Dinamalar

எப்படி நடவடிக்கைகளை பொற்கால நடவடிக்கையில் உடனேயே எடுப்பது. மக்களை நாம் அவசர நிலைகளுக்கு பழக்கப் படுத்தவில்லையே. சுற்றி இருக்கும் நிலைமையை கண்கூடாக அறிந்தே மக்கள் தங்களை பொதுவாக அனுசரித்து கொள்கிறார்கள். ஓரிரவில் தடை என்று சொன்னால் அதை ஏற்கும் மனபக்குவத்திற்கு மேலும் அதற்காக தங்களை தயார் படுத்தி கொள்வதற்கு நேரகால அவகாசங்கள் தந்திருக்கவேண்டும்.. உரை யாற்றினார். அன்றிரவிலேயே மக்களுக்கு சமூக அக்கறை வந்து அவர்கள் அனைவரும் வீட்டிற்குள் இருந்துவிடுவார்கள் அப்படி செய்வதற்கு அரசு அதிகாரிகள் உடனடியாக சிரமேற்கொண்டு கட்டளையை நிறைவேற்றி விடவேண்டும் என்று எண்ணுவது சரியானதா? கொரானாவினால் பாதிப்பு இருக்கிறதோ இல்லையோ அதற்குள் போகவில்லை இப்போது. மக்கள் உடனடியாக படும் வேதனைகள் எப்படி இருக்கும் என்று தெரியாதா? மேல்தட்டு மக்களுக்கு சரியான நடவடிக்கையாக தெரிவது, ஏழை எளியவர்களுக்கு அப்படி இருக்காது. போக்குவரத்து நிறுத்தப்பட்டால் என்ன செய்வது. வில்லு வண்டி கட்டி கொண்டாவது சொந்த ஊர் சென்று அங்கு பிழைப்பை பாப்போம் என்பது தானே வாழ்க்கையாகி போனது. முதலில் பாதுகாப்பான உணவு உறையுள் உத்திரவாதம் தந்துவிட்டு அதன் பிறகு மற்றவைகள் என்பது தானே நலம் பயக்கும். வெளிநாடுகளில் சிக்கி தவிப்பவர்களை மீட்கவேண்டியதை விட முக்கிய பொறுப்பு சொந்த ஊரை விட்டு மற்ற மாநிலங்களில் இருப்பவர்களின் வாழ்க்கை முக்கியமானது என்று எண்ணியிருக்கலாமே. நமது கலப்பு பொருளாதாரம் பல வெற்றிகளை பொதுவாக தந்திருப்பதாக உணர்ந்தாலும் அதன் மிகப்பெரிய தோல்வி அரசுத்துறையில் இருப்போர் அதிர்ஷ்டம் செய்தவர்கள், தனியார் துறையில் இருப்போர் சபிக்கப்பட்டவர்கள் என்பதை போன்ற நிலையே. சில கார்பொரேட் கம்பனிகளின் ஊழியர்களை தவிர மிகப்பெரும்பாலானோர் சபிக்கப்பட்டவர்களாகவே வைத்திருக்கிறது தனியார் முதலாளிகளின் அதிகாரங்கள். மூன்றாம் வகுப்பு அரசு பள்ளி ஆசிரியருக்கு கிடைக்கும் சம்பளத்தில் பாதி கூட கிடைப்பதில்லை பொருளியல் அறிவியல் கல்லூரி பேராசிரியைகளுக்கு. இது நிதர்சனம். இப்படி இருக்க ஊரடங்கு என்று ஓரிரவில் அறிவித்தால் மறுநாள் முதல் எப்படி தனியார் முதலாளிகள் தங்களின் தொழிலாளர்களை நடத்துவார்கள் என்று தெரியாதா? குஜராத்தின் அஹமதாபாத் சர்வதேச விமனன நிலையத்தை சுற்றிலும் தகர கூரையில் வீடு கட்டி கொண்டு எவ்வளவு பெரிய அளவில் புலம் பெயர்ந்து தற்காலிகமாக கட்டுமான பணிகளில் ஈடுபட்டிருக்கும் தொழிலாளிகள். பொதுவானதாக அவர்களுக்கு இருப்பது ஹிந்தியும் பசிக்கான உணவு தேடலும் தான். தினக்கூலிக்காரர்கள். வேலை நின்ற அடுத்த நிமிடமே, கூலியும் நின்று போனதே. அனைத்து கடைகளும் அவர்களுக்கு இருக்கும் அனைத்து ஆதாரங்களும் நின்று போனதே. ஞாயிறு அன்று சில மணிநேர ஒத்திகை