Dinamalar

டீக்கடை, மளிகைக்கடை , காய்கறிக்கடை, இறைச்சி மீன்கடைகள் காலை பத்துமணிக்கு மேல் இருக்க வேண்டாம். இரவு உணவகங்களும் கொஞ்ச நாட்களுக்கு வேண்டாம் என்று உத்தரவு போடுங்கள் திரு முதல்வர் அவர்களே. கூட்டம் கூடுவதை குறைத்தாலே போதும். கொரோனா கட்டுக்குள் வந்து விடும் முதல்வரே உடனடியாக முடிவெடுங்கள்.   13-மே-2021 16:15:52 IST

முதல்வர் அவர்களே தயவு செய்து ஒவ்வொரு மாவட்ட எல்லையை மூடுங்கள். அந்த அந்த மாவட்ட ஆட்சியருக்கு அதிக அதிகாரம் வழங்குங்கள். அவர்களின் அதிகாரத்தில் கட்சியினரோ ஆட்சியினரோ தலையிட மாட்டார்கள் என்று நம்பிக்கை அளியுங்கள். தயவு செய்து ஈ பாஸ் நடைமுறையை கொண்டு வாருங்கள். மக்கள் நடமாட்டம் குறைந்தால் கொரோனா பரவல் நிச்சயம் குறையும்.நீங்கள் நினைப்பது நிச்சயம் நடக்கும்.   13-மே-2021 16:08:46 IST

அமைப்பு ரீதியாக கட்சியை பலப்படுத்துவதுதான் ஒரு கட்சி தலைவருக்கு அழகு. வெற்றி என்பது நேரடியாக சட்டமன்ற தேர்தலில் ஜெயித்து உக்காருவது கிடையாது. பஞ்சாயத்து வார்டு, பஞ்சாயத்து தலைவர், பேரூராட்சி , நகராட்சி வார்டுகள், மாநகராட்சி வார்டுகள் என்று பலகட்ட சோதனைகள் ஒரு கட்சிக்கு உண்டு. 2018 ல் இவர் கட்சி தொடங்கினார். 2019 ல் தமிழகத்தில் ஊராட்சி, தேர்தல்கள், பேரூராட்சி தேர்தல்கள் நடந்தன. இவர் தனது ஆட்களை உள்ளாட்சி தேர்தல்களில் போட்டியிட வைத்தாரா அதற்கு பிரச்சாரம் பண்ணினாரா என்று தெரியவில்லை. தலைமைக்கு வெற்றிடம் என்று இவர்களாகவே கற்பனை பண்ணிக்கொண்டு சட்டசபை தேர்தலில் போட்டி போட்டார்கள். தி.மு.க வும். அண்ணா தி.மு.க வும் வெற்றிடம் என்று எதுவும் இல்லை என்பதை பறைசாற்றி விட்டன. இனிமேல் சிறு சிறு உதிரி கட்சிகள் தங்கள் அணுகுமுறையை மாற்றிக்கொண்டு தங்களை சுயபரிசோதனை செய்து கொண்டு மீண்டும் தேர்தலை சந்திக்க வேண்டும். கூட்டணி இன்றி போட்டி போடும்போதுதான் தங்கள் பலம் என்ன என்று தெரியும். அந்த விஷயத்தில் நாம் தமிழர் கட்சி எல்லோரையும் நன்றாகவே யோசிக்க வைத்திருக்கிறது. இதெல்லாம் தெரிந்துதான் ரஜினி பின்வாங்கி விட்டார். கொரோனாவும் அவருக்கு கைகொடுத்து இருக்கிறது.   13-மே-2021 16:00:40 IST

எந்த எந்த மாவட்டங்கள் இந்த நோய்த்தொற்றை ஒழித்தனவோ அவர்களின் வெற்றி அனுபவத்தை மற்ற மாவட்டங்களுக்கும் பகிரச்செய்யலாம். மொத்தமாக பார்த்தால் மலைப்பாக இருக்கும். பிரித்து பிரித்து வேலைகளை பகிர்ந்து செய்யும் போது அது மிகவும் சுலபமாக மாறிவிடும். ஒன்றிணைப்பதில் சுணக்கம் காட்டாமல் அரவணைக்கும் தலைமை பண்பு மிக்கவர்களை நமது நாடு இந்த சோதனையான காலகட்டத்தில் எதிர்பார்க்கிறது.   13-மே-2021 15:20:30 IST

