பருத்தியில் சாறு உறிஞ்சும் பூச்சி மேலாண்மை
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

10 ஆக
2011
00:00

பச்சை தத்துப்பூச்சி: இளம் குஞ்சுகள் மற்றும் வளர்ந்த பூச்சிகள் சாற்றை உறிஞ்சுவதால் இலைகள் முதலில் மஞ்சள் நிறமடைந்து பின்னோக்கி வளைந்து சுருங்கிவிடும். தாக்குதல் தீவிரமடையும் பொழுது பூச்சியின் எச்சில் காரணமாக இலையின் ஓரங்கள் செங்கல் நிறத்திற்கு மாறி தீயில் கருகியது போல் காணப்படும். இலைகள் முற்றிலும் சுருங்கி உதிர்ந்துவிடும். பயிர் வளர்ச்சி குன்றுவதால் மகசூல் பாதிக்கப் படும். முன்பட்ட பருத்தியில் தாக்குதல் அதிகளவில் இருக்கும்.
அசுவினி: பசுமை கலந்த பழுப்பு நிறத்தில் காணப்படும் அசுவினி பூச்சி செடியின் இளம் தண்டு, கொழுந்து மற்றும் இலையின் அடியில் கூட்டமாக அமர்ந்துகொண்டு சாற்றை உறிஞ்சி குடிக்கும். தாக்குதல் தீவிர நிலையை அடையும் பொழுது இலைகள் சுருங்கி வளர்ச்சி குன்றி காணப்படும். இளம் செடிகள் படிப்படியாக காய்ந்துவிடும். பூச்சிகள் அளவுக்கதிகமான சாற்றை உறிஞ்சி குடித்தபின் எஞ்சியதை இனிப்பு கழிவுகளாக கீழ்புறமுள்ள இலையின் மேற்புறத்தில் வெளியிடும். இனிப்பு கழிவுகளை உண்பதற்காக வரும் எறும்புகள் அசுவினியை மற்ற பூச்சிகளின் தாக்குதலிலிருந்து பாதுகாக்கும். இனிப்பு கழிவுகள் மீது கரும்பூசணம் படர்ந்து இலையின் ஒளிச்சேர்க்கையை பாதிக்கும்.
வெள்ளை ஈ: பருத்தி பயிரிடக் கூடிய பகுதியில் பரவலாகக் காணப்படுகிறது. வெள்ளை ஈக்கள் கூட்டமாக இலையின் அடியில் அமர்ந்து சாற்றை உறிஞ்சி குடிப்பதால் இலைகளில் மஞ்சள் நிறப்புள்ளிகள் நரம்பிலிருந்து ஓரத்தை நோக்கி செல்லும். பயிர் வளர்ச்சி குன்றி காணப்படும். இலைகள் சப்பைகள், மொக்குகள் உதிர்ந்துவிடும். பூச்சிகள் வெளியேற்றும் கழிவுகளால் கரும் பூசணம் படர்வதால் ஒளிச்சேர்க்கை தடைபடும். இலை சுருங்கல் எனப்படும் நச்சுயிரி நோயை பரப்புவதற்கு காரணமாக வெள்ளை ஈக்கள் உள்ளன.
மாவுப்பூச்சி: மாவுப்பூச்சிகள் கோடை காலத்தில் பருத்தி பயிரை தாக்கி பெரும்அளவில் மக சூல் இழப்பை ஏற்படுத்துகின்றன. மாவுப்பூச்சியின் குஞ்சுகள் மற்றும் முதிர்ந்த பூச்சிகள் பருத்தி பயிரைத் தாக்கி சாற்றை உறிஞ்சுகின்றன. இதனால் இலைகள் மஞ்சள் நிறமடையும்.
கட்டுப்பாட்டு முறைகள்:
1. தாக்கப்பட்ட செடிகள் மற்றும் களைச்செடிகளை பூச்சிகள் அதிகம் பரவாமல் பிடுங்கி அழிக்க வேண்டும்.
2. களைகளை அகற்றி வயல்களை சுத்தமாக வைத்திருக்க வேண்டும்.
3. நன்மை செய்யும் பூச்சிகளான பொரிவண்டுகள், நீல வண்ணத்துப் பூச்சி போன்றவை இருக்கும்பொழுது பூச்சிக்கொல்லி மருந்து பயன்படுத்துவதை தவிர்க்க வேண்டும்.
4. விதைப்பிற்கு முன் ஒரு கிலோ விதைக்கு 7 கிராம் இமிடாகுளோ பிரிட் 70 டபிள்யூஎஸ் மருந்தை கொண்டு விதைநேர்த்தி செய்வதன் மூலம் எட்டு வாரங்களுக்கு பருத்தி செடியை சாறு உறிஞ்சும் பூச்சி தாக்குதலில் இருந்து பாதுகாக்கலாம்.
5. இமிடாகுளோபிரிட் 200 எஸ்எல் 40மிலி, பாஸ்போமிடான் 40 எஸ்எல், 240 மிலி, டைமெத்தோயேட் 30 இசி 200 மிலி, மெத்தில் டெமட்டான் 25இசி 800மிலி, வேப்பங்கொட்டை கரைசல் 5 சதம் (10 கிலோ வேப்பங்கொட்டைக்கு 200 லிட்டர் தண்ணீர்) போன்ற மருந்துகளில் ஏதேனும் ஒன்றை ஒரு ஏக்கருக்கு தேவையான தண்ணீரில் கலந்து தெளித்து அசுவினி, இலைப்பேன், பச்சை தத்துப்பூச்சிகளை கட்டுப் படுத்தலாம்.
6. பாசலோன் 35 இசி 1000 மிலி, குயினால்பாஸ் 25 இசி 800 மிலி டிரையசோபாஸ் 40 இசி 800 மிலி, அசிபேட் 75 எஸ்பி 500 கிராம், மெத்தில் டெமட்டான் 25 இசி 800 மிலி, மீன் எண்ணெய் சோப்பு ஒரு லிட்டருக்கு 25 கிராம், வேப்பங் கொட்டை கரைசல் 5 சதம், வேப்ப எண்ணெய் 1 லிட்டர் நீருக்கு 5 மி.லி. போன்ற மருந்துகளில் ஏதேனும் ஒன்றை ஒரு ஏக்கருக்கு தேவையான தண்ணீரில் கலந்து தெளித்து வெள்ளை ஈக்களை கட்டுப்படுத்தலாம்.
7. மாவுப்பூச்சியின் குஞ்சுகளை கட்டுப்படுத்த ஒரு லிட்டர் தண்ணீருக்கு வேப்ப எண்ணெய் 20 மிலி. (அ) வேப்பங்கொட்டைச் சாறு 5 சதம் (அ) மீன் எண்ணெய் சோப்பு 25 கிராம் கலந்து தெளிக்கவும். முதிர்ந்த பூச்சிகளை கட்டுப்படுத்த அசிபேட் 2 கிராம் (அ) டைமெத்தோயேட் 2 மி.லி. (அ) மெத்தில் டெமட்டான் 2 மிலி (அ) புரோபனோபாஸ் 2 மிலி (அ) குளோர்பைரிபாஸ் 5 மி.லி.ஐ ஒரு லிட்டர் தண்ணீரில் கலந்து தெளித்து கட்டுப்படுத்தலாம்.
ஜட்டா கவிதா, சி.விஜயராகவன்,
வேளாண்மை அறிவியல் நிலையம், ராமநாதபுரம்-623 503.
மற்றும் ப.பாலசுப்பிரமணியன்,
மானாவாரி வேளாண்மை ஆராய்ச்சி நிலையம்,
செட்டிநாடு-630 102.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X