இன்று சர்வதேச இடது கையாளர்கள் தினம்

உலக மக்கள்தொகையில் 10 சதவீதம் பேர் இடது கை பயன்படுத்தும் பழக்கம் உடையவர்கள் என ஐ.நா., ஆய்வு தெரிவிக்கிறது.

இவர்களது சாதனைகளை பாராட்டுதல், அவர்கள் பயன்பாட்டுக்கு ஏற்ற பொருட்களை தயாரிக்க வலியுறுத்தி 1976 முதல் ஆக., 13ல் உலக இடது கை பழக்கம் உடையோர் தினம் கடைபிடிக்கப்படுகிறது.

இடது கை பழக்கம் ஒருவருக்கு இயற்கையிலேயே அமைந்து விடுகிறது.

இது மூளை வளர்ச்சியை பொறுத்து அமைகிறது. இவர்கள் வலது பக்க மூளையை அதிகளவில் பயன்படுத்துவர்.

இவர்களுக்கு ஞாபக திறன் அதிகமாக இருக்கும் என ஆய்வுகள் தெரிவிக்கின்றன.

விளையாட்டுத் துறை, விஞ்ஞானம், பட்டிமன்றம் என அவர்கள் சில துறைகளில் நுட்பமாக செயல்பட்டு வெற்றி பெறுவார்கள் என கூறப்படுகிறது.

இயற்கைக்கு மாறாக அவர்கள் இயங்கவில்லை, அவர்களுடைய இயற்கையே அதுதான் என்பதை பெற்றோர்களும் சமூகமும் புரிந்து கொள்ள வேண்டும்.