கும்மிடிப்பூண்டி அருகே நேமலூர் ஊராட்சியில், குப்பைகளை மறு சுழற்சி செய்யும் தொழிற்சாலை உள்ளது. நேற்று இரவு ஏற்பட்ட திடீர் தீ விபத்தில் குப்பை மேடுகள் எரிந்தன. தீ அணைக்கும் வீரர்கள் 6 வண்டிகளில் வந்து, 10 மணி நேரம் போராடி தீயை அணைத்தனர். அருகில், வன பகுதி இருப்பதால், அங்கும் தண்ணீரை பீய்ச்சி அடித்தனர். மின் துறையினர், பக்கத்தில் உள்ள தொழில் கூடங்களுக்கு மின் விநியோகத்தை நிறுத்தினர். விபத்து குறித்து விசாரணை நடக்கிறது.