ஹெல்த்தியான ஸ்வீட் கார்ன் சூப் !

ஒரு ஸ்வீட் கார்னில் மூன்றில் ஒரு பங்கை எடுத்து மிக்ஸி ஜாரில் சிறிது கொரகொரப்பாக அரைத்து தனியே வைக்கவும்.

கடாயில் மூன்று கப் தண்ணீர் ஊற்றி, அரைத்த ஸ்வீட் கார்ன், பொடிப்பொடியாக நறுக்கிய 1 பச்சைமிளகாய் மற்றும் 1 கேரட் ஆகியவற்றை சேர்த்து நன்றாக வேக விடவும்.

ஒரிரு நிமிடங்கள் கழித்து சிறிது நறுக்கிய பீன்ஸ் மற்றும் இஞ்சியை சேர்த்து மூடி வைக்கவும்.

அடுப்பை குறைவான தணலில் வைத்திருக்கவும். இரண்டு அல்லது மூன்று நிமிடங்கள் கழித்து நன்றாக கலக்கிவிட்டு, மீதமுள்ள ஸ்வீட்கார்ன் மற்றும் தேவையான அளவு உப்பு சேர்த்து வேக விடவும்.

இரண்டு நிமிடங்கள் கழித்து சூப் கெட்டி தன்மையுடன் இருக்க 2 டீஸ்பூன் கூம்பு கிழங்கு பவுடரை ( arrow root powder) சிறிதளவு தண்ணீரில் கரைத்து சேர்க்கவும்.

தொடர்ந்து, 1/2 டீஸ்பூன் குருமிளகு தூள், சிறிதளவு பொடியாக நறுக்கிய வெங்காயத்தாள் மற்றும் எலுமிச்சை சாறு ஆகியவற்றை சேர்த்து இறக்கவும்.

இப்போது ஆரோக்கியமான மற்றும் சுவையான ஸ்வீட்கார்ன் சூப் ரெடி.