உங்களை மெருகேற்ற எளிய அழகு குறிப்புகள்!

கடலைமாவுடன் சிறிது மஞ்சள் துாள், எலுமிச்சைச் சாறு, ஒரு மேஜைக்கரண்டி பால் கலந்து முகத்தில் பூசி, காய்ந்தவுடன் மிதமான சுடுநீரில் கழுவினால் முகம் மிருதுவாகும்

பாதியாக நறுக்கிய ஆப்பிள் மற்றும் ஸ்ட்ராபெர்ரி 5 துண்டுகள் சேர்த்து, மிக்ஸியில் போட்டு அரைத்து, அதில் சிறிது கடலை மாவு சேர்த்து கலந்து, முகத்தில் பூசி, 30 நிமிடம் ஊற வைத்து கழுவலாம்.

இதனால், சருமத்தில் உள்ள சுருக்கங்கள், கரும்புள்ளிகள் மறைந்து முகம் அழகாகும். இதை, வாரம் ஒருமுறை செய்யலாம்

கருவளையத்தைப் போக்க, பூசணி சிறந்த மருந்தாகும். பூசணிக்காயை சிறு துண்டுகளாக்கி, அதை கண்களை சுற்றி வைத்தால், அவை மறையும்.

கறிவேப்பிலை இலைகளை நிழலில் உலர்த்தி, மிஷினில் நைசாக அரைக்கவும்.

அதை தண்ணீர் விட்டு குழைத்து தலையில் தேய்த்து, ஒரு மணி நேரம் ஊறவிட்டு, குளிர்ந்த நீரில் குளித்து வந்தால், தலைமுடி கறுப்பாகும்; முடியும் நீண்டு வளரும்.

முகம் சொர சொரப்பாக இருக்கும் பெண்கள், திராட்சை பழச்சாறு ஒரு கரண்டி, பன்னீர் ஒரு கரண்டி இரண்டையும் கலந்து முகத்தில் தேய்த்து, கழுவி வந்தால், பளபளப்பாகவும், வழுவழுப்பாகவும் மாறும்.

ஆலிவ் எண்ணெயை கொதிக்க வைத்து, ஆறியபின், சேலை கட்டி கறுப்பான இடுப்பு பகுதியில் தேய்த்து வர, அது மறைந்து விடும்.