கவிதைச்சோலை!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

08 மே
2022
08:00

சொல்லுதாயி என செல்லத்தாயி!

மே 8, அன்னையர் தினம்

அம்மா
உன் முந்தானை பிடிச்சு முகம் துடைச்சதுல
முல்லைப்பூவின் வாசம் மறந்து போச்சு
நீ ஊட்டி விட்ட கைப்பிடி சோறுல
கவலையெல்லாம் காத்தா பறந்து போச்சு!

உன் விரலு பிடிச்சு நடை படிச்சதுல
உச்சி வானம் மெய்மறந்து போச்சு
நீ பூமியில நட்டு வச்ச நாத்து வாசத்துல
சத்தியமா சாமி கூட சரணடைஞ்சு போச்சு!

உன் பாதம் பட்ட வாசல் முற்றத்துல
வானம் கூட வேதம் படிக்குமே தாயி...
நீ நின்னு நிமிர்ந்து நடந்தா நிலவிளக்கு
தானும் கண்ணு பட்டுப்போகுமே தாயி!

பட்ட மரம் எட்டப் பார்த்தாலே
படபடத்துப் போவாயே எந்தாயி
பட்டினி வயிறு பார்த்தா படுத்துறங்க
ஒம் பார்வைக்கு பலமேது தாயி!

ஓங்கண்ணுக்குள்ள கருவிழியா
நான் காட்சி தரணும் எந்தாயி
எந்த பகவானுக்கு படையல் போடணும்ன்னு
சொல்லு தாயி... என் செல்லத்தாயி!

உன் தோளு மேல துாங்கி எழுந்ததில
துாளி ஆட்டமும் தோத்துப் போச்சு
நீ விதைச்சு விட்ட வித்துல விருட்சமும்
வெள்ளிக்காசா விளைஞ்சிருச்சு!

ஒம் புன்னகை பார்த்து பூவானம் சிவக்கும்
மண்ணிற்கும் மரமிற்கும் ஓங்குணமிருக்கும்
நீ அம்மி அரச்சா வாசம் ஆகாசத்த துாக்கும்
உன் அன்ப நினைச்சா
பாண்டவர் பாசம் தோக்கும்!

உன் சேல தொட்டிலில் ஒருவேளை துாங்க
எமன் கூட ஏங்கி கிடப்பான் தாயி
நீ தொட்டில் கட்டி தாலாட்டு பாடினா
தமிழ் கடவுளும்
வந்து நிப்பான் தாயி!

பொம்மைகள் புதையுண்டாலே
பொங்கி அழுவாயே எந்தாயி
உன் பிள்ளை பிரிஞ்சா ஓங்கண்ணீரு
ஓடி நிற்க உலகத்தில இடமேது தாயி!

உன் கல்லறையிலும் நான்
கருவா உருத்தரிக்கணும் எந்தாயி
எந்த கடவுளிடம் கையேந்தணும்ன்னு
சொல்லு தாயி... என் செல்லத்தாயி!

அ. ரேவந்த், எர்ணாகுளம், கேரளா.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X