Dinamalar

சமீபத்தில் நகரில் உள்ள பிரபல நகை கடையில் வெள்ளியை கொடுத்து தங்கம் வாங்க எண்ணி அணுகினேன். வெள்ளியின் தரம் அறிய பிரத்தியேகமாக உள்ள வேறொரு கடையில் கொடுத்து பரிசோதித்து சான்று வாங்கி வரச்சொன்னார்கள். சென்றேன். அங்கு பரிசோதிக்க ஒரு அனுமதிக்கப்பட்ட அல்லது நிர்ணயம் செய்யப்பட்ட விலை வசூலிக்கும் முறை காலங்காலமாகவே பின்பற்றப்படவில்லை போல் தெரிகிறது. ஒரு குறிப்பிட்ட அளவு வெள்ளியை சுரண்டி எடுத்து பரிசோதித்துவிட்டு தரத்தை சான்றளித்து விட்டு, சுரண்டிய பகுதியை அவர்களே வைத்துக்கொண்டார்கள். கேட்டால் இங்கு இது தான் வழக்கம் என்கிறார்கள். ஒரு பத்து நிமிடங்களில் நமது பொருளை வைத்தே கணிசமான தொகையை சம்பாதித்துக்கொள்கிறார்கள். இம்மாதிரியான பணிகளுக்கு இதுவரை ஒரு வழி வகை எதுவும் அரசு தரப்பிலிருந்து செய்யவில்லையா. தரம் பார்த்தபின் நகை கடைக்கு சென்றால் தரத்திற்கு தகுந்தாற்போல் வெள்ளியை எடையில் முடிந்தவரை குறைத்து க்கொள்ளுகிறார்கள். அங்கும் ஒரு வரைமுறை கிடையாது என்றே தெரிகிறது. மொத்தத்தில் தங்கம் வெள்ளி வியாபாரம் ஒரு பகற்கொள்ளை என்றே முடிவுக்கு வர தோன்றுகிறது. ஏழை பாழைகளுக்கு இதன் விபரம் தெரிய வாய்ப்பே இல்லை எனும் நிலையில் பாதிக்க படுபவர்களும் அவர்களே. ஏமாற்றி சம்பாதிக்கும் இந்த நிலை மாறுவது எப்போது.   11-ஆக-2020 18:16:55 IST

"வலி இல்லாத வாழ்க்கை" - வாழ்க்கை என்றால் ஆயிரம் இருக்கும், வாசல் தோறும் வேதனை இருக்கும், வந்த துன்பம் எதுவென்றாலும் வாடி நின்றால் ஓடுவதில்லை.... எதையும் தாங்கும் இதயம் இருந்தால் இறுதி வரைக்கும் நிம்மதி இருக்கும்.... மயக்கமா.... கலக்கமா.... பாடல் நினைவுக்கு வருகிறது. சிறுகதை அருமை. இவ்வாறு தைரியம் சொல்லும் கதாபாத்திரங்கள் நிஜ வாழ்வில் உலாவினால் நலமாகத்தான் இருக்கும். வாழ்வில் வெற்றி பெறலாம். தாமும் மகிழ்ந்து உடனிருப்போரையும் மகிழ்விக்கலாம். எதனை பேர் இக்கதையை படித்து மனம் மாறுவார்களோ. மாறுவார்கள்.. நம்புவோம்.   12-ஜூலை-2020 16:15:32 IST

இரண்டாவது இன்னிங்ஸ் சிறுகதை அருமை. மனம் மகிழவும் நெகிழவும் செய்த முடிவு. திருப்பம், சஸ்பென்ஸ் என்ற பெயரில் கதையை நீட்டாமல், நல்ல முடிவை எதிர்பார்த்தே படிக்கும் என் போன்ற வாசகர்களுக்கு மகிழ்ச்சி தரும் முடிவு.   12-ஜூலை-2020 15:41:18 IST

அத்தியாவசியமின்றி ரோட்டில் வாகனங்களில் சுற்றித்திரிந்ததற்காக வாகனங்கள் பறிமுதல் செய்யப்பட்டது சரியே. வழக்கு பதிவு செய்து அவர்களை அபராதம் மட்டும் கட்டச்சொல்லி வாகனங்களை ஒரு மாதம் கழித்து விடுவிப்பதே சரியான தண்டனை.   31-மார்ச்-2020 20:29:22 IST

ஆந்திர அரசின் சம்பள குறைப்பு ஆணை சரியில்லை. சேலம், திரு சுகவனம் அவர்களின் கருத்தை ஆதரிக்கிறேன்.   31-மார்ச்-2020 20:19:34 IST

காரணமில்லாமல் பைக் வைத்து சுற்றி வருபவர்களை அடக்க பைக்குகளை பறிமுதல் செய்வது நல்ல யோசனை தான். தடியடி செய்யக்கூடாது என்பது சரி தான். அதை பயன் படுத்திக்கொண்டு அமைதியாய் அறிவுரை சொல்லிக் கொண்டிருந்த காவலாளியை திடீரென ஒருவன் பளார் என்று அறைந்தது தான் மனதை நெருடுகிறது. இது போன்ற மதி கெட்டவர்களை தடியடியால் தான் சரி செய்ய முடியும்.   31-மார்ச்-2020 20:10:00 IST

