படிப்பதற்காகவே வாழும் சங்கரிபுத்திரன்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

29 மே
2022
08:00

இயற்பெயர், சுப்பிரமணியன். ஆனால், சங்கரிபுத்திரன் என்றால் தான் பலருக்கும் தெரியும். காரணம், இந்தப் பெயரில் தான் கடந்த, 50 ஆண்டுகளுக்கும் மேலாக கலை, இலக்கியம், ஆன்மிகம் தொடர்பாக பல பத்திரிகைகளில் துணுக்குகளை எழுதி வருகிறார். இவரது அம்மா பெயர் சங்கரி. அவர் மீதான அபிமானம் காரணமாக, சங்கரிபுத்திரனாகி விட்டார்.
வயது: 90. இவரது வீட்டில் உட்காருவதற்கும், துாங்குவதற்கும் தவிர, மற்ற இடங்களில் புத்தகங்களே நிறைந்துள்ளன. ஓய்வுபெற்ற மின் வாரிய ஊழியரான இவர், பென்ஷன் பணத்தின் பெரும்பகுதியை புத்தகம் மற்றும் நாளிதழ் வாங்கவே செலவு செய்கிறார்.

கதை, கட்டுரைகள் மற்றும் ஆன்மிகம் தொடர்பான தமிழ் மற்றும் ஆங்கிலத்தில் வெளியான பல புத்தகங்களை வாங்கி வைத்துள்ளார். இவரிடம் உள்ள சில புத்தகங்கள், நுாறு வயதைக் கடந்த அபூர்வமானவை.
நாளிதழ் மற்றும் பருவ இதழ்களில் வந்த செய்திகளை கிழித்து சேகரித்து வைத்துள்ளார். ஒரு விஷயத்தை கேட்டால், அது தொடர்பான புத்தகத்தையோ, நாளிதழில் வந்த குறிப்பையோ எடுத்து தருகிறார்.
புதுக்கோட்டை அருகில் உள்ள ஆற்றங்குடியை சேர்ந்தவர். 10 வயதாக இருக்கும்போது, அங்கு வந்த காஞ்சி மகா பெரியவர், துறு துறுவென இருந்த இவரை அருகில் அழைத்து, 'இதை சத்தம் போட்டு படி...' என்று பத்திரிகையில் வந்த ஆன்மிக கட்டுரை ஒன்றைக் கொடுத்துள்ளார்.
அவரும் சத்தமாக படிக்க, 'அருமை...' என்று பாராட்டிய பெரியவர், 'உனக்கு, மடத்திலிருந்து மாதா மாதம் ஒரு புத்தகம் வரும். அதை இதேபோல சத்தம் போட்டு, இந்த கிராமத்தில் உள்ள படிக்கத் தெரியாதவர்களின் வீடுகளுக்கு போய் படித்துக் காட்ட வேண்டும்...' என்று கேட்டுக் கொண்டாராம்.
கிராமத்தில் இருந்தவரை, பெரியவர் கட்டளையை நிறைவேற்றினார். அப்போது ஏற்பட்ட இந்த பழக்கம் தான், இப்போது வரை தொடர்கிறது. சென்னை வந்தபின், மின் வாரியத்தில் வேலை செய்யும்போது, சர்குலேஷன் லைப்ரரி நடத்தி, பலருக்கும் படிக்கும் பழக்கத்தை ஏற்படுத்தியுள்ளார்.
அலுவலக வேலை முடிந்ததும், சமய சொற்பொழிவு நடக்கும் இடத்திற்கு சென்று விடுவார். ஒருமுறை நண்பர் சீனிவாசனின் துாண்டுதலில், தான் கேட்டு ரசித்த சொற்பொழிவின் ஒரு பகுதியை, பத்திரிகைக்கு துணுக்காக எழுதி அனுப்பினார். அது வெளியாகவே, அது முதல் துணுக்கு எழுத்தாளரானார்.
பல பத்திரிகைகளில் இவரது துணுக்குகள் வெளியாகியுள்ளன.
90 சமயச் சொற்பொழிவாளர் மற்றும் 40 இசைக் கலைஞர்களை இவர் பேட்டி எடுத்து எழுதிய தொடர், மிகவும் வரவேற்பை பெற்றது; பின்னாளில் இது புத்தகமாகவும் வந்தது. 'இலக்கிய தேனீ, துணுக்கு சக்கரவர்த்தி' என்ற பட்டங்களை பெற்றுள்ளார்.
வயது முதிர்வு காரணமாக, கால், காது மற்றும் கண்கள் பாதிக்கப்பட்டுள்ளன.
கண் டாக்டரை பார்த்தபோது, 'சிறு அறுவை சிகிச்சை செய்து கொண்டால் போதும் சிரமமின்றி படிக்கலாம்...' என்று கூறியுள்ளார்.
'வாழும் வரை வாசிக்க வேண்டும். அந்துமணியின், பார்த்தது, கேட்டது, படித்தது, 10 தொகுதிகளையும் படிக்க வேண்டும். இதைத் தவிர வேறு ஆசை எதுவும் இல்லை...' என்று சொல்லி முடித்தார், சங்கரிபுத்திரன்.

எல். முருகராஜ்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rama Lingam - chennai,இந்தியா
01-ஜூன்-202211:38:10 IST Report Abuse
Rama Lingam /////
Rate this:
Cancel
Rama Lingam - chennai,இந்தியா
01-ஜூன்-202211:37:06 IST Report Abuse
Rama Lingam /////
Rate this:
Cancel
Natarajan Ramanathan - தேவகோட்டை,இந்தியா
30-மே-202212:34:18 IST Report Abuse
Natarajan Ramanathan எல்லாம் சரி...
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X