இன்று உலக கொசு ஒழிப்பு தினம்!

மூவாயிரத்துக்கும் மேற்பட்ட கொசு வகைகளில் ஆபத்தானவை மலேரியாவை உருவாக்கும் 'அனாபிலஸ்', டெங்குவை உருவாக்கும் 'ஏடிஸ்' யானைக்கால் மற்றும் மூளைக்காய்ச்சலை உருவாக்கும் 'கியூலக்ஸ்' என்ற மூன்று கொசுக்கள் தான்.

'அனாபிலஸ்' என்ற பெண் கொசுக்கள் மூலம் மலேரியா பரவுகிறது என்று 1897 ல் பிரிட்டன் டாக்டர் ரெனால்டு ரோஸ் கண்டுபிடித்தார்.

இந்த நாளின் நினைவாகவும், மக்கள் தங்களை பாதுகாத்து கொள்ள விழிப்புணர்வு ஏற்படுத்தும் வகையில் ஆண்டுதோறும் ஆக.20 ல் உலக கொசு ஒழிப்பு தினம் கடைபிடிக்கப்படுகிறது.

பெண் கொசுக்கள் வாழ்நாளில் 3 முறை முட்டையிடும். ஒவ்வொரு முறையும் 300 முட்டைகள் இடும்.

ஆண் கொசுக்கள் 10 நாட்கள் பெண் கொசுக்கள் 6 வாரம் உயிர் வாழும். இவை அதிக துாரம் பயணிக்காது.

கொசுக்கள் நீரில் தான் முட்டையிடுகின்றன. மழைக்காலத்தில் அதிகம் பெருகுகின்றன. எனவே வீடுகளின் அருகில் தண்ணீர் தேங்காதவாறு பார்த்து கொள்ள வேண்டும்.

டயர்கள் டப்பா சிரட்டைகள் பிளாஸ்டிக் பொருட்கள் சேராமல் பார்த்துக் கொள்ள வேண்டும்.தொட்டிகளை மூடி வைக்க வேண்டும். பாத்திரங்களை சுத்தமாக கழுவி கவிழ்த்து வெயிலில் காய வைத்து உபயோகிக்க வேண்டும்.