பிறர் நலன்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

29 ஜன
2022
00:00

கோவில் வாசலில், பிச்சை எடுத்தவன், அங்கு வந்த மகானிடம், 'என் வாழ்க்கை கடைசி வரை இப்படி தான் இருக்குமா...' என கவலையுடன் கேட்டான். 'அது தலையில் எழுதிய விதி; இப்படி தான் இருக்கும்...''தலை விதியை மாற்ற என்ன செய்ய வேண்டும்...' 'கடவுளைப்----- ---------------------பார்த்தால் மாற வாய்ப்பு உண்டு...' கடவுளை தேடிப் புறப்பட்டான், பிச்சைக்காரன். வெகுநேரம் நடந்து களைப்படைந்தவன், செல்வந்தர் வீட்டின் கதவை தட்டி, 'ஐயா... இரவு தங்க அனுமதிக்க வேண்டும்...' என்றான்.'நீ எங்கு செல்கிறாய்...' எனக் கேட்டார் செல்வந்தர்.விஷயத்தை சொன்னான். உடனே செல்வந்தர், 'என் மகள் பிறவியிலே வாய்பேச முடியாதவள்... எப்போது பேச்சு வரும் என்பதை கடவுளிடம் கேட்டு வருவாயா...' என்றார். சம்மதித்து, அங்கு ஓய்வு எடுத்தான்.மறுநாள் ஒரு மலை அடிவாரத்துக்கு வந்தான். அதை கடக்க வழி தெரியாமல் தவித்தவன், அங்கு வந்த மந்திரவாதியிடம் உதவி கேட்டான். 'மந்திரக்கோலால் மலையை கடக்க வைக்கிறேன்; பிரதிபலனாக ஓர் உதவி செய்வாயா...' எனக் கேட்டார் மந்திரவாதி. 'என்ன வேண்டும்...' 'கடும் தவம் செய்தும், 500 ஆண்டுகளாக முக்தி அடையாமல் உள்ளேன்; முக்திக்கான வழியை கடவுளிடம் கேட்டு சொல்...' என்றார். சம்மதித்து மலையை கடந்தான். குறுக்கே ஆறு பாய்ந்தது. அதை கடக்க உதவிய ஆமை, பறக்கும் சக்தியை கடவுளிடம் வாங்கித் தரக் கேட்டது. சம்மதித்து நடந்தவன் கடவுளைக் கண்டான்.அவனிடம், 'மூன்றே கேள்வியில் வேண்டிய வரத்தைக் கேள்...' என்றார் கடவுள். 'நான்கு கேள்விகள் இருக்கிறதே' என திணறியவன் பின் தீர்க்கமாக, 'பிச்சை எடுத்து என் காலத்தை ஓட்டி விடலாம்; அந்த, மூன்று பேரின் பிரச்னையாவது தீரட்டும்' என, மூவருக்கும் பதில் பெற்று திரும்பியவனிடம், 'என்ன சொன்னார் கடவுள்...' எனக் கேட்டது ஆமை.'முதுகில் உள்ள ஓட்டை கழட்டி எறிந்தால், பறக்கும் சக்தி வருமாம்...' உடனே, அதை கழட்டி கொடுத்து பறந்தது ஆமை.அந்த ஓட்டில், பவளமும், விலை உயர்ந்த முத்துக்களும் இருந்தன. அதை பத்திரப்படுத்தி புறப்பட்டான்.மந்திரவாதியிடம், 'மந்திரக்கோலை கை விட்டால் முக்தி கிடைக்குமாம்...' என்றான். அதன்படி, முக்தி அடைந்தார் மந்திரவாதி. செல்வந்தரிடம், 'மனதிற்கு பிடித்தவனை உங்கள் மகள் பார்க்கும் அன்று பேசுவாள்...' என்றான். அப்போது, மாடியில் இருந்து இறங்கிய செல்வந்தரின் மகள், 'அப்பா... இவர் தானே, அன்று இரவு தங்கியது...' என கேட்டாள்.மகிழ்ந்த செல்வந்தர், வரம் வாங்கி வந்தவனுக்கு மகளை மண முடித்தார். செல்வங்களே... பிறர் நலன் பேண முழுமனதுடன் வேண்டினால், துயரங்கள் மறையும்.●●●
ஜோ.ஜெயக்குமார்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X