இது உங்கள் இடம்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

03 ஜூலை
2022
08:00

கமிஷனுக்கு ஆசைப்பட்டு இப்படி செய்யலாமா?
உறவினர் ஒருவர், தனக்கு சொந்தமான இடத்தை பல லட்ச ரூபாய்க்கு விற்றார். அச்சமயம், உறவினர் வீட்டிற்கு, கார் ஷோரூம் ஒன்றின் ஊழியர்கள் சிலர் வந்து, 'சார், கார் வாங்கற ஐடியா இருக்கிறதா...' என, கேட்டனர்.
'இப்போது, ஐடியா எதுவும் இல்லை...' என்றதும், விசிட்டிங் கார்டு மற்றும் கார் குறித்த தகவல்கள் அடங்கிய புத்தகம் ஒன்றை தந்து, புறப்பட்டனர்.

'நம்மிடம் பணம் இருப்பது, இவர்களுக்கு எப்படி தெரிந்தது...' என்ற யோசனை வரவே, 'நாங்கள், நிலம் விற்றது உங்களுக்கு எப்படி தெரியும்...' எனக் கேட்டோம்.
'எங்கள் மேனேஜர் தான், உங்களை போய் பார்க்கச் சொன்னார். வேறு எதுவும் எங்களுக்கு தெரியாது...' என்றனர்.
'நிலம் விற்று, பணம் வைத்திருப்பதாக யாரிடமாவது கூறினீர்களா?' என, உறவினரிடம் கேட்டதற்கு, 'இல்லை...' என்றார்.
பிறகு, அந்த கார் ஷோரூம் நிர்வாகிக்கு போன் செய்து, விபரம் கேட்டோம். முதலில் கூற மறுத்தவர், பிறகு, 'பத்திரம் பதிவு செய்யும் இடத்தில் உள்ள நபர் ஒருவர், முகவரி, போன் எண், பண விபரம் போன்றவைகளை தந்தார். இதுபோன்று நிறைய பேருடைய விபரங்களை எங்களுக்கு கூறுவதை, அவர் வாடிக்கையாகக் கொண்டுள்ளார். இதற்காக, அவருக்கு கமிஷன் கிடைக்கும்...' என்றார்.
அதிர்ச்சியடைந்த நாங்கள், அந்த நபரை பற்றி விபரம் கேட்டு, அங்கு விரைந்தோம்.
'இப்படி, கமிஷனுக்காக, பண விபரம், முகவரி, போன் எண் தருவது சரியா? இதை திருடர்களுக்கு தர மாட்டீர்கள் என்பதற்கு என்ன உத்தரவாதம். இது போன்ற வேலையை இத்தோடு நிறுத்தி கொள்ளுங்கள்...' என, அந்த நபரை எச்சரித்து விட்டு வந்தோம்.
இப்படி பணம் வைத்திருக்கும் தகவலை அம்பலப்படுத்துவதால், திருட்டு நடக்கவும், உயிர் சேதம் ஏற்படவும், அதிக வாய்ப்பு இருக்கிறது. லஞ்சத்திற்கும், கமிஷனுக்கும் அடிமையானவர்கள் ஒரு போதும் திருந்த மாட்டார்கள். ஆகவே, நம் பண பரிமாற்றங்கள், பிறருக்கு தெரிகிற பட்சத்தில், அதை தகுந்த பாதுகாப்புடன் வைத்துக் கொள்வது நல்லது.
மகேஷ் அப்பாசுவாமி,
பனங்கொட்டான் விளை,
கன்னியாகுமரி.


'லஞ்சம் வாங்கினால் ஆயுசு குறையும்!'
எங்களுடன் காலையில் நடைப்பயிற்சிக்கு வரும் ஒருவருக்கு, 80 வயதுக்கு மேல் இருக்கும். ஒல்லியான தேகம். விடு விடுவென நடப்பார். அவருடன் போட்டி போட்டு, எங்களால் நடக்க முடியாது.
ஒருநாள், அவருடைய ஆரோக்கியத்தின் ரகசியம் குறித்து கேட்டேன்.
'நான் அஞ்சல் நிலையத்தில் நேர்மையாக வேலை பார்த்ததன் காரணமாக, மக்களின் வயிற்றெரிச்சலை கொட்டிக் கொள்ளவில்லை. இதனால், உடல் ஆரோக்கியத்துடனும், மகிழ்ச்சியான மன நிலையிலும், பணி ஓய்வு பெற்று, குழந்தைகளை நல்ல இடங்களில் மண முடித்துக் கொடுத்து, நிறைவான வாழ்க்கை வாழ்கிறேன்.
'ஊரை அடித்து உலையில் போடும் அரசு ஊழியர்கள் பலர், ஓய்வுக்கு முன்போ அல்லது ஓய்வு பெற்ற ஓரிரு ஆண்டுகளிலோ அல்பாயுசில் இறந்து விடுகின்றனர். குடும்பத்தில் அமைதி இல்லாமல், நோய் நொடியால் அவதிப்படுகின்றனர். அதற்கு, அவர்களின் பணிக்காலத்தில் செய்த பாவமே காரணம்...' என்றார்.
இவர் சொல்வதிலும் அர்த்தம் உள்ளது என்று நினைத்துக் கொண்டேன். உடல் நலத்துடன் நிம்மதியாக வாழ வேண்டுமா, லஞ்சம் வாங்காதீர்!
— வெ. ஆசைத்தம்பி, தஞ்சாவூர்.

