குடல் ஆரோக்கியத்தைக் காக்கும் உணவுகள் !
பூண்டைத் தினமும் நாம் எடுத்துக்கொள்ளும் போது குடலுக்கு நன்மை பயக்கும் பிஃபிடோபாக்டீரியாவின் வளர்ச்சியை அதிகரிக்கிறது. நோயைத் தூண்டும் பாக்டீரியாக்களைக் குடலில் வளர விடாமல் அழிக்கிறது.
வெங்காயத்தில் இன்யூலின் சேர்மங்கள் அதிகமுள்ளன. இது குடலை பலப்படுத்துகிறது. கெட்ட கொழுப்புகளை அதிகம் சேர விடாமல் தடுத்து, நோய் எதிர்ப்பு மண்டலத்தை வலுவடையச் செய்கிறது.
வாழைப்பழத்தில் அதிகளவில் நார்ச்சத்து அதிகமுள்ளது. இது குடலிலுள்ள நல்ல பாக்டீரியாக்களின் வளர்ச்சியை ஊக்குவிக்கும்.
ஆளி விதைகளில் நார்ச்சத்து, புரதம் அதிகமுள்ளது. இது குடலிலுள்ள ஆரோக்கியமான பாக்டீரியாக்களின் வளர்ச்சியைத் தூண்டுகிறது. ஜீரண சக்தியை அதிகரித்துக் கெட்ட கொழுப்புகளைக் கரைக்கிறது.
பார்லி அரிசியை உணவில் சேர்த்துக்கொள்ளும் போது இதிலுள்ள நார்ச்சத்து குடலின் ஆரோக்கியத்தை அதிகரிக்கிறது. கெட்டக்கொழுப்பை கரைப்பதோடு, இதய நோய் அபாயத்தையும் குறைக்கிறது.
இதேப்போல் ஆப்பிள், செர்ரி பழம் போன்றவற்றை தொடர்ந்து எடுத்துக் கொள்வதன் மூலம் குடல் ஆரோக்கியத்தை மேம்படுத்தலாம்.