Advertisement

அரசியல்வாதிகள் முந்தகூடாது: பிரதமர்

பொது ஜனவரி 11,2021 | 20:25 IST

Share

இந்தியாவில் கொரோனா தடுப்பூசி போடும் பணி 16ம் தேதி தொடங்கப்பட உள்ளன. இதையொட்டி, அனைத்து மாநில முதல்வர்களுடன் பிரதமர் மோடி ஆலோசனை நடத்தினார். அப்போது பேசிய பிரதமர், நாம் ஒற்றுமையுடன் செயல்பட்டதன் விளைவாக, உலகெங்கும் கொரோனா பரவியது போல், இந்தியாவில் பரவவில்லை என்றார். மத்திய, மாநில அரசுகள் இணைந்து செயல்பட்டது கூட்டாட்சிக்கு சிறந்த உதாரணமாக திகழ்கிறது. இரண்டு தடுப்பூசிகளுக்கு அனுமதி அளிக்கப்பட்டுள்ளது. அவை வெளிநாட்டு தடுப்பூசிகளை விட செலவு குறைந்தவை. நமது தேவைக்கு ஏற்ப உருவாக்கப்பட்டுள்ளன. மேலும், நான்கு தடுப்பூசிகள் பரிசோதனையில் உள்ளன. சுகாதார பணியாளர்கள் முன்கள பணியாளர்கள் 3 கோடி பேருக்கு முதற்கட்டமாக தடுப்பூசி போடப்படும். இரண்டாம் கட்டமாக 50 வயதுக்கு மேற்பட்டவர்களுக்கு இணை நோய் உள்ளவர்களுக்கு முன்னுரிமை அளிக்கப்படும். தடுப்பூசிக்கு அரசியல்வாதிகள் முந்தக்கூடாது. தங்களுக்கான வாய்ப்பு வரும் போது பயன்படுத்திக் கொள்ளலாம். உலக நாடுகளில் இதுவரை 2.5 கோடி மக்களுக்குதான் கொரோனா தடுப்பூசி போடப்பட்டு இருக்கிறது. ஆனால், இந்தியாவில் சில மாதங்களில் 30 கோடி பேருக்கு தடுப்பூசி போடும் இலக்கை அடைய இருக்கிறோம். தடுப்பூசி குறித்த வதந்திகளை யாரும் நம்ப வேண்டாம். இவ்வாறு பிரதமர் மோடி பேசினார்


வாசகர் கருத்து


Avatar
உங்கள் கருத்தைப் பதிவு செய்ய

தேடுக
loading

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X