திருப்பூர் மாநகராட்சிக்கு உட்பட்ட போயம்பாளையத்தைச் சேர்ந்தவர் ரவிக்குமார்; டெய்லர். இவரது மனைவி ஜோதிமணி. தம்பதியரின் மூத்த மகன் உபநிஷாந்த், 15. இளைய மகன் திஷாந்த், 5. தெலுங்கானா மாநிலம், ஹைதராபாதில், 20, 21ம் தேதிகளில் நடந்த தேசிய அளவிலான மாடலிங் போட்டியில், 13 - 18 வயதுக்கு உட்பட்டோர் பிரிவில் உபநிஷாந்த், 8 - 12 வயதுக்கு உட்பட்டோர் பிரிவில் திஷாந்த் பங்கேற்றனர். புதுமையான ஆண்கள் ஆடை ரகங்களை அணிந்து, பேஷன்ஷோவில் பங்கேற்றனர். நேர்முகத் தேர்வில் தேர்வாயினர். இதையடுத்து, தேசிய அளவிலான மாடலிங் போட்டியில், உபநிஷாந்த் முதலிடம்; திஷாந்த் மூன்றாமிடம் பிடித்தனர். செப்., 21ல் தாய்லாந்தில் நடைபெறும் சர்வதேச அளவிலான மாடலிங் போட்டியில் பங்கேற்கும் வாய்ப்பை, உபநிஷாந்த், திஷாந்த் பெற்றுள்ளனர். இருவரும், 'மிஸ்டர் அண்ட் மிஸஸ் டீன் சூப்பர்' பிரிவில் இந்தியா சார்பில் பங்கேற்க விரைவில், தாய்லாந்து செல்கின்றனர்.