கைத்தொழில் வாழ வைக்கும்!
சில மாதங்களுக்கு முன், என் உறவினரின் மனைவியுடன் பேசும்போது, 'கூலி வேலைக்கு போகும் கணவரின் வருமானம், குடும்ப செலவுகளுக்கு போதவில்லை. போதாக்குறைக்கு, மகள் திருமணத்திற்காக வாங்கிய கடன் வேறு, குடும்ப நிம்மதியைக் குலைத்து, மன உளைச்சலோடு வாழ்கிறோம்...' என, கண் கலங்கினார்.
'நம் கை, கால்களை மிஞ்சிய மூலதனமோ, சொத்தோ, இந்த உலகத்தில் வேறு எதுவுமே இல்லை. நம்பிக்கையை கைவிட வேண்டாம்...' என்று தைரியம் அளித்து, கூடுதல் வருமானத்திற்கு உதவக்கூடிய, ஒரு மாற்று யோசனையை செய்யுமாறு ஆலோசனை கூறினேன்.
சமீபத்தில், அவரை சந்தித்தபோது, மிகவும் மகிழ்ச்சியாக இருந்தார்.
'எனக்கு, நன்றாக கொழுக்கட்டை செய்யத் தெரியும் என்பதால், அவற்றை தயார் செய்து, டவுனில் உள்ள தேனீர் கடை, ஹோட்டல், பேக்கரி மற்றும் ஸ்வீட் ஸ்டால்களில் விற்பனைக்கு தர ஆரம்பித்தேன்.
'வீட்டு முறையில் தயாரிக்கப்பட்டவை என்பதால், பலரும் விரும்பி வாங்குகின்றனர்; வீட்டிற்கும் வாங்கிச் செல்கின்றனர். இதனால், விற்பனை அதிகரிக்கவே, துவக்கத்தில் தனியாக மட்டும் தயாரித்த கொழுக்கட்டைகளை, இப்போது உதவிக்கு சில பெண்களை வேலைக்கு வைத்து தயாரிக்கிறேன்.
'எதிர்பார்த்ததை விட அதிக வருமானம் கிடைக்கிறது. சில பெண்களின் குடும்ப வருமானத்திற்கும் உதவியாக இருந்து, எங்களை வாழ வைத்துக் கொண்டிருக்கிறது...' என்று, தன் மகிழ்ச்சியை பகிர்ந்து கொண்டார்.
'கைத்தொழில் ஒன்றைக் கற்றுக்கொள்; கவலை உனக்கில்லை ஒத்துக்கொள்' என்று, சும்மாவா சொன்னார்கள்.
எஸ். அலமேலு, கள்ளக்குறிச்சி.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Lakshmi Sree N - Chennai,இந்தியா
04-ஜூலை-202217:43:14 IST Report Abuse
Lakshmi Sree N சில தினங்களுக்கு முன் எனக்கு கண்ணில் எரிச்சல் ஏற்பட்டதால், அருகில் உள்ள eye கிளினிக்கிற்கு, நானும் என் கணவரும் சென்றிருந்தோம்.அங்கே முன்னரே சிலர் காத்திருந்தனர் . வெளியில், pharmacy மற்றும் நோயாளிகள் வருகை, இரண்டையுமே ஒரு நடுத்தர வயது பெண் கையாண்டு கொண்டிருந்தார். எங்களை காத்திருக்குமாறு கூறியதும் வெளியில் நின்றிருந்தோம். சிறிது நேரம் கழித்து என்னுடைய முறை எப்போது? என்று கேட்க சென்ற போது.. இன்னும் ஒருவர் இருப்பதாக சொன்ன அவர்.. இங்கே எப்பவும் BP ,Pulse check பண்ணிட்டு தான் டாக்டர் கிட்ட அனுப்புவோம். செக் பண்ணிக்கோங்க என்றார்."சரி" என்றதும் , ஆள்காட்டி விரலில் pulse oximeter ஐ வைத்து பார்த்துவிட்டு ..."பல்ஸ் கம்மியா இருக்கே" என்றதும் ..எனக்கு கவலை ஆகிவிட்டது. வெளியில் வந்து கணவரிடம் சொன்னதும்...