சரியாகத்தான் சொல்கிறார். அவர் பாதிப்பு அதிகம் உள்ள மாவட்டங்களின் எண்ணிக்கையை வைத்து இதை சொல்கிறார். ஒவ்வொரு மாவட்டமும் பாதிப்புக்கு ஏற்ப ஊரடங்கை தொடர வேண்டும். மாவட்ட ஆட்சியருக்கு ஊரடங்கு கெடுபிடிகளை கூட்ட, தளர்வுகளை அறிவிக்க அதிக அதிகாரங்கள் வேண்டும். ஆந்திரா அரசு செய்தது மாதிரி மொத்தமாக தனியார் மருத்துவமனைகளை எல்லோருக்கும் சிகிச்சை அளிக்க கட்டாயப்படுத்தலாம். அது முடியவில்லை என்றால் மாவட்ட ஆட்சியர் வசம் நிலைமைக்கு தகுந்தாற்போல் அந்த அந்த மாவட்ட தனியார் மருத்துவமனைகளை அரசின் கட்டுப்பாட்டில் கொண்டுவரலாம். மாவட்டங்களுக்கு இடையில் போக்குவரத்தை அனுமதிப்பதும் நிறுத்துவதும் அந்த அந்த மாவட்ட நிர்வாகத்தின் அதிகார வரம்பு என்று தீர்மானித்தால் கொரோனா பரவலை கட்டுக்குள் கொண்டுவரலாம். தனியார் தொண்டு நிறுவனங்களை நகரின் சட்ட ஒழுங்கு, போக்குவரத்து சோதனை, சுகாதார பராமரிப்பு , தடுப்பூசி வழங்குதல், ரேஷன் பொருட்கள் வழங்குதல் என்று பயன்படுத்திக்கொள்ள ஆட்சியர் தனது அதிகாரத்தில் தேவையான ஆட்களை அல்லது நிறுவனங்களை தேர்வு செய்ய அதிகாரம் அளிக்கலாம். ஒவ்வொரு மாவட்ட ஆட்சியர் கீழ் வட்டாட்சியர் தாலுக்கா அளவில் செயல்படுகிறார். அந்த வட்டாட்சியருக்கு கூடுதல் அதிகாரங்கள் மாவட்ட ஆட்சியர் வழங்குவதன் மூலம் தாலுக்கா அளவில் நிறைய நல்ல விஷயங்கள் செய்ய முடியும். எனவே கொரோனாவை கட்டுப்படுத்த மாவட்ட அளவிலும், தாலுக்கா அளவிலும் அதிகார பரவலை விருப்படுத்தினால் நோய்பரவலை தடுக்க முடியும். கொரோனாவை ஒழிக்கவும் முடியும்.   13-மே-2021 15:16:08 IST

கடந்த ஏப்ரலில் அவர்கள் தீர்மானம் போடும்போது கொரோனவால் உயிரிழந்தவர்கள் எண்ணிக்கை இன்றைய நிலைமையோடு ஒப்பிட்டால் மிக சொற்பமே அதனால் ஒரு கோடி மற்றும் அரசு வேலை என்று கேட்டார்கள். இன்று உயிரிழப்பு மற்றும் பாதிப்பு மிக அதிகம். அரசு ஒரு கோடி என்று கொடுக்க ஆரம்பித்தால் அவ்வளவுதான். திவால்தான்.   13-மே-2021 14:56:16 IST

