Advertisement

கோவிட் ஊழியர் என ஏமாற்றி இருவர் கொலை

சம்பவம் ஜூன் 28,2021 | 11:49 IST

Share

ஈரோடு மாவட்டம் அரச்சலூர் அருகே கேஜி வலசு பொருமாள்வலை பகுதியை சேர்ந்தவர் கருப்பணன். வயது 75 . நேற்று முன் தினம் இவர் வீட்டுக்கு சென்ற இளைஞர் , மாநகராட்சி உத்தரவு படி வீடு வீடாக கோவிட் டெஸ்ட் எடுக்கிறோம் , அதனால் உங்கள் குடும்பத்துக்கும் எடுக்க வேண்டும் என்றார். வீட்டில் கருப்பணன் , மனைவி மல்லிகா , மகள் தீபா மற்றும் தோட்ட வேலைக்கு வந்த குப்பம்மாள் இருந்தனர் . டெஸ்ட் எடுக்கும் முன் நான்கு பேருக்கும் ஏதோ ஒரு மாத்திரை கொடுத்தார் . அனைவரும் அதை எடுத்துக்கொண்ட பிறகு , கோவிட் டெஸ்ட் எடுத்து கிளம்பினார் . கொஞ்ச நேரத்தில் நான்கு பேரும் மயங்கி விழுந்தனர் . அக்கம்பக்கத்தினர் அவர்களை மருத்துவமனையில் அட்மிட் செய்தனர் . தீபா மற்றும் குப்பம்மாள் இறந்தனர் . இருவர் சிகிச்சை பெற்று வருகின்றனர் . டெஸ்ட் எடுத்து சென்றவர் மீது சந்தேகம் வந்தது . இது தொடர்பாக கருப்பணன் போலீசில் புகார் அளித்தார் . விசாரித்து வந்தனர் . கருப்பணன் தோட்டத்தை குத்தகைக்கு எடுத்து வந்து விவசாயம் செய்து வந்த கல்யாண சுந்தரம் , அவரது உதவியாளராக இருந்த கல்லூரி மாணவன் சபரி தான் இந்த கொலைக்கு காரணம் என தெரிந்தது . இவருவரையும் கைது செய்து விசாரித்தனர் . கருப்பணன் தனது உறவினரிடம் இருந்து 10 லட்சம் ரூபாய் கடனாக வாங்கி, கல்யாண சுந்தரதுக்கு வழங்கியுள்ளார் . ஆனால் கல்யாண சுந்தரம் வட்டி கொடுக்காமல் காலம் தாழ்த்தி வந்தார் . கொடுத்த பணத்தை திருப்பி கேட்டு கொண்டே இருந்தார் கருப்பணன் . இதனால் ஆத்திரமடைந்த கல்யாண சுந்தரம், அரசு வேலை வாங்கி தருவதாக சொல்லி , கல்லூரி மாணவரை வைத்து கருப்பணன் குடும்பத்தை போட்டு தள்ள முடிவு செய்தார் . கருப்பணன் வீட்டுக்கு சென்று டெஸ்ட் எடுத்தது மாநகராட்சி ஊழியர் இல்லை . சால்பாஸ் மாத்திரை கொடுத்து குடும்பத்தை போட்டு தள்ள தான் சபரி என்பவர் சென்றது தெரிந்தது .


வாசகர் கருத்து


Avatar
உங்கள் கருத்தைப் பதிவு செய்ய

தேடுக
loading

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X