புலி வருது, புலி வருது!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

03 ஜூலை
2022
08:00

தன் மனைவியுடன், திருத்தல யாத்திரை செய்தபடி வந்து கொண்டிருந்தார், கவுதம முனிவர். மதுரையில், சொக்கநாதரையும், அன்னை மீனாட்சியையும் தரிசித்த பின், திருவாதவூர் நோக்கி நடந்தார். திருவாதவூரை நெருங்கும் நேரத்தில், எதிரே ஓடி வந்தது, ஒரு புலி.
அதன் முன்னங்கால் ஒன்றில், முள் தைத்து, ரத்தம் ஒழுகியும், வலி தாங்காமல் துடித்தபடியும் வந்து கொண்டிருந்தது. புலியின் நிலை கண்டு கலங்கினார், முனிவர்.

'இந்த ஜீவன், இந்தப்பாடு படுகிறதே... வாதவூர் இறைவா, என்ன சோதனை இது?' என்று இரங்கி வேண்டினார்.
அதே சமயம், முனிவரின் பார்வை பட்ட புலி, வேதனை நீங்கி, கீழே விழுந்தது. அதன் உடலில் இருந்து ஓர் ஒளி வெளிப்பட்டு, கந்தர்வனாக மாறியது. ஆகாயத்தில் இருந்து அப்போது ஒரு விமானம் இறங்க, அதில் ஏறிய கந்தர்வன், முனிவரை நோக்கிக் கும்பிட்டான்.
முனிவர் வியந்து, 'யாரப்பா நீ?' எனக் கேட்டார்.
கந்தர்வன் தன் வரலாற்றைச் சொன்னான்:
இந்திர சபையில், சித்திரசேனன் என்பவன் இருந்தான். அனைவரையும் மயக்கும் இசைக்கலையில் தேர்ச்சி பெற்றிருந்தான். அதனால், இறுமாப்பு கொண்டிருந்தான்.
ஒருநாள்... இந்திர சபையில், சித்திரசேனன் பெருமிதத்தோடு இருந்தபோது, அங்கு வந்தார், நாரதர்.
நாரதரின் பெருமையும், மகிமையும் அறியாத சித்திரசேனன், தாடி, மீசை, புலித்தோல், மரவுரி, கையில் வீணை ஆகியவற்றுடன் வந்த அவரைப் பார்த்ததும், 'புலி வருது... புலி வருது...' என்று கூவி, பரிகாசம் செய்தான்.
நாரதருக்குக் கோபம் வந்து, சித்திரசேனனை உற்றுப் பார்த்தவர், 'கவுரவமான இந்தச் சபையில் இருக்கத் தகுதியற்றவன், நீ. என்னைப் பார்த்து, புலி புலி என்று கூவி, அவமானப்படுத்திய நீ, புலியாகி பூவுலகில் இரு...' என்று, கடும் சாபம் கொடுத்தார்.
சாபம் பெற்ற சித்திரசேனன், அதன்பின் தன் பிழையை உணர்ந்து, நாரதரின் திருவடிகளில் விழுந்து, சாப விமோசனம் வேண்டினான்.
'திருவாதவூர் அடுத்துள்ள காட்டில், நீ, புலியாக இரு. திருவாதவூருக்கு சிவ தரிசனத்திற்காக வருவார், கவுதம முனிவர். அவர் பார்வை பட்டு, உனக்கு சாப விமோசனம் உண்டாகும்...' என்றார், நாரதர்.
அதன்படியே, நாரதரிடம் சாபம் பெற்ற சித்திரசேனன், புலியாக மாறினான்; கவுதம முனிவரின் பார்வையால், சாப விமோசனமும் பெற்றான். கவுதமரிடம் இந்த வரலாற்றைச் சொல்லி முடித்த சித்திரசேனன், அவரை வணங்கி, விடை பெற்றான். படிப்பு, பணம், பதவி, திறமை என, அனைத்தும் இருந்தாலும், அடுத்தவரைக் கேலி செய்யக் கூடாது எனும் படிப்பினையைச் சொல்லும் வரலாறு இது.

பி. என். பரசுராமன்

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X