல், சமயத்தில் தனக்குத்தானே பேசிக் கொண்டாள்.
இது எல்லாமே முத்துராமனுக்கு சொல்ல முடியாத வேதனையாக இருந்தது.
'ஏம்பா, டாக்டர்கிட்ட காட்ட வேண்டியது தானே... பூசாரிகிட்ட கூட்டிட்டு போய் மந்திரிச்சு விடு...' என்று அக்கம்பக்கத்தில் இருப்பவர்கள் ஆளுக்கொரு வைத்தியமாக கூறினர்.
மிகவும் எதிர்பார்த்த விஷயம் நடக்கவில்லை என்பதால் ஏற்பட்ட திடீர் அதிர்ச்சியில், மனநிலை குழம்பி இருப்பது, முத்துராமனுக்கு மட்டுமே புரிந்தது.
வலுக்கட்டாயமாக அவளை டாக்டர் வீட்டுக்கு கூட்டிட்டு போனால் அங்கேயும், 'என்னை ஏமாத்திட்டான் ஏமாத்திட்டான்...' என்றே கத்துவாள், சுகந்தி.
எதுவுமே புரியாமல் சின்ன பையன் விக்ரம் பார்த்துக்கொண்டே இருந்தான். அழகாக இருந்த சுகந்தி நாளாக, நாளாக இளைத்துக் கொண்டே வந்தாள். அத்தையை அப்படி பார்த்ததில் விக்ரமுக்கு அழுகை வந்தது.
'மதுரையிலே எனக்கு தெரிஞ்ச மன நல மருத்துவர் இருக்கார். அவர் கிட்ட கூட்டிட்டு போங்க. 10 நாள் தங்கி பார்த்துட்டு வாங்க...' என தெரிந்த டாக்டர் ஒருவர், முத்துராமனுக்கு கடிதம் கொடுத்தார்.
'மெஸ்' பையனை சுகந்திக்கு துணையாக வைத்துவிட்டு, விக்ரமுடன் மதுரைக்கு டிக்கெட் வாங்க கிளம்பினான், முத்துராமன்.
வாசலுக்கு வந்தபோது வண்டி சாவியை மறந்ததால் எடுத்துவர உள்ளே போனான். உள்ளே, எந்த அசைவுமின்றி சுகந்தி அமைதியாக படுத்திருந்தாள். அருகில் சென்று பார்த்தான்.
மதுரைக்கு டிக்கெட் வாங்க வேண்டிய அவசியம் இல்லாமல் போனது; இறந்து போயிருந்தாள், சுகந்தி.
- தொடரும்.
கோபு பாபு

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

My Page

Login :

Log in

Forgot password ?

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.