என்பதாக இவர்கள் செய்யும் போதே மக்களை அதற்கு தயார் செய்திருக்கவேண்டும். இருக்கும் நிலைகளை அறிவித்து ஊருக்கு திரும்பி செல்வோருக்கு போக்குவரத்து வசதிகளை செய்து கொடுத்து கொஞ்சம் பணமும் கொடுத்து அனுப்பி இருக்கவேண்டும். அதை செய்யாமல் விட்டது தவறு. இந்தியாவை போல எங்கள் பாகிஸ்தானில் நிச்சயமாக எங்களால் ஊரடங்கை கொணர முடியாது. அது மூன்றில் ஒரு பங்கு பொதுமக்களின் வாழ்க்கையை நிறுத்திவிடும். தினமும் உழைத்தே அவர்கள் வயிறாருகிறார்கள். ஆகையால் கொரோனா விஷயத்தில் என்ன செய்வது என்று எங்களுக்கு தெரியவில்லை. உலக நாடுகள் எங்களுக்கு உத்தவி செய்யுங்கள் என்று கேட்டு விட்டு சில மாகாணங்கள் ஊரடங்கு அறிவித்தல் அதை கொஞ்சம் தளர்த்துங்கள் என்று கோரிக்கை விடுகிறார் எதிரி நாட்டு பிரதமர், பஞ்சாபிற்கு மேற்கே. அது போன்ற சமூக நிலைதான் வாடா இந்திய மாநிலங்களின் அவலம் இன்றும். இதற்காக கொரோனா பரவுதலை தடுக்க நடவடிக்கை எடுக்க கூடாதா என்று கேட்கலாம். அதுவும் தேவை தான். முதலில் எதை செய்யவேண்டுமோ அதை செய்து விட்டு. ஒவ்வொரு தாலுகா தாலுகாவாக மக்களை பிரித்து வைத்து கொண்டு அதிக கவனம் செலுத்தவேண்டும். எந்த எந்த தாலுகாக்களில் கொரநா பாதிப்பு மூன்று வாரங்களுக்கு இல்லையோ அந்த தாலுகாவிற்குள் மக்கள் தாராளமாக இயல்புநிலையை மேற்கொள்ள அனுமதிக்கவேண்டும். அதன் பிறகு வரும் காலங்களில் பாதிப்பில்லாத அனைத்து பகுதி மக்களையும் அவர்களுக்குள் இயல்பு வாழக்கையை தொடங்க ஊரடங்கை தளர்த்தி கொள்ளலாம். சவூதி அரசாங்கத்தில் இப்படி இல்லை என்று பாராட்டுகிறார்கள். முதலில் அவர்கள் அந்த புனித நகரங்களில் ஆரம்பித்து உடனடியாக வெளிநாட்டவர்களை உள்ளே அனுமதிப்பதை தவிர்த்து, மக்களை தெளிவாக்கி உணரச்செய்து, பாதுகாப்பு உபகரணங்களை அளித்து, எதற்கும் தட்டுபாடில்லாதவகையில் செய்து இரவில் மட்டும் ஊரடங்கு, மசூதிகளில் தொழுகைகள் இல்லை, திருமண நிகழ்ச்சிகளுக்கு கூட கூட்டம் கூட அனுமதி இல்லை என்று மக்களை உணரவைத்து, நமக்கு பல வாரங்களுக்கு முன்பே அவர்கள் வெளிநாட்டவர்களை முக்கியமாக ஜனவரிக்கு பிறகு சவுதிக்கு நுழைந்தவர்களை கண்காணித்தார்கள். அதனால் ஓட்டலில் அமர்ந்து உணவு உன்ன அனுமதி இல்லை. உணவு பொட்டலங்களை வாங்கி செல்லலாம். காலை ஆறுமுதல் இரவு எழுவரை சுய போக்குவரத்திற்கு அனுமதி உண்டு. பலசரக்கு காய்கறி கடைகள் திறந்திருக்கும் இந்த சமயங்களில். துணிக்கடைகள் போன்றவை மூடியே இருக்கும். என்று சில கட்டுபாடுகளை விதித்திருக்கிறார்கள். யு கே, அமெரிக்காவில் உடனடியாக ஊரடங்கை அமல்படுத்தவில்லை. ஒரு எல்லை வைத்துக்கொண்டு அதன் பிறகு தான் அதை செயல்படுத்துவார்கள். கொஞ்சம் முன்பாக செயல்படுத்தினால் ஆதரவு இருக்காது, காரணம் அது இயலாத காரணமே. சில நாட்களுக்கு வேறு வழியில்லை, மக்களை