Advertisement

இலவச பயண இழப்பை ஈடுகட்ட வழி கண்டது தமிழக அரசு

சிறப்பு தொகுப்புகள் செப்டம்பர் 14,2021 | 15:27 IST

Share

திமுக அரசு புண்ணியத்தில், அரசு பஸ்களில் பெண்கள் இலவசமாக பயணம் செய்கின்றனர். இதனால் போக்குவரத்து கழகங்களுக்கு வருமானம் சரிந்து விட்டது. இழப்பை சரிக்கட்ட பல வகையில் முயற்சி செய்கிறது அரசு. ஆண்களிடம் கூடுதல் கட்டணம் வசூலிப்பது அதில் ஒரு வகை. இது பற்றி புகார்கள் வந்தாலும் அரசு மறுக்கிறது. குறைந்தபட்ச டிக்கட் 5 ரூபாய். அதற்கு மேல் ஒவ்வொரு ஸ்டேஜுக்கும் ஒரு ரூபாய் அதிகம். ஸ்டேஜ் என்பது 2 கிலோ மீட்டர் தூரம். இலவச பயணம் அமலுக்கு வந்த பிறகு, ஸ்டேஜ் தூரத்தை பாதியாக குறைத்து விட்டார்கள். . அதாவது ஒவ்வொரு கிலோ மீட்டருக்கும் ஒரு ரூபாய் கூடுகிறது. அதோடு விடவில்லை. ஐந்து ரூபாய்க்கு பிறகு 6 ரூபாய் 7 ரூபாய் டிக்கெட் எல்லாம் கொடுப்பது இல்லை. நேராக 10 ரூபாய்க்கு போய்விடுகிறார் கண்டக்டர். இது 66 சதவீத உயர்வு. கிட்டத்தட்ட பெண்களுக்கு சேர்த்து ஆண்கள் கட்டணம் செலுத்தும் நிலை. சத்தம் இல்லாமல் நடக்கிறது இந்த வசூல். சென்னையின் புறநகர்களில் டவுன் பஸ்களை இயக்கும் பொறுப்பு விழுப்புரம் போக்குவரத்து கழகத்திடம் தரப்பட்டுள்ளது. அதன் அதிகாரிகளிடம் செய்தியாளர் விசாரித்தபோது எவரும் பதில் சொல்லவில்லை. ”சென்னைவாசிகள் ஒரு ரூபாய் 2 ரூபாய்க்கு எல்லாம் அலட்டிக் கொள்வது இல்லை. சில்லரை தேடி எடுத்து கொடுப்பதும் கஷ்டம். யாருக்கும் சிரமம் வேண்டாமே என்ற நல்ல எண்ணத்தில் அரசு செய்வதை குறை சொல்லலாமா?” என ஒருவர் கேட்டார். அவர் அதிகாரியா பயணியா என்று தெரியவில்லை. ரொம்ம்ப நல்லவர் என்பது மட்டும் தெரிந்தது.


வாசகர் கருத்து


Avatar
உங்கள் கருத்தைப் பதிவு செய்ய

தேடுக
loading

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X