ஆமணக்கு சாகுபடியில் அசத்தல் லாபம்
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

28 செப்
2022
08:00

தமிழகத்தில் ஆமணக்கு ஊடுபயிராக வரப்புபயிராக சாகுபடியாகிறது. மானாவாரியில் ஆமணக்கு சாகுபடிக்கு ஆடிப்பட்டம் சிறந்தது. இறவைக்கு வைகாசி மற்றும் கார்த்திகை பட்டம் ஏற்றது.

கலப்பின ஒய்.ஆர்.சி.எச் 1 ரகம் 150 முதல் 160 நாட்கள் வயதுடையது. மானாவாரியில் எக்டேருக்கு 2000 கிலோ, இறவையில் 3000 கிலோ கிடைக்கும். காய்களில் முள் இருக்கும். வெடிக்காது. தத்துப்பூச்சிக்கு எதிர்ப்பு தன்மை உடையது. ஒய்.ஆர்.சி.எச் 2 ரகம் வாடல் நோய்க்கு, தத்துப்பூச்சிக்கு எதிர்ப்பு தன்மை உடையது.

ஒய்.டி.பி.1 ரகம் சாயாத தன்மை கொண்டது. வரப்பு பயிருக்கு ஏற்றது. இரண்டாண்டுகள் மகசூல் தரும்.2 முதல் 3 முறை நாட்டு கலப்பை அல்லது இரும்பு கலப்பையால் உழவேண்டும். கடைசி உழவின் போது ஒரு எக்டேருக்கு 12.5 டன் தொழு உரம், ஒரு எக்டேருக்கு 100 கிலோ ஜிப்சம் இடவேண்டும். ஒரு கிலோ விதைக்கு 2 கிராம் திரம் அல்லது கார்பெண்டசிம் கலந்து 4 மணி நேரத்திற்கு பின் விதைக்கலாம். மானாவாரியில் விதைப்பிற்கு 3 மணி நேரம் முன்னதாக ஒரு மில்லி பொட்டாசியம் குளோரைடால் விதைநேர்த்தி செய்ய வேண்டும்.பாசன வசதியுள்ள பகுதிகளில் நிலக்கடலையும் ஆமணக்கையும் 6 க்கு 1 என்ற விகிதத்தில் நடவு செய்து அதிக மகசூல் பெறலாம். பருவமழை தாமதமாக வரக்கூடிய பகுதிகளில் உளுந்து அல்லது பாசிப்பயறை 2க்கு1 என்ற விகிதத்திலும் இறவை பகுதியில் வெங்காயத்தை 2க்கு 1 என்ற விகிதத்திலும் பயிரிட்டு கூடுதல் மகசூல் பெறலாம்.

ஒரு எக்டேருக்கு 2 லிட்டர் 'ப்ளுக்ளோரலின்' மருந்தை 500 லிட்டர் தண்ணீரில் கலந்து களைகள் முளைக்கும் முன் தெளித்து, விதை நட்ட 20 மற்றும் 40ம் நாட்களில் கையால் களை எடுக்க வேண்டும்.ஆமணக்கு சுருள்பூச்சியை கட்டுப்படுத்த வேப்பங்கொட்டைச்சாறு 5 சதவீதம் அல்லது ட்ரைக்கோபோஸ் மருந்தை ஒரு லிட்டர் தண்ணீருக்கு 2.5 மில்லி கலந்து தெளிக்க வேண்டும். ஆமணக்கு காவடி புழுவை கட்டுப்படுத்த வேப்பங்கொட்டை சாறு தெளிக்கலாம் அல்லது குளோரிபைரிபாஸ் மருந்தை ஒரு லிட்டர் தண்ணீருக்கு 2 மில்லி கலந்து தெளிக்க வேண்டும்.

வாடல் நோயை தடுக்க 2.5 கிலோ டிரைக்கோடெர்மா விரிடி மருந்தை தொழு உரத்துடன் கலந்து 15 நாட்கள் மூடிவைத்து அதில் நுண்ணுயிரிகள் பெருகச்செய்த பின் இரண்டு பாத்திகளுக்கு நடுவில் துாவினால் நோய் பாதிப்பை குறைக்கலாம்.நாற்று கருகல் நோய் வராமல் தடுக்க மழைநீர், தண்ணீர் வடிகால் வசதி அமைக்க வேண்டும். ஒரு லிட்டர் தண்ணீரில் 3 கிராம் காப்பர் ஆக்ஸி குளோரைடு கலந்து தெளிக்க வேண்டும்.


மகேஸ்வரன், திட்ட ஒருங்கிணைப்பாளர் (பொ)
அருண்ராஜ், மண்ணியல் தொழில்நுட்ப வல்லுனர்
சபரிநாதன், வேளாண் விரிவாக்க தொழில்நுட்ப வல்லுனர் வேளாண் அறிவியல் மையம், தேனி
96776 61410

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X