கர்ணம் மல்லேஸ்வரி!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

25 ஜூன்
2022
08:00

ஒலிம்பிக் பளு துாக்கும் போட்டியில் பதக்கம் வென்ற, முதல் இந்திய பெண், கர்ணம் மல்லேஸ்வரி. ஆந்திர மாநிலம், ஸ்ரீகாகுளத்தில் ஜூன் 1, 1975ல் நடுத்தர குடும்பத்தில் பிறந்தார். விளையாட்டு ஆர்வம் மிகுதியால் கடும் பயிற்சிகள் மேற்கொண்டார். அவரது தாய், அதற்கு ஊக்கம் அளித்தார்.
சிறுமியாக இருந்த போதே, நீண்ட துாரம் பயணம் செய்து பயிற்சிகள் மேற்கொண்டார். தென்கிழக்கு ஆசிய நாடான தாய்லாந்தில், 1992ல் நடந்த, ஆசிய சாம்பியன்ஷிப் போட்டியில் பங்கேற்று வெள்ளி பதக்கம் வென்றார்.

மத்திய கிழக்கு நாடான துருக்கியில், 1994ல் நடந்த உலக பளு துாக்கும் சாம்பியன்ஷிப் போட்டியில், இரண்டு தங்க பதக்கங்களும், ஒரு வெண்கல பதக்கமும் பெற்றார். பளு துாக்குவதில், 113 கிலோ எடை பிரிவில் உலக அளவில் புதிய சாதனையும் படைத்தார்.
கிழக்காசிய நாடான தென் கொரியாவில் நடந்த ஆசிய சாம்பியன்ஷிப் போட்டியில், மூன்று தங்க பதக்கங்கள் பெற்றார்; பின், ராஜிவ்காந்தி கேல் ரத்னா விருதை வென்றார்.
இந்திய அரசு, 1997ல் பத்மஸ்ரீ விருது வழங்கி கவுரவித்தது.
திருமணத்துக்கு பின், ஹரியானா மாநிலம், யமுனை நகருக்கு குடிபெயர்ந்தவர், குடும்ப வாழ்க்கையில் ஈடுபட்டுவந்தார். பளு துாக்கும் பயிற்சியையும் அவர் கைவிடவில்லை.
தாய்லாந்து, பாங்காக் நகரில், 1998ல் நடந்த ஆசிய விளையாட்டுப் போட்டியில் பங்கேற்று வெள்ளி பதக்கம் வென்றார்.
ஆஸ்திரேலியா, சிட்னி நகரில், 2000ல் நடந்த ஒலிம்பிக் போட்டியில் பதக்கம் வென்று சாதனை படைத்தார். பளு துாக்கும் போட்டியில் ஒலிம்பிக் பதக்கம் பெற்ற முதல் இந்திய பெண் என்ற பெருமை பெற்றார்.
இந்திய சமூகத்தில் பெண்களுக்கு நிலவும் சம்பிரதாய பழக்க வழக்கங்களை உடைத்தவர் மல்லேஸ்வரி. பத்தாண்டு விளையாட்டு வாழ்க்கையில், 11 தங்கப் பதக்கம், மூன்று வெள்ளி பதக்கம், ஒலிம்பிக்கில் வெண்கல பதக்கம் வென்று சாதித்துள்ளார்.
கடின உழைப்பும், விடாமுயற்சியும் புகழ் உச்சியை அடைய உதவும் என்பதை, அவரது வாழ்க்கை நிரூபித்துள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X