அவர்கள் சொந்த ஊருக்கு செல்வதற்கு வசதி செய்து கொடுத்து விட்டு தான் அதன் பிறகு கட்டுப்பாட்டுகளை அதிகரிக்கவேண்டும். காரணம் ஏழை தொழிலாளிகள் தங்கியிருக்கும் பகுதிகளில் எந்த ஒரு தோற்று என்றாலும் அது முழுதும் அங்கே ஆக்ரமித்து விடும், அந்த அளவிற்கு தான் அவர்களின் குடிசைகள் நெருக்கமாக சுகாதாரமின்றி அமைத்து தரப்பட்டிருக்கின்றன, நகரத்து கட்டுமானம் நிறுவனங்களால். கிராமங்களில் அவர்களுக்கு இந்த சிக்கல் இருக்காது.   29-மார்ச்-2020 03:22:33 IST

உலகின் கொடிய வியாதி என்பது என்ன என்று எண்ணி கருத்து தருகிறோம் நாமெல்லாம் என்று தெரியவில்லை. எத்துணையோ காலமாக இன்றும் தீர்க்கப்படாத கொடிய வியாதியாக இருப்பது. பசிப்பிணி தானே? பசிப்பிணி என்னும் வியாதியை எந்த அரசும் தீர்த்த பாடில்லை. இத்தனைக்கும் அதற்கு மருந்து உண்டு. அட்சய பாத்திரம் உண்டு. கொடுமை என்னவென்றால் அது மணிமேகலையின் கைகளுக்கு கிடைக்கவில்லை. அது கயவர்களுடன் இன்று இருக்கிறது, கலி காலம். விவசாய நிலங்களில் சொந்த கிராமங்களில் வேலையில்லாமல் அடிப்படை தேவைக்கு வழியில்லாமல் பலர் கடினப்பட்டு கொண்டிருக்க, அவர்களை அடிப்படை வாழ்வாதாரத்திற்கு உத்திரவாதமாக பெரு நகரத்தில் குறைந்த கூலி வேலைக்கு அழைத்து வந்து ஏஜென்ட்கள் அமர்த்தி விடுகிறார்கள். கார்பொரேட் முதலாளிகள் இவர்களை தங்கள் தொழிலாளிகளாகவோ அல்லது இவர்களின் மீது தங்கள் கரிசனம் தேவை என்பதை சோசியல் ரெஸ்பான்சிபிலிட்டி ஆகவோ கருதாமல் அவர்களை BPO தொழில் நிறுவனங்கள் மூலம் அமர்த்தி சலுகைகளை மறுத்து வெறும் மூன்று வேலை கஞ்சிக்கும் உடை உறையுள் சாதாரண வாழ்விற்கும் தந்து உழைப்பை எடுத்து கொண்டார்கள். இப்போது பிரச்சினை வரும்போது இவர்களுக்கு உதவ போவதில்லை. இனி அடுத்து பல மாதங்கள் இவர்களுக்கு உணவு உறையுளை யார் ஏற்பார்கள். பிழைப்பிற்காக வந்த தலைநகரில் அடுத்து மூன்று மாதமோ அல்லது ஆறுமாதங்களோ தங்களுக்கு வேலை கிடைக்கப்போவதில்லை என்று உணரும் வகையில் நிகழ்வுகள் உருப்பதை அறிந்து கொண்டார்கள். இடைத்தரகர்கள் இவர்களுக்கு சம்பளம் தரமாட்டார்கள் வேலை இல்லை சம்பளம் இல்லை என்றதான வகையை என்றோ காண்பித்தாகி விட்டதால். இவர்களுக்கு வேறு வழி? நாதியற்று போனவர்கள் இருப்பதை கொண்டு சொந்த கிராமம் தேடி அங்கு கிடைக்கும் கால் வயிறு கஞ்சியாவது நம்பிக்கை என்று என்ன வேண்டிய சூழலுக்கு தள்ளப்பட்டவர்கள். வேதனையை இறைவனிடம் தான் முறையிடவேண்டும். சாமானிய மக்கள் வீடுகளில் முடங்கி கிடைக்கவேண்டும் என்று மட்டும் எண்ணி கொண்டிருக்கிறார்கள். பிரார்த்தனைகளை மனமுருகி செய்வோம். வீட்டில் முழு நேரமும் நமக்கு இறைவன் அளித்திருக்கிறான். சில மணித்துளிகளாவது அவனை மனமுருகி வேண்டுவோம். கருணை கடவுள் அருள் புரிவான் நிச்சயமாக.   28-மார்ச்-2020 23:27:02 IST