இங்கே இந்த செய்திக்கு முதல் ஆளாக கருத்து பதிவிட்டிருக்கும் ஒருவர் பெரிய லிஸ்ட் கேட்டிருக்கிறார். அதாவது யார் யார் பிளஸ் டூ பரீட்சை வேண்டும் என்று கேட்டிருப்பதாக. அதுவும் திரு அமைச்சர் அவர்களிடமிருந்து. அவருக்கு லிஸ்ட் தயாரிக்கும் பணியில் ஒட்டு மொத்த கல்வித்துறை ஈடுபட்டு அவர் கேட்ட மாதிரி பெயர், ஊர், கல்வித்தகுதி, பரீட்சை நடத்த தகுந்த காரணங்கள் என்று போட்டு பெரிய லிஸ்ட் தரும் என்று நம்புகிறேன். கொரோனா எப்போது முடிவுக்கு வரும் என்று யாருக்கும் தெரியாது. இன்னும் மூன்றாவது அலை வேறு வரும் என்று சொல்கிறார்கள். அதுவரை மாணவர்கள் யாவரும் படிக்காமல் கல்வி கற்காமல் எப்படி போனால் என்ன அவர்கள் உயிர் தானே முக்கியம் என்று உண்மையிலேயே எதிர்கால இந்தியாவின் சிற்பிகளான மாணவர்கள் நலனில் அக்கறை கொண்டுள்ள அவர் மாதிரி ஒரு நான்கு பேர் இந்த நாட்டுக்கு தேவை.   12-மே-2021 15:42:11 IST

ஒரு கூட்டத்துக்கோ அல்லது மீட்டிங்குக்கோ போனால் முதலில் சமூக இடைவெளி என்பதை திரும்ப திரும்ப இவர்களுக்கு எடுத்து சொல்ல வேண்டியிருக்கிறது. மாஸ்க் அணிவதையும் சொல்ல வேண்டியிருக்கிறது. பொது இடங்களில் இது சம்பந்தமாக கடந்த ஒரு ஆண்டுக்கும் மேலாக எல்லோரும் சொல்கிறார்கள். அப்படியும் மக்கள் நிறைய பேர் ஒழுங்காக கடைபிடிப்பதில்லை. பிரதமர் மோடி அவர்கள் தூய்மை பாரதம் இயக்கம் என்று செய்து காட்டியது போன்று சமூக இடைவெளி மற்றும் கொரோனாவுக்காக ஒரு இயக்கத்தை நீங்கள் ஆரம்பித்தால் மிகவும் நல்லதாக இருக்கும் திரு முதல்வர் அவர்களே. நீங்கள் இந்தியாவுக்கே ஒரு முன்மாதிரியாக இந்தவிஷயத்தில் இருப்பீர்கள் என்று நம்புகிறேன்.   11-மே-2021 17:24:45 IST

ஒட்டு எண்ணிக்கை ரெண்டாம் தேதி நடந்ததால் முதல்வர் யார் என்று தெரிந்து அவரின் ஆலோசானைக்கு ஏற்ப அதிகாரிகள் நடந்து கொள்கிறார்கள். ஒருவேளை கொரோனவை காரணம் காட்டி வோட்டு எண்ணிக்கை தள்ளிபோடப்பட்டிருந்தால் இப்போது இருக்கும் நிலைமைக்கு யார் பொறுப்பு ஏற்பார்கள். நிச்சயம் அதிகாரிகள் தானே ? அதனால் அவர்கள்தான் இந்த கொரோனா பாதிப்பு கூடியதுக்கு முழு முதற் காரணம். ஒருவேளை தொங்கு சட்டசபை வந்திருந்தால் ஆட்சியமைப்பதில் நடக்கும் அடிபிடியில் கொரோனா பாதிப்பு எங்கோ போயிருக்கும். அப்படி போயிருந்தாலும் அதற்கு இந்த அதிகாரிகளே காரணம். இத்தனை நாள் நாங்கள் பார்க்கவில்லையா என்று இதே அதிகாரிகள் கேட்கலாம். ஆனால் அவர்களின் பலவீனத்தை கொரோனா தனக்கு சாதகமாக மாற்றிக்கொண்டுவிட்டது. தினமலர் சரியாக தான் இவர்களை கேள்வி கேட்டிருக்கிறது.   11-மே-2021 13:52:43 IST

இந்த மாதிரி பேனர் வைப்பது கண்டித்து அடிக்கடி வழக்கு போட்ட திரு டிராபிக் ராமசாமி அவர்களும் இறந்து விட்டார். இனிமேல் அவரை மாதிரி யாரவது ஒருத்தர் வந்து இவங்களை கேள்வி கேட்கணும். அதுவரைக்கும் பேனர் கலாச்சாரம் மாறாது.   10-மே-2021 16:10:31 IST