ஹெல்த்தியான முருங்கைக்கீரை துவையல் ரெசிபி!

தேவையான பொருட்கள்: இளம் முருங்கைக்கீரை - 1 கப், காய்ந்த மிளகாய் - 6, சின்ன வெங்காயம் - 5, பூண்டு பல் - 4

உளுத்தம் பருப்பு, புளி, உப்பு மற்றும் கடுகு - தேவையான அளவு, கறிவேப்பிலை, எண்ணெய், தண்ணீர் - சிறிதளவு.

ஒரு கடாயில் சிறிது எண்ணெய் விட்டு சூடானவுடன், உளுத்தம் பருப்பு, காய்ந்த மிளகாய் போட்டு வறுக்கவும்.

பின், சின்ன வெங்காயம், பூண்டு பல், முருங்கைக்கீரை மற்றும் புளி சேர்த்து வதக்கவும்

சூடு ஆறியவுடன் தேவையானளவு உப்பு, தண்ணீர் சேர்த்து அரைக்கவும்.

பின், கடுகு, கறிவேப்பிலை சேர்த்து தாளித்து அதில் சேர்த்தால், சத்துகள் நிறைந்த, ஆரோக்கியமான 'முருங்கைக்கீரை துவையல்' ரெடி.

சூடான சாதம், இட்லி, தோசையுடன் தொட்டுக் கொள்ளலாம். அனைத்து வயதினரும் விரும்பி உண்பர்.