பிரம்புக்கு மட்டுமே குரங்குகள் அஞ்சும்.   27-மார்ச்-2020 18:32:42 IST

ஓராண்டு உத்திரவு என்பது பல காலம் இல்லாததால் அது எப்படி இருக்கும். அத்தருணத்தில் செய்யவேண்டியது என்ன? மக்களின் கடைமை என்ன என்று மாவட்ட ஆட்சியரின் நிர்வாகமும் விளக்கவில்லை, காவல்துறையும் சொல்லவில்லை. கண்ணியம் காற்றோடு போகிறது காவல் துறை. பிரம்பு வைத்து அடிப்பதற்கா இவர்களுக்கு அது. ஊரில் ஒரு திருடர்களை பிடிக்க அவர்களிடமிருந்து மக்களுக்கு பாதுகாப்பை தருவதற்கு, ரௌடிகளை ஒடுக்குவதில் இருக்கவேண்டும் இவர்களின் வீரம். எந்த ரவுடிகளை இவர்கள் விரட்டி பிடித்தார்கள். லத்திசார்ஜ் செய்தால் அதை கண்டே வண்டியை வேகமாக ஓட்டுவதால் விபத்துக்கள் அதிகம் நிகழ வாய்ப்புக்கள் அதிகமல்லவா? பொது அறிவு கூடவா இல்லை இவர்களுக்கு? தோப்புக்கரணம் இடவேண்டுமாம். இது எதெற்கு ? அதில் மாற்று மதத்தினர் யாரவது பிரச்சினைகளை உண்டாக்கினால்? அது கூடவா சிந்திக்க மாட்டார்கள் இவர்கள். ரோந்து வாகனங்கள் ஒலிபெருக்கி மூலம் வீதி தோறும் ஊரடங்கு பேட்டரி விளக்கலாமே? எதோ எமெர்ஜென்ஸிக்கு காத்திருந்தவர்கள் போல உடனே தேடியெடுத்து விடுகிறார்கள். கொரானாவிற்கு எதிராக இவர்களின் அடக்குமுறை சரியாக இருக்கும் ஆகவே நாங்கள் அப்படி செய்கிறோம் மக்கள் நலனிற்காக நாங்கள் வில்லன் போல் செயல்படவேண்டி இருக்கிறது என்று ஒரு நொண்டி சாக்கு வேறு இவர்களுக்கு? ஒருவரும் கொரோன தடுப்பு உபகரணங்களை வைத்திருக்கவில்லை. தெருவில் கிடைக்கும் பிளாஸ்டிக் பைப்பை எடுத்து கொண்டு ஒருவரை தாக்க வேண்டியது. பைக் சாவியை பிடுங்க வேண்டியது. கைகளால் அவர்களை தர தர வென்று இழுத்து வண்டியிலிருந்து தள்ளவேண்டியது. வண்டியை ஓரமாக ஒதுக்க சொல்லி ஒரு பத்து பதினைந்து பஞ்சர் செய்து விட்டால் போதும். வண்டியை ஊரடங்கு முடியும் வரை எடுக்க முடியாதல்லவா? ஏழை ரிக்ஸா தொழிலாளி, ஒருவரை ஏற்றி செல்கிறார். முதியவர். அவரை பார்த்தாலே தெரிகிறது, அன்றைய உணவிற்காக ஜீவனத்திற்காக உழைக்க வேண்டிய கட்டாயம் அவருக்கு. அவரிடம் கூடவா உங்கள் வீரம். காவல் துறைக்கு அதிக கட்டுப்படும் கண்ணியமும் வேண்டும். அவர்களின் கடைமை எது என்றும் எது அவர்களின் கடைமையை உரிமையில் இல்லை என்பதை புகட்ட வேண்டியது அரசின் கடைமை. உலகளாவிய பயமுறுத்தும் தோற்று வியாதிக்கு எதிராக ஒருங்கிணைந்து செயலாற்ற வேண்டிய தருணத்தில், காவல் துறை பின்னுக்கு சென்று கொண்டிருக்கிறது. இது நல்லதற்கு அல்ல. சீரமைக்கப்படவேண்டிய துறையில் இவர்கள் தான் முன்னணியில் இருக்கிறார்கள் என்றே எடுத்து கொள்ளவேண்டும்.   26-மார்ச்-2020 19:07:43 IST

