Advertisement

விளையாட்டுச் செய்திகள் | Sports News 26-08-2019 | Sports Roundup | Dinamalar

விளையாட்டு ஆகஸ்ட் 26,2019 | 19:30 IST

Share

தங்க மங்கை' சிந்து சுவிட்சர்லாந்தில் உலக பாட்மின்டன் சாம்பியன்ஷிப் தொடர் நடந்தது. பெண்கள் ஒற்றையர் பிரிவு பைனலில் இந்தியாவின் சிந்து, ஜப்பானின் ஓகுஹராவை 21-7, 21-7 என நேர் செட்களில் வீழ்த்தினார். இதையடுத்து உலக பாட்மின்டனில் தங்கம் வென்ற முதல் இந்தியர் என்ற சாதனை படைத்தார். தவிர, இத்தொடரில் இவர் வென்ற ஐந்தாவது பதக்கமாக அமைந்தது. --------------------- இந்தியா இமாலய வெற்றி இந்தியா, விண்டீஸ் அணிகள் மோதிய முதல் டெஸ்ட் ஆன்டிகுவாவில் நடந்தது. முதல் இன்னிங்சில் இந்தியா 297, விண்டீஸ் 222 ரன்கள் எடுத்தன. இரண்டாவது இன்னிங்சில் இந்தியா 7 விக்கெட்டுக்கு 343 ரன்கள் எடுத்து 'டிக்ளேர்' செய்தது. பின் 419 ரன்கள் எடுத்தால் வெற்றி என களமிறங்கிய விண்டீஸ் அணி, இரண்டாவது இன்னிங்சில் 100 ரன்னுக்கு சுருண்டது. இந்தியா 318 ரன்கள் வித்தியாசத்தில் இமாலய வெற்றி பெற்றது. பும்ரா 5, இஷாந்த் 3, முகமது ஷமி 2 விக்கெட் சாய்த்தனர். --------------------- ஸ்டோக்ஸ் சதம்: இங்கிலாந்து 'திரில்' வெற்றி ஆஷஸ் தொடரின் மூன்றாவது டெஸ்டில் ஆஸ்திரேலியா, இங்கிலாந்து மோதின. லீட்சில் நடந்த இப்போட்டியின் முதல் இன்னிங்சில் ஆஸ்திரேலியா 176, இங்கிலாந்து 67 ரன்கள் எடுத்தன. இரண்டாவது இன்னிங்சில் ஆஸ்திரேலியா 246 ரன்கள் எடுக்க, 359 ரன்கள் எடுத்தால் வெற்றி என களமிறங்கியது இங்கிலாந்து. ஸ்டோக்ஸ் 135 ரன்கள் எடுத்து உதவ, இங்கிலாந்து அணி, 9 விக்கெட்டுக்கு 362 ரன்கள் எடுத்து, ஒரு விக்கெட் வித்தியாசத்தில் 'திரில்' வெற்றி பெற்றது. ----------------------- இங்கிலாந்து செல்கிறார் முரளி விஜய் இந்திய கிரிக்கெட் வீரர் தமிழகத்தின் முரளி விஜய். 35 வயதான இவர் விண்டீஸ் தொடரில் தேர்வு செய்யப்படவில்லை. இதையடுத்து இங்கிலாந்தில் நடக்கும் கவுன்டி சாம்பியன்ஷிப் தொடரில், சாமர்செட் அணிக்காக விளையாட ஒப்பந்தம் ஆனார். பாகிஸ்தானின் அசார் அலிக்குப் பதில் இணையும் முரளி விஜய், கடைசி 3 போட்டியில் களமிறங்குகிறார்.


வாசகர் கருத்து


Avatar
உங்கள் கருத்தைப் பதிவு செய்ய

தேடுக
loading

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X