திருநின்றவூர் திரு வெங்கடேசன் அவர்களின் கேள்விகளில் உள்ள விஷயங்களை லிஸ்ட் போட்டு வைத்துக்கொண்டு ஒவ்வொன்றாக பிரச்னைகளை தீர்த்துவிட்டாலே தமிழகத்தில் பாதி முன்னேற்றம் ஏற்பட்டு விடும் என்பது எனது தாழ்மையான கருத்து.   13-மார்ச்-2020 17:10:23 IST

ஐயா வணக்கம், தங்கள் கருத்தை என்னால் முழுவதும் ஏற்றுக்கொள்ள முடியாது. மற்ற மாநிலங்களைவிட குறைவு என்ற வாதத்தை சரி என்று சொல்ல முடியாது. இது எதோ முற்றிலும் விஷம் இல்லை கொஞ்சம் தான் விஷம் கலந்துள்ளது என்று சொல்வது ஏற்றுக்கொள்ள முடியுமா. லஞ்சம் மற்றும் ஊழலை முற்றிலுமாக களைந்தெறிய என்ன செய்ய முடியும் என்று தான் ஆலோசிக்க வேண்டும். தமிழக வருவாய்த்துறை மற்றும் பதிவுத்துறைகளில் எல்லாம் கணினி முறை வந்து அமல் படுத்தப்பட்டு வருகிறது என்று பெருமையாய் சொல்லிக்கொள்ள முடியவில்லை. இன்றும் வில்லங்கம் மற்றும் பட்ட போன்றவற்றுக்கு ஆன் லைனில் விண்ணப்பித்தாலும் கவனிக்க வேண்டிய இடத்தில் கவனித்தால் தான் நமது கோரிக்கை முழுமை பெற்று டாகுமென்டுகள் நமக்கு கிடைக்கும் நிலை உள்ளது. முக்கியமாக இந்த துறைகளில் உள்ள அதிகாரிகள் பொதுமக்களுக்கு மனமுவந்து பணியாற்றுவார்களா, லஞ்சம் ஒழிக்கப்படுமா.... காலம் தான் பதிலளிக்க வேண்டும்... நன்றி   10-மார்ச்-2020 16:07:10 IST

முதலில் தொடர்பு கிடைப்பதும் பின்னர் தானே துண்டிக்கப்படாமல் தொடர்பில் தொடர்ந்து பேசுவதுமே மொபைலில் ப்ரம்ம ப்ரயத்தனமாக இருக்கிறது. இதில் ஆச்சர்யம் என்னவென்றால் தொடர்பு கிடைக்கும் வரை துண்டிப்பு என்பதே இல்லாமல் காலர் டியூன் தொடர்ந்து கொண்டே இருக்கும். பேச ஆரம்பித்ததும் ஹலோ ஹலோ என்று கத்திக்கொண்டே இருக்க வேண்டியதுதான், மறுமுனையிலிருந்து சப்தமே வராது. உடன் டவர் கிடைக்கவில்லையோ என்னவோ கட் ஆகிவிடும். முதலில் இதற்கு ஒரு தீர்வு காண வேண்டும். வைரஸ் விழிப்புணர்வு ஏற்படுத்த வேண்டியது நல்ல காரியம் தான். அதை சற்று நாகரிகமாக செய்யலாமே...   10-மார்ச்-2020 15:26:03 IST

மதுரையின் நகர போக்குவரத்து வசதிகள் திருப்திகரமாகவே இருந்தாலும், சில விஷயங்கள் நெருடலாகவே உள்ளன. குறிப்பாக தாழ்தள பேருந்துகள் என்ற பெயரில் அதிக கட்டணம் வசூலிக்கப்படுகின்றன. மாட்டுத்தாவணியிலிருந்து சாதாரண கட்டணம் திருநகர் வரை ரூபாய் பதினாறு தான். ஆனால் தாழ்தள பேருந்துகளில் இருபத்தியெட்டு ரூபாய் வசூலிக்கப்படுகிறது. தாழ்தள பேருந்துகள் வசதியில் நல்லதாகவே இருந்தாலும் அதை அரசு தரப்பில் இம்ப்ரூவ்மென்ட் என்று எடுத்துக்கொள்ளலாமே தவிர பயணிகளுக்கு எவ்விதத்திலும் லாபம் இல்லை என்றே சொல்லலாம். அதுபோல் ஆரப்பாளையம் திருமங்கலம் ரூட்டில் தாழ்தள பேருந்துகள் மட்டுமே இயக்கப்படுகின்றன. பொதுமக்களுக்கு அரசு ஏன் இது போன்ற சுமைகளை கொடுத்து ஏமாற்றுகிறது என்று தெரியவில்லை. பொதுமக்களும் கேள்வி கேட்டார்களா என்றும் தெரியவில்லை. பொதுமக்களுக்கு கண் தெரியாமல் நஷ்டத்தை ஏற்படுத்தும் இந்த காரியத்தை அரசு கவனத்திற்கு கொண்டு செல்ல இந்த பத்திரிக்கை உதவுமா, எதிர்பார்க்கலாமா....   05-மார்ச்-2020 21:13:31 IST