இவர்களின் எரிச்சலை என்னவென்று சொல்வது? லஞ்சம் கிடைக்க வழியில்லையே என்ற கோபமா? தங்களுக்கு விடுமுறை இல்லையே என்ற ஆதங்கமா? மேலதிகாரிகளின் சிடு சிடு கடு கடுப்பில் வருகின்ற எரிச்சலா? என்ன காரணம். எதுவெனும் விளங்காதபோது கிடைக்கும் விடை சிலரின் குணாதிசயம் அப்படி தான். நாய் வாலை நிமிர்த்த முடியாது என்பதா? எவ்வளவுதான் பாராட்டி சீராட்டி வளர்த்தாலும் நாய் வால் என்று தான் குறைக்கும் வாழ் என்று ஒருபோதும் குழைப்பதில்லை என்பதா?   26-மார்ச்-2020 18:54:49 IST

இது போன்று நன்கு தெளிவாக எழுதப்பட்ட கட்டுரைகள் தினமலரின் தொடர்ந்து வழங்கவும். பொதுவான சிறப்பான ஆரோக்கியத்திற்கும், குழப்பங்களுக்கு தெளிவும் பிறப்பது ஒரு பக்கம் இருந்தாலும், என்னை பொறுத்தவரையில் பள்ளி மாணவர்களுக்கு மறுத்தவராகவேண்டும் என்றும் அதிலும் சிறப்பு மறுத்தவராக வேண்டும் என்ற எண்ணம் மேலோங்கும். அதுவே அவர்களின் தூண்டுதலாக அமையும். தினமலரின் கட்டுரைகளை படிக்கும் பொது தமிழில் தாராளமாக மருத்துவ நூல்களை மொழிபெயர்த்து பாடத்திட்டமாக வைக்கலாம் என்றும் தமிழிலேயே மருத்தவ கல்வியை முழுதும் போதிக்க முடியம் என்றும் நம்பிக்கை தெரிகிறது. வணக்கங்களும் வாழ்த்துகழும்.   26-மார்ச்-2020 04:19:34 IST

காலத்திற்கு ஏற்ப மாறுவது நன்மை கருதி சுயநலனுக்கில்லாமல் பொதுநலனுக்காக இருக்கும் பட்சத்தில் எல்லாம் சுபமே. அரசியல் வாக்கு வங்கிகளில் மாற்றம் தெரிகிறது என்று புரிந்து கொண்டோ அல்லது தனது கொள்கை இனி லாபம் ஈட்டு தராது என்றோ ஒருவர் எண்ணி மாற கூடாது பச்சோந்தி தனமாகிவிடும். கொள்கையை சிறப்பாக வடிவமைத்து அதை பின்தொடரவேண்டும். கொள்கைகளில் மக்களுக்கு சிறப்பானதாக இல்லை என்று தெரிந்தால் பழைய பஞ்சாங்கத்தை விட்டு நல்லவற்றை உருவாக்கி கொள்ளவேண்டும். மாற்றங்கள் நன்மைக்காக இருக்கவேண்டும். கட்சியி செயற்குழு பொதுக்குழுவை கூட்டி கட்சியின் கொள்கை மாற்றங்களை அதில் புகுத்தலாமே. அதைஎதுவும் செய்யாமல் ஒருவர் தான் அதற்கு எதிரி அல்ல நாங்கள் எந்த மதத்தினருக்கும் எதிரி அல்ல. கடவுளை மறுப்பவர்கள் அல்ல என்று இன்று வேறு வாய் சொல்லில் கூவி கொண்டிருக்க கூடாது. வெளிவேஷம் என்றுமே கூடாது. தெளிவாகவே தலைவர்கள் பேசவேண்டும். நோக்கத்தில் திண்ணிய செயல் பாடு இருக்கவேண்டும். முரசு என்று வைத்து கொண்டு கொள்கைகளே இல்லாமல் தாரை தப்பட்டையாக அதை இசைக்க கூடாது. முரசு ஒழிக்கவேண்டும் ஜெயஓபேரிகை கொட்டுவதற்கு தான் அது. அப்படி எதுவும் கொள்கையில் இல்லாததால் முரசு தகர ஒலி ஆகிவிட்டது. சங்கே முழங்கு என்று உரக்க கத்தியவர்கள் கொள்கையை மாற்றி கொண்டே வந்து தொண்டர்களின் தியாகத்தை கேலிக்குறியாக்கியதால் சங்கநாதம் கேட்காமல் அது வெறும் ஊளையாகி போனதை தமிழகம் அறியுமல்லவா. சிறந்த கொள்கையை கொண்டு தலைவர்கள் அதை செயல்படுத்தவேண்டும். இதில் எது ஒன்று சரியில்லாமல் போனாலும் காப்பான் எத்துணை பேர் வந்தாலும் அவர்களுக்கு இட்ட ஊதியம் விழலுக்கு இறைத்த நீரே. (தமிழில் நன்கு பரிச்சியம் ஓரளவிற்கு வந்து விட்டது தானே எனக்கு).   26-மார்ச்-2020 02:26:08 IST

