எலிசபெத் பிரை!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

28 மே
2022
08:00

'தண்டனை கொடுப்பதால் மட்டும் குற்றவாளியை திருத்த முடியாது; அன்பும் கருணையான அணுகுமுறையால் கடின உள்ளத்தையும் வெல்லலாம்' என நிரூபித்தவர் எலிசபெத் பிரை.
ஐரோப்பிய நாடான இங்கிலாந்து, நார்விச், எர்ல்ஹாமில், மே 21, 178௦ல் பிறந்தார். இவரது தந்தை, ஜான் கெர்னி பொது சேவைகளில் ஈடுபட்டு வந்தார். அவர் போல, எலிசபெத்துக்கும் சேவை செய்ய ஆர்வம் ஏற்பட்டது. ஏழை எளியவர்களுக்காக, ஒரு பள்ளியை துவங்கி இலவசமாக நடத்தி வந்தார்.

வங்கி அதிபரை திருமணம் செய்து, லண்டனுக்கு குடிபெயர்ந்தார்; அங்கும், ஏழை எளிய மக்களுக்கு உதவியை தொடர்ந்தார். ஒருநாள் லண்டன் சிறைச்சாலைக்கு செல்ல வாய்ப்பு கிடைத்தது. அங்கு பெண் கைதிகளில் சிலர், குழந்தைகளுடன் இருந்ததைக் கண்டார். மிகுந்த பரிவுடன் அந்த குழந்தைகளை நலம் விசாரித்தார்.
எலிசபெத்தின் அன்பால் ஈர்க்கப்பட்ட கைதிகள், குழந்தைகளுக்கு நல்ல வாழ்க்கை அமைத்து தர கண்ணீர் மல்க வேண்டினர். இதையடுத்து, சிறைச்சாலை சூழலை மாற்ற திட்டமிட்டார் எலிசபெத். கைதிகளை மனிதாபிமானத்துடன் நடத்துவதற்கான முயற்சிகளை மேற்கொண்டார்.
சிறையில் குழந்தைகளுக்காக பள்ளி ஒன்று துவங்கப்பட்டது.
சிறையில் பெண் கைதிகளுக்காகவும் ஒரு பள்ளியை துவங்கினார். அங்கு வழக்கமான கல்வி மட்டுமின்றி, தொழிற் பயிற்சி வழங்கவும் நடவடிக்கை எடுத்தார். பயனுள்ள வகையில், பெண் கைதிகள் நேரத்தை செலவிட வழிவகை செய்தார்.
கைதிகளின், கை, கால்களில் விலங்கு பூட்டும், கொடிய பழக்கத்தை அடியோடு ஒழிக்க முயற்சிகள் எடுத்தார். அதற்காக, பெண் கைதிகள் முன்னேற்றக் கழகம் என்ற அமைப்பை நிறுவினார். அதன் மூலம், 'சிறையில் பெண்கள் எவ்வாறு நடத்தப்பட வேண்டும்; என்ன விதமான வசதிகள் செய்து கொடுக்க வேண்டும்' என, அரசுக்கு பரிந்துரைகளை அனுப்பினார்.
சிறை தண்டனை முடிந்து விடுதலையாகும் பெண்கள், எதிர்காலத்தை சிறப்பாக அமைத்துக்கொள்ள தொழில், வேலை வாய்ப்பை உருவாக்கினார் எலிசபெத்.
பெண் கைதிகளை நாடு கடத்தும், கொடிய தண்டனையை ரத்து செய்ய முயற்சி மேற்கொண்டு அதில் வெற்றியும் அடைந்தார்.
ஐரோப்பிய நாடுகளான ஜெர்மனி, பிரான்ஸ், ஹாலந்து, டென்மார்க் ஆகியவை, சிறைச்சாலையில் சீர்த்திருத்தம் செய்ய அவரிடம் ஆலோசனை கேட்டன. அங்கும் கைதிகள் நலனுக்கு சிறப்பு திட்டங்களை வகுத்து கொடுத்தார்.
அவரது மகத்தான சேவையைப் பாராட்டி, இங்கிலாந்து ராணி விக்டோரியா, மதிப்புமிகு பட்டம் வழங்க முன்வந்தார். மிகவும் தன்னடக்கத்துடன், 'தன்னலமற்ற தொண்டுக்கு பரிசு பெற விரும்பவில்லை' என, மறுத்து விட்டார்.
கைதிகள் நலனுக்காக வாழ்நாளை செலவிட்ட எலிசபெத் அக்., 12, 1845ல், தன் ௬௫ம் வயதில் மரணம் அடைந்தார். அவர் புகழ் நிலைத்துள்ளது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X