பண்டிகை காலத்தில் கிரெடிட் கார்டை பயன்படுத்த இதோ சில டிரிக்ஸ்

டெபிட் கார்டுகளை விட கிரெடிட் கார்டு பயன்பாடு அதிகரித்துள்ளதாக, டிஜிட்டல் பரிவர்த்தனை தொடர்பான அண்மை அறிக்கை ஒன்று தெரிவிக்கிறது.

கடந்த ஆகஸ்ட் மாதத்தில், டெபிட் கார்டு பயன்பாட்டைவிட கிரெடிட் கார்டு பயன்பாடு 3.9 மடங்கு அதிகரித்துள்ளது.

இதன் பயன்பாடு பலவித அனுகூலங்களை கொண்டிருந்தாலும், அதிக செலவு செய்யும் அபாயம் இருப்பதை மனதில் கொள்ள வேண்டும். எனவே, பண்டிகை காலத்தில் கிரெடிட் கார்டை சரியாக பயன்படுத்த சில டிப்ஸ்...

மிகை செலவு... பண்டிகை காலத்தில், இ-காமர்ஸ் நிறுவனங்கள் சலுகைகளை வாரி வழங்குவதால், திட்டமிட்டதை விட அதிக செலவு செய்ய நேரலாம். வட்டியும் அதிகம் என்பதை மனதில் கொள்ள வேண்டும்.

திட்டமிடல்... கூடுதலாக செலவு செய்வதை தவிர்க்க, வாங்க விரும்பும் பொருட்களை முதலில் பட்டியலிட்டுக் கொள்ள வேண்டும்; பட்ஜெட்டை வகுத்துக்கொள்வதும் மிகவும் அவசியம்.

சலுகைகள்... நீங்கள் வாங்க விரும்பும் பட்டியலில் உள்ள பொருட்களுக்கான சலுகைகளை தேடி கண்டறிந்து பயன்படுத்தலாம். கேஷ்பேக் வாய்ப்புகளும் பொருந்துகின்றனவா என பார்க்க வேண்டும்.

ரொக்க பயன்பாடு... இது டிஜிட்டல் பரிவர்த்தனைக்கு ஏற்றது. கிரெடிட் கார்டு மூலம் ஏ.டி.எம்.,மில் ரொக்கமாக பணம் எடுக்கும்போது, வட்டி விகிதம் அதிகம் என்பதால் எச்சரிக்கையாக இருக்க வேண்டும்.

கடன் வலை... கார்டில் வாங்கிய தொகையை உரிய காலத்தில் திருப்பி செலுத்த வேண்டும். குறைந்தபட்ச தொகையை செலுத்தும் வாய்ப்பு இருந்தாலும் இதை தவிர்ப்பது நல்லது. இது கடன் சுமையை அதிகரிக்கக்கூடும்.