வளைகுடா பிராந்தியத்தில் போர் பிரகடனப்படுத்தி போர் நடத்தியதற்கு சொன்ன காரணம் என்ன ஆயிற்று என்று வரலாறு சொல்கிறது. எதற்காக அங்கு போர் தொடங்கினார்கள். எத்துணை கோடான கோடி நஷ்டம். இன்னும் தொடரும் அவலம் இதற்கு யார் காரணம் அவர்கள் மீது நஷ்ட ஈடு கோருவது யார்? இருக்கட்டும் ஒருபுறம். வளைகுடா மீது போர் தொடுத்ததை போல இப்போது இவர்களால் செய்ய முடியுமா? எளியோரை எளிதில் வெல்லலாம் என்பதால் ஏற்பட்ட வினையா அது? இப்போது நடவாமல் இருப்பதற்கு மாற்றான் வலுவும் அவன் நட்பின் வலுவும் அதிகம் என்று நினைக்கிறார்களா? நியாயங்கள் இடத்திற்கு இடம் சமயத்திற்கு தகுந்தவாறு மாறுபாடலுவது சரியோ?   25-மார்ச்-2020 19:19:34 IST

கால நிலை ஓட்டத்திற்கு தகுந்தவாறு தங்களை மாற்றி கொண்டுவிட வேண்டும் தளபதி அவர்கள். ஒரு போர்முலா வைத்திருந்தார் அது கடந்த தேர்தலில் வெற்றி தந்தது. முந்தைய தோல்வியின் போது செயல்படுத்திய போர்முலாவை மாற்றி மிகப்பழைய போர்முலாவிற்கு மாறியதனால் கடந்த தேர்தலில் வெற்றி என்று நினைத்து கொண்டு விட்டார் போல தெரிகிறது. அதை அவர் காலத்தின் ஓட்டத்திற்கு தகுந்தவாறு மாற்றி கொள்ள போவதில்லை அடுத்த தோல்வி நிச்சயமில்லாத பொது என்று சொல்கிறார்கள். மேலும் கட்சியின் இயலாத தன்மையினால் தங்களுக்கு வெற்றி கிட்டும் என்று திட்டமிடுகிறார். ஆளும் கட்சி விரைந்து செயல்படுகிறது என்பது கண்கூடு. இவர்கள் கேட்பதற்கு முன்பே ரேஷன் கார்ட் தாரர்களுக்கு ஆயிரம் ருபாய், அம்மா உணவகம் திறந்திருக்கும். ஏழை எளியவர்களுக்கு அங்கு உணவு கிட்டும் என்று அறிவித்து அது நடைபெறுகிறது. மத்திய அரசின் இணக்கம் என்பதற்கு இடைவெளி விட்டோ இல்லை கைகோர்த்தோ என்பது அல்ல கை தட்டி ஆதரவையும் நன்றியையும் தந்தாயிற்று. இனி அவர்களை தேர்தலுக்கு முன்பு வரை எரித்தும் பார்க்கமுடியாது தளபதியால் என்று காண்பித்தாயிற்று. மக்களின் ஆதரவு கொரநா எதிர்ப்பிற்கு அரசிற்கு நிச்சயம் உண்டு என்று தெளிவாக தெரிகிறது. அரசு எடுக்கும் முயற்சிகளை தவறு என்றும் அது குறையானது என்றும் சோசியல் மீடியாக்கள் மூலமும் ஆதரவு நபர்கள் தலைவர்கள் மூலமும் தண்டோரா போடா முயன்றது சரியல்ல என்று உணரவில்லை தளபதியவர்கள். இந்துக்களை எதிர்ப்பதும் இருக்கும் மாநில மத்திய அரசுக்கு இந்து சாயம் பூசி அவர்களால் நாட்டிற்கு நல்லதில்லை என்று தவறாக சொல்லி பரப்ப பார்த்து அதற்காக சில மதத்தவர்களின் ஓட்டுக்களை மொத்தமாக தனது பக்கமே வைத்து கொள்வதற்கு அரசு எதிர்ப்பு இந்து எதிர்ப்பு என்பதே நலம் பயக்கும் என்ற போர்முலாவை விட்டு ஒதுங்க தளபதி தயாரில்லை என்று தெரிகிறது. இது பெரிய அளவில் கட்சிக்கு ஆபத்தாய் முடியும் என்பதை