அவரும் கவலையடைந்தார்.ஒரு பத்து நிமிடம் வரை "ஐயோ போச்சு" என்கிற ரீதியில் நான் புலம்பிக்கொண்டிருந்தேன். என் கணவரோ .."அதெல்லாம் ஒன்னும் இருக்காது" என்று என்னை தேற்றிக்கொண்டிருந்தார் . அதற்குள் என் முறை வந்துவிட்டது. உள்ளே சென்றதும் டாக்டர் , கண்ணை பரிசோதித்து விட்டு , தூசி ஏதாவது பட்டு இதுபோல infection ஆகி இருக்கும் ..என்று சொல்லி மருந்துகள் எழுதிக்கொடுத்தார். பின் ,நானாகவே மனசு தாங்காமல் ,டாக்டர் வெளியில் pulse குறைவாக இருப்பதாக சொன்னார்கள். ஏதாவது problem இருக்குமா ? என்று கேட்டேன். "அப்படியா? என்ன வயது உங்களுக்கு? ( எனக்கு 28) அதற்குள் பல்ஸ் குறைவாக உள்ளதா? படபடப்பு இருக்கிறதா? (நான் இல்லை என்று மண்டையை ஆட்டினேன் ) எதற்கும் இதை செக் செய்துகொள்ள வேண்டும் " என்று அவர் பங்குக்கு ஒரு குண்டை தூக்கி போட்டார். மீண்டும் மீண்டும் அதை பற்றி கேட்டதில்.. சிலருக்கு எப்போதுமே குறைவான பல்ஸ் காட்டுவதற்கு வாய்ப்பிருக்கிறது .ரொம்பவும் கவலைப்பட வேண்டியடதில்லை என்றார். வெளியே வந்து மருந்துகளும் வாங்கியாயிற்று. ஆனாலும் கவலை. என் கணவரிடம் புலம்பினேன். அவர்.. "அப்படி இருக்க வாய்ப்பே இல்லை. எதற்கும் இன்னொரு முறை செக் செய்து பார் " என்றார். நானே மறுபடியும் போய் ,ரீடிங் எடுக்க சொன்னேன். இப்பொழுது பார்த்தால் ..சரியாக இருந்தது. "இப்போ சரியா இருக்கே" என்றார் அந்த அம்மா. அப்போது தான் நிம்மதியாக இருந்தது. உடனே அந்த அம்மா ,"bp யும் பாத்திருங்க" என்று அதையும் பார்த்து நார்மல் என்றதும் தான் ...விட்டா போதும் டா சாமி என்று கிளம்பி வந்து சேர்ந்தோம். கொரோனா காலத்தில் ஒட்டு மொத்தமாக எல்லோரும் oximeter களை வாங்கியதால் இது போன்ற தரம் குறைந்த மெஷின்கள் தயாரிக்க பட்டிருக்கலாம். மருத்துவமனைகள் இது போன்ற விஷயங்களில் கவனம் செலுத்துவது நல்லது. லக்ஷ்மி ஸ்ரீ - சென்னை
Rate this:
Cancel
D.Ambujavalli - Bengaluru,இந்தியா
03-ஜூலை-202222:27:29 IST Report Abuse
D.Ambujavalli பல அரசியல்வாதிகளும், லஞ்ச அதிகாரிகளும் நகைக்கும் ஒலி கேட்கிறது அடுத்தவேளை சாப்பாட்டுக்கில்லாமல் வந்தவர் குடும்பம் நாட்டில் முதன்மை பணக்கார வரிசையில் இருப்பதும், மூன்றாம் தலைமுறை வரை அரசோச்சி, நாலாம் தலை முறையும் தயாராகி இருப்பதையும் பார்த்து, அவர்கள் அடிக்காத கமிஷனா, வாங்காத கட்டிங், லஞ்சமா அவர்களே இவ்வளவு விமரிசையாக வாழும்போது, 'லஞ்சம் தவிர, நெஞ்சம் நிமிர்' என்பவர்களை எண்ணி நகைப்பார்கள்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X