பிஸியாக இருக்கும் விமான நிலையங்கள்... டாப் 10ல் டில்லி!

உலக அளவில் விமான சந்தையில், வளர்ந்து வரும் நாடுகளில் இந்தியா முக்கிய இடத்தை பிடித்துள்ளது.

2023ம் ஆண்டில், உலகளவில் 8.5 பில்லியன் பயணிகள் விமானங்களில் பயணம் மேற்கொண்டுள்ளனர்.

டில்லியில் உள்ள இந்திரா காந்தி சர்வதேச விமான நிலையத்தில் இருந்து 72.2 மில்லியன் பயணிகள் வெளியூருக்கு பயணம் மேற்கொண்டுள்ளனர்.

தற்போதைய நிலவரப்படி விமான பயணிகளின் எண்ணிக்கையின் படி, எப்போதும் பிஸியாக இருப்பதில் டில்லி இந்திரா காந்தி சர்வதேச விமான நிலையம் 10வது இடத்தில் உள்ளது.

முதலிடத்தில் அட்லான்டா சர்வதேச விமான நிலையம், அமெரிக்கா உள்ளது.

2வது இடத்தில் துபாய் சர்வதேச விமான நிலையம், யு.ஏ.இ., மற்றும் 3ம் இடத்தில் டல்லாஸ் சர்வதேச விமான நிலையம், அமெரிக்கா உள்ளது.

லண்டன் ஹீத்ரு விமான நிலையம், பிரிட்டன், டோக்கியோ சர்வதேச விமான நிலையம், ஜப்பான் மற்றும் டென்வர் விமான நிலையம், அமெரிக்கா ஆகியவை முறையே 4, 5 மற்றும் 6ம் இடத்தில் உள்ளது.

இஸ்தான்புல் விமான நிலையம், துருக்கி, லாஸ் ஏஞ்சல்ஸ் விமான நிலையம், அமெரிக்கா மற்றும் சிகாகோ சர்வதேச விமான நிலையம், 7, 8 மற்றும் 9ம் இடத்தில் உள்ளது.