தளபதி உணரவேண்டும். இவர்கள் கட்சியிலிருக்கும் இந்து மக்களை ஒதுங்கி இவர்கள் கட்சிக்கே ஓட்டளிக்காமல் இருக்க வைத்து விடும் அல்லது மாற்றி வாக்களிக்க தூண்டிவிடும். இது சம்பந்தமாக அந்த காப்பான் மூலம் நடுநிலையாக இவர்கள் மக்கள் குறிப்பாக கட்சியினரிடையே கருத்து அறிந்திருக்கலாம். தொடர்ந்து ஆட்சியில் இல்லை. பணம் தொடர்ந்து வருவதற்கு வழியில்லை. ஆதரவு காங்கிரசும் தாராளமாக பணம் தந்து நன்கொடை செய்வதற்கு தேர்தல் சீட்டுக்களை வாங்குவதற்கு அதிக பெற தொகை பேசுவதற்கோ வழியில்லாமல் இருக்கிறார்கள். அப்படி இருக்க தனது கட்சிக்காரர்களே கூட வாக்களிக்க பணம் தந்தே தீரவேண்டும் என்ற நிலை அல்லது தேர்தல் வேலைக்கு கூடுதல் சம்பளம் என்று கட்சி பணியாளர்களை பணியர்த்தவேண்டிய நிலைக்கு எப்படி பணம் கிடைக்கும். நடு நிலையாளர்களின் எரிச்சலுக்கு ஆளாகி விடக்கூடாது என்பதில் கவனம் அதிகம் வேண்டும் தளபதியார்க்கு. லாபியிஸ்ட்களை முழுதுமாக நம்ப கூடாது. அவர்களின் செய்கைகளை நன்கு கண்காணிக்கவேண்டும். அவர்கள் தாராளமாக நிறம் மாறலாம். மாற்று கட்சியினர் அதிக பணம் கொடுத்து அவர்களை விலைக்கு வாங்கலாம் அல்லது தவறான தகவல்கள் மூலம் திசை திருப்ப அவர்கள் நிர்பந்திக்கப்படுத்தப்படலாம். நேர்மையாக இருப்பார்கள் என்பதற்கு அரசியலில் அடிமட்ட தொண்டர்கள் அல்ல அவர்கள். கட்சிக்குள் நடக்கும் உள்ளடி வேலைகளே ஒரு கட்சியின் சிறந்த வேட்பாளர்களை கூட தோல்வியின் ஆழத்தில் தள்ளிவிடும். மஹாவில் காங்கிரஸ் செய்த வேலைகளும் வலுவானவர் என்பதால் அவர் செய்த மாற்று விந்தைகளும் அரசியல் எப்படி என்பதை அனைவருக்கும் தெளிவாக்கி இருக்கும். கட்சிக்குள்ளே பலர் இப்போது மத்தியிலிருந்து வரும் சைகைகளுக்கு வேறுவழியின்றி கட்டுப்படுவதாகவும் காலம் நோக்கி இருப்பதாகவும் பேச்சுக்கள் தெரிகிறது. இலவசமாக ஒரு பொருளை தருகிறார்கள் என்றால் கூட்டமாகத்தான் மக்கள் வருவார்கள். அது பிரியாணி என்றாலும் சரி இலவச சரியாக இருந்தாலும் சரி அல்லது இவர்கள் கட்சி சார்பில் சென்னையில் கைகளை சுத்தப்படுத்தி கொள்ள கொடுக்கப்பட்ட சோப்பு திறவாக இருந்தாலும் சரி. இதில் எந்த அரசியல் தலைவர்களையும் அப்படி செய்யவில்லை இப்படி செய்யவில்லை என்று குறை கூறவேண்டாம். நீங்கள் நல்லது செய்யவேண்டும் தெளிவாக செய்யவேண்டும் என்று நினைத்தால் கட்சி சார்பில் ஆங்காங்கே கோடைக்கு தண்ணீர் பந்தல் வைப்பது போல, சுத்தமாக இருப்பதற்கு ஆங்காங்கே சோப்பு அல்லது ஆல்கஹால் கைகளை சுத்தப்படுத்துவதற்குரிய திரவங்களை வைத்து சுவச் பரத் திட்டம் என்று கூறாமல் கொரன எதிர்ப்பு பந்தல் என்று நிறுவி சேவை செய்யலாமே. குறைகளல்ல வெற்றி தருவது, சேவைகள் அதை செய்வது என்பதை மனதில் வைத்து கொள்ளலாமே. தளபதியவர்கள் கட்சிக்கு மட்டும் நிரந்தர தளபதியாக இருக்க எண்ண வேண்டாமே.   24-மார்ச்-2020 18:15:40 IST

"விசுத்தனம்" என்று ஒரு இலக்கணத்தையே வசனத்திற்குள் ஒரு வகையாக சேர்த்திட்டவர் இவர். தனக்கென ஒரு பாணி. கணீரென்ற குரல் வளம். தெளிவான உச்சரிப்பு. வசனங்கள் அனைவருக்கும் புரிவதாக, குடும்பத்துடன் சென்று கண்டு அறிவதாக திரைக்காவியம் படைத்தவர். என்பது தொண்ணூறுகளில் நிறைய காவியங்களை படைத்தளித்திருக்கிறார். விரசம் என்ற ஒன்று இல்லாத படம் எடுத்தவர். கவர்ச்சி என்று எதுவும் இவரது படத்தில் கிடையவே கிடையாது. நாடக மேடையை வெள்ளித்திரையில் அப்படியே தந்தவர். நாடகவியலின் தந்தை பம்மல் சம்பந்த முதலியாரின் நாடக உத்திகளை கடைபிடித்து தான் திரைப்படங்கள் பொதுவாக எடுக்கப்படுவது வழக்கம். அதை இவர் சிறப்பாக்கியவர். நெஞ்சை கணமாக்கும் ஒரு நிகழ்வு சோகமான காட்சிகளை தொடர்ந்து தரமாட்டாமல், உடனே அதை தொடர்ந்து ஒரு நகைச்சுவையை வைத்து பார்ப்பவர்களின் மனதின் சோகத்தை குறைப்பது நாடக வழக்கமாம். அத்தகு இலக்கணங்கள் உண்டு இவரின் படைப்புக்களில். கூட்டு குடும்பமாய் வாழ்ந்த தன் அனுபவத்தை திரைப்படத்தில் காண்பித்தவர். நடுத்தர வர்க்கம் படும் பாடு பிரச்சினைகளிலுருந்து விடுபட சமுதாயம் தரும் உதவி, அதே சமுதாயத்தில் இருந்து வரும் ஏச்சுக்கள் ஏளனங்கள் அனைத்தும் சிறப்பாக வெளிக்காட்டியவர். அரட்டை அரங்கத்தை நகைச்சுவையாக்கி அதில் சமூக கண்ணூட்டங்களை வெளிப்படுத்தி இளைஞர்களை நல்வழி படுத்தியவர். இவரின் சினிமாவில் காட்சிகள் பட மாக்கப்பட்டவைகள் அன்றைய சிறு குறு நகரங்களின் முழுப்பரிமாணங்கள் தான். பிரிட்டிஷ் இந்தியாவில் ஜூலை திங்கள் முதல் நாளில் நாற்பத்தைந்தாம் வருடம் ஜனனம் கொண்டு நேற்றைய தினம் தனது பரிபூரண வாழ்வை நிறைவாக்கி கொண்டு இன்று தகனமாகி பூவுலகிற்கு அனுப்பியவனிடமே செல்கிறார். நாடகம் இயற்றுவது ஒரு கடினமான செயல். இயலும் இசையும் விரைந்து காணப்படும் நமது இலக்கியத்தில் நாடகத்தமிழ் பெருமளவில் தமிழறிஞர்களால் வளர்க்கப்படவில்லை. முத்தமிழ் மூன்றாம் தமிழ் பிந்தைய காலகட்டத்தில் தான் வளர்ச்சி காணப்பட்டது. அதை பெருமளவில் வளர்க்காமல் தமிழறிஞர்கள் பள்ளி கல்லூரி பாடத்திட்டங்கள் நின்று போன குறைகளை ஓரளவு கலைந்தவர்களில் விசுவிற்கு ஒரு இடம் நிச்சயம் உண்டு. மீனாட்சி சுந்தரம் ராமசாமி விசுவநாதன் விசுவாக தமிழுக்கு தொண்டாற்றியவர் எனபதை நிச்சயம் தமிழ் ஞாபகம் வைத்திருக்கும் தனது அணிகலன்களில் முத்தாய்ப்பாக. சிறுநீரக கோளாறால் உச்ச காட்சியை நிறைவு செய்து நாடகம் முற்று பெற்றது. பூவுலகின் வாழ்க்கையை சுபமாக்கி நிறை கொண்டாலும், தமிழன்னையின் அணிகலன்களில் இவர் வீற்றிருப்பார் நிரந்தரமாக. பிரிவால் வாடும் அனைவருக்கும் ஆழ்ந்த இரங்கல்கள். ஆன்மா சாந்தியடையட்டும். பிரார்த்திப்போம்.   23-மார்ச்-2